Jeremiah 42:22 - Zokam International Version

²² Tua ahi ciangin tu-in hih thu tel un: Note pai-a na tun nopna uh munah namsau, kialpi le pulpi-in na si ding uh hi," a ci hi.

LAISIENGTHOU CL Bible (BSI)

²² Tuaziehin tuin teng dinga na zotna mun uah namsau in, kiel in, tualeh natpi in na shi ding uh, chi chientah in thei un.”

Zo Bible

²² Tua ciengin note in teltahin kithei ta un, na ten nopna mun vuah namsau, kielpi, le pulnatna tawh na si ding uhi,” a ci hi.

Jeremiah 42:22 ပူးပေါင်းရင်းမြစ်များ

Isaiah 30:3

Ahi hangin Pharaoh hutna note maizumna hi dinga, Egypt liim in note zahlakna hi ding hi.

Jeremiah 24:10

Amaute tungah namsau, kialpi le pulpi ka sawl dinga amaute le a pate uh ka piaksa gam pan amaute a susia ding hi,’ ci-in gen in," hong ci hi.

Jeremiah 42:17

Egypt ah pai teitei a, a tengte khempeuh namsau, kialpi le pulpi-in si ding uh a; amau tungah ka tunsak ding gimna panin kuamah a suakta kei ding uh hi,’ ci hi.

Jeremiah 43:11

Amah hong kuanin Egypt sim dinga, sihsak dinga sehsate sisakin, sal-a kaih dinga sehsate salin kai-in, namsau thuak dinga sehsate thuaksak ding hi.

Jeremiah 44:12

Keimah in Egypt ah lalin ten a sawm Judah a baanglaite ka lakhiamang ding hi. Egypt ah amaute a vekun mangthang ding uh a; namsau-in a sih kei uh leh kialpi-in a si ding uh hi. Amaute a neupen pan alianpen dongin namsau ahikeh kialpi-in a si ding uh hi. Amaute kihamsiatin, kilipkhap dinga bangmaha kimang lo mawhpaihna thuakte hi ding uh hi.

Ezekiel 33:27

"Amaute kiangah hih thu gen in: ‘Hih in Thupipen TOPA gen ahi hi: Ka nuntakna ka lo hi, a kisiasa gam sunga a kinusiate namsau in a puk ding uh hi; khuaneu-a omte gamsa gilote nek dingin ka pia dinga, suanghawm sung le kulh muanhuai sunga omte pulpi in a si ding uh hi.

Ezekiel 6:11

"‘Hih in Thupipen TOPA gen ahi hi: Na khut le na khut tumin lei tuan in,"Tazen aw!" ci-in awngkhia in. Israel innkuante a kihhuai a gamtatna uh le a gitlohnate uh hangin namsau, kialpi le pulpi-in a si ding uh hi.

Ezekiel 6:12

Gamlapi a omte pulpi in si ding uh a, a nai-a omte namsau-in puk ding uh a, a omlai sun a kihawi laite kialpi in a si ding uh hi. Ka thangpaihna tu-a bangin ka tungsak ding hi.

Hosea 9:6

Amaute kisiatna pan a suahtak uh leh zong, Egypt in amaute khawm dinga, Memphis in amaute a vui ding hi. Amaute gou ahi ngunte thanglingte in tuam ding a, a puanbukte uh lingkung in a tuum ding hi.