Jeremiah 43:12 - Zokam International Version

¹² Amah c in Egypt pasiante biakinnte hal dinga; a biakinnte uh halin a pasiante uh a laksak ding hi. Tuucingpa in a puan a tungah a vialh bangin a tungah Egypt vial dinga, tua panin ngaihmuangtakin a ciah ding hi.

LAISIENGTHOU CL Bible (BSI)

¹² Tualeh Keima’n Izipt pasiente innte ah mei ka tawkuong ding a amauh ahal ding a, sal in apui ding hi. Tualeh belamchingpa’n apuonte asil bangin, Izipt gam in akivon dinga, tuana pat in galmuong in apei ding hi.

Zo Bible

¹² Ama in Egypt pasien-te kibiehna biehinnte sungah mei taw-in, tua teng hal tumin salin a peipi ding hi; tuale tuucingpa in a puon tunga khate a sot sieng bangin ama in Egypt gam sung a siengsah ding hi; tuale lungmuong tahin tua panin ama a pei ding hi.

Jeremiah 43:12 ပူးပေါင်းရင်းမြစ်များ

2 Samuel 5:21

Philistia-te in tua lai-ah a milimte uh taisan uh a, David le a mite in a puakhia uh hi.

Esther 6:9

Tua ciangin kumpipa ulianpen khat puantualpi le sakol apsak in. Amaute in kumpipa pahtawi noppa puan silhsakin khuapi sung lampite ah sakol tungah tuangsak inla ama mai-ah tangko paisak in. Hih in kumpipa pahtawi noppa kibawl nading ahi hi," ci-in a dawng hi.

Job 40:10

Tua ahileh minthanna le thupina tawh nang le nang kizem inla, pahtawina le zahtakna kisilhsak dih in.

Phatna-late 104:2

Amah in puan bangin khuavak silh a; puanbuk bangin vante zalin

Phatna-late 132:16

A siampite hotkhiatna ka silhsak dinga, a misiangthote in nuamin la sa den ding uh hi.

Phatna-late 132:18

A galte maizumna ka silhsak dinga, ahi hangin ama lutunga lukhu a taang ding hi," ci khin hi.

Paikhiatna 12:12

"Tua ni zan mah in Egypt gam nawksuakin, mihing, ganhing tacil peuhmah ka sattuk dinga - Egypt a pasiante khempeuh tungah thukhenna ka tungsak ding hi. Keimah TOPA ka hi hi.

Isaiah 19:1

Egypt tawh kisai thusuak: En in, Egypt lam manawhin a manlang meii tungah TOPA hong tuang hi. Ama mai-ah Egypt milimte ling uh a, Egypt-te lungsim a beimang hi.

Isaiah 21:9

En in, sakolte kaih sakolleng-in mi khat hong pai hi. Amah in dawng kik a: ‘Babylon puk khin, puk khin ta! A pasiante limte khempeuh lei lakah kitamzan ta!’ ci hi," a ci hi.

Isaiah 46:1

Bel kunsuk a, Nebo a kulsuk hi; amau milimte vangik a pua ganhingte in a pua hi. A kipua milimte vangik mahmah a, a gimte’ vangik a suak hi.

Isaiah 46:2

Amaute kulsukin kunsuk uh a amau le amau kivanzangsak thei loin galmat a suak dingin a paikhia uh hi.

Isaiah 49:18

Dakto inla na kimkot en in; na tapate kikhawmin nang hong zuan uh hi. TOPA in cikhia hi, "Ka nuntakna ka lo hi, amaute khempeuh kizepna-in na nei dinga, mothak bangin amaute kizepna-in na nei ding hi.

Isaiah 52:1

Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

Isaiah 59:17

Amah in thumaanna awmdalin bulh a, a lu ah hotkhiatna sik lukhu a khu hi; amah in phulakna puan silh a, deihluatna-in kituama puantualpi-in a nei hi.

Isaiah 61:10

TOPA sungah nuam ka sa mahmah a, ka Pasian sungah ka kha a kipak hi. Ahang in, zi neipa in siampipa bangin a lu a zep bang le, suangmanpha-in monu a kizep bangin amah in hotkhiatna puante kei hong silhsak khin a, thumaanna puantualpi-in kei hong zem khin hi.

Isaiah 61:5

Pemtate in na tuuhonte uh cing ding uh a; gamdang mite in na lo uh le na lenggui lote uh a kho ding uh hi.

Jeremiah 10:11

"Amaute kiangah, ‘Hih leitung le vantung a bawl lo pasiante, leitung le van kikhupsinte nuai panin a mangthang ding uh hi,’ ci-in gen in," b a ci hi.

Jeremiah 10:15

Amaute kimanna nei lo ciamnuih bawlna lel hi a; amau thukhenna hun a tun ciangin a mangthang ding uh hi.

Jeremiah 25:19

Egypt kumpipa Pharaoh, a nasemte, a uliante le a mite khempeuh,

Jeremiah 43:13

Egypt a ni d biakna inn sunga khuampi siangthote sucim dinga, Egypt pasiante biakna innte a haltum ding hi,’ ci hi," a ci hi.

Jeremiah 46:25

Israel Pasian Thahatpen TOPA in a geninah: "Keimah in Thebes-te a pasian Amon tung, Pharaoh tung, Egypt le a pasiante le a kumpite Pharaoh tunga kinga khempeuh tungah dan ka tuaksak ding hi.

Jeremiah 48:7

Na sepsa le na hauhna na muan nungsang, nang zong salin hong kikai dinga, Chemosh, a siampite le a uliante tawh salin a kikaikhawm ding hi.

Jeremiah 49:27

"Damascus kulhte mei-in ka hal dinga; tua in Ben-Hadad kulh muanhuaite a hultum ding hi," a ci hi.

Jeremiah 50:2

"Minamte lakah zasakin tangko unla, dialkhai khai-in bangmah im kei unla, ‘Babylon kila ta ding hi; Bel kimaizumsak dinga, Marduk laugawp ding hi. Tuanu’ milimte kimaizumsak dinga a pasian limte kilausak ding hi.,’ ci-in tangko un.

Jeremiah 51:44

Babylon sunga om Bel, an ka suaksak dinga, a valhsate ka ikkhiasak kik ding hi. Ama tungah minamte lui-in a luang nawn kei ding uh hi. Tuateh Babylon kulh a puk ding hi.

Ezekiel 29:11

Mihing khe ganhing khe in tawn lo dinga; tua lai-ah kum sawmli sung kuamah a teng kei ding hi.

Ezekiel 29:19

Tua ahi ciangin hih in Thupipen TOPA thugen ahi hi: Keimah in Babylon kumpipa Nebuchadnezzar tungah Egypt ka pia dinga a hauhnate a puakhia mang ding hi. A galkapte khasum dingin a leitangte matsakin a laksak ding hi.

Ezekiel 30:13

"‘Hih in Thupipen TOPA gen ahi hi: "‘Milimte ka susia dinga, Memphis e a pasian limte ka beisak ding hi. Egypt ah kumpitapa om nawn lo dinga a gam khempeuh uh launa ka tungsak ding hi.

Daniel 11:8

A pasiante uh, sik milimte le ngun le khama kibawl a vanzatte uh matsakin Egypt ah a pua ding hi. Kum tawmvei sung leilu-lam kumpipa a sim nawn kei ding hi.

Zephaniah 2:11

TOPA in amaute gama pasiante a suksiat ciangin amaute a lausak mahmah ding hi. Tuipi mong khempeuh a minamte in amau leitang ciat panin amah bia ding uh hi.

Rome-te 13:12

Zan bei dektak hi; sun hong tung dektak hi. Tua ahi ciangin khuamial gamtatnate paikhia-in khuavak galvante silh ni.

Ephesa-te 4:24

amaan thumaanna le sianthona taktak sungah Pasian tawh kibang dinga kipiangsak mithak na silh ding uh note hong kihilh hi.

Ephesa-te 6:11

Dawimangpa hong sawmnate na nan zawh nadingun Pasian galvan a kimin silh un.

Colosse-te 3:12

Tua ahi manin note, Pasian teelsa a siangtho le a ithuai mi na hi bangun no le no in, kikhuatuahna, migitna, kiniam khiatna lungnemna le thuakzawhna na silh un.

Colosse-te 3:14

Hih a hoih pente khempeuh tungah, tuate khempeuh kicingtakin khata henkhawm itna na silhthuah un.