Jeremiah 42:18 - Zokam International Version

¹⁸ Hih in TOPA Israel Pasian gen ahi hi: ‘Jerusalem a tengte tungah ka hehna le ka thangpaihna ka buakkhiat bangin Egypt ah na pai uh leh ka thangpaihna kong bua ding hi. Note hong kihamsiatin, hong kilipkhapin, bangmah a kimang lo mawhpaihna thuakte na hi ding uh a; hih mun na mu kik nawn kei ding uh hi,’ ci hi.

LAISIENGTHOU CL Bible (BSI)

¹⁸ “Aziehpen galkapte Mangpa Israelte Pasian in tambangin agen hi; Ka lungthahna leh ka thangpaina Jerusalema tengte tunga ka sunbuoh bangin, Izipt gam a na lut chiengun, noute tungah zong ka lungthahna ka sungbaw ding hi. Tualeh noute pen mite hamse lawkhum, mite chizat, kamthauhauna leh simmaw, na hita ding ua, tam mun na ngai nawn sih ding uhi.

Zo Bible

¹⁸ “Bangzieh ahei cile Israel’ Pasien, Vanglien Topa in tam bangin ci hi: Jerusalem khuo-a a teng mite tungah ka lungthahna le ka lunghanna ka sun bangin Egypt gamah na pei uleh ka lungthahna na tung vuah hing kisung ding hi. Note pen mite’ lipkhap le kidah, hamsiet le zako-in na om ding uhi. Note in tam mun na mukia nawn sih ding uhi.

Jeremiah 42:18 ပူးပေါင်းရင်းမြစ်များ

2 Khangthute 34:25

Amaute in kei hong nusia uh a, pasian dangte tungah gimnamtui halin amau khutin a bawlsa e teng uh tawh kei hong hehsak uh ahi manin hih mun tungah ka hehna ka sung dinga a kimitsak nawn kei ding hi,’ ci hi.

Isaiah 30:3

Ahi hangin Pharaoh hutna note maizumna hi dinga, Egypt liim in note zahlakna hi ding hi.

Isaiah 65:15

Ka mite in hamsiatna-a zat dingin na min uh na nusia ding uh a; Thupipen TOPA in note hong thatin, ahi hangin ama nasemte mindang a pia ding hi.

Jeremiah 18:16

Amaute gam gamvalin kikoih dinga, a kithusim nawn kei ding hi; a tawnkha peuhmah in mullitin a lu uh a peisan ding uh hi.

Jeremiah 22:27

Na ciah kik nopna munuah na ciah kik ngei nawn kei ding uh hi," a ci khia hi.

Jeremiah 23:40

Keimah in note tungah a tawntung zahlaakna a kimangngilh lo ding maizumna kong tungsak ding hi," a ci hi.

Jeremiah 24:9

amaute ka hawlkhiatna mun peuhpeuh ah mite in kihamsiatna in a zat dingun simmawhna le zahkona ka thuaksak dinga, leitung kumpi-gam khempeuh in mudahin a langbawl ding uh hi.

Jeremiah 25:9

leilu-lam mi khempeuh le ka nasem Babylon kumpipa Nebuchadnezzar ka vaikhak dinga, hih gam le a sunga teng mi khempeuh le a kima om minamte, a sim dingin ka kuansak ding hi, TOPA in a ci hi. Amaute ka susia a khin kiuhkeuh dinga, mite simmawh le mite huat suaksakin a kisiacip den ding uh hi.

Jeremiah 26:6

tua ciangin hih inn Shiloh ka bangsak dinga, hih khuapi leitunga minam khempeuh lakah kihamsiatna in ka kizangsak ding hi,’ ci-in," a ci hi.

Jeremiah 29:18

Amaute namsau, kialpi le pulpi-in ka nungdelh dinga leitung kumpi gamte khempeuh in mudah in, amaute ka hawlkhiatna minam khempeuh lakah kisimmawh, kizahko-in, kimawhsak dinga, hamsiatna le a lipkhaphuai in kizang ding uh hi.

Jeremiah 29:22

Amaute hangin Judah pana Babylon a saltangte in: "Babylon kumpipa in Zedekiah le Ahab, mei-a a khul bangin TOPA in hong bawl hen,’ ci-in kihamsiatna-in a zang ding uh hi.

Jeremiah 33:5

TOPA Israel Pasian gen hih ahi hi: ‘Tuate ka hehna le ka thangpaihna hanga ka thah ding misisa luang tawh a kidim ding hi. Hih khuapi gitlohna khempeuh hangin ka maitang ka seel ding hi.

Jeremiah 44:12

Keimah in Egypt ah lalin ten a sawm Judah a baanglaite ka lakhiamang ding hi. Egypt ah amaute a vekun mangthang ding uh a; namsau-in a sih kei uh leh kialpi-in a si ding uh hi. Amaute a neupen pan alianpen dongin namsau ahikeh kialpi-in a si ding uh hi. Amaute kihamsiatin, kilipkhap dinga bangmaha kimang lo mawhpaihna thuakte hi ding uh hi.

Jeremiah 44:22

Na gamtat hoih lote uh le a kihhuai-a na gamtatnate uh hangin TOPA ki-ip zo nawn lo a, na gam un hamsiatna thuakin tuni mahmah in zong kuamah teng loin a kinusiacip hi.

Jeremiah 44:6

Tua ahi ciangin ka hehluatna ka sungkhia a; tua in Judah khuapite le Jerusalem kongzingte kangin kisia-a tuni-in kuamah teng loin kilawi hi.

Jeremiah 44:8

Bang dinga note pai-in na ten nading mun uh Egypt ah na khut uh tawh na bawlsa uh pasian dangte tunga gimnamtui halna tawh kei hong hehsak na hi uh hiam? No le no kisiasak na hi uh a, no le no kisamsia suakin leitunga minam khempeuh lakah mi muhdah na kisuah uh hi.

Jeremiah 6:11

Ahi hangin TOPA thangpaihna tawh ka kidim a, ka thuak zo nawn kei hi. "Lamdunga naupangte tung le a kikaikhawm khangnote tungah ka hehna ka sungkhia hi; zite le pasalte pitek luate le putek luate tawh kiman khawm ding hi.

Jeremiah 7:20

"Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi.

Tamlawhna 2:4

Amah in gal bangin a thal kek a, a khut taklam kigingsa-in a om hi. Gal bangin a mit-a amuh thahhuai khempeuh a that hi; Zion Tanu’ puanbuk tungah a thangpaihna mei bangin a sung hi.

Tamlawhna 2:6

Amah in huankhat bangin a tenna mun gamtul suaksak hi; amah in kikhopna mun a susia hi. TOPA in Zion, a kisehsa ama pawite le a Sabbath-te a mangngilhsak hi; a heh luatna hangin a kumpite le a siampite a thusim kei hi.

Tamlawhna 4:11

TOPA in a thangpaihna a vekin suahkhia ta hi, a heh luatna a sungkhia hi. Mei-in Zion hala a bulpite a kangtum hi.

Ezekiel 20:34

Keimah in a thahat ka khut, ka zankhiat ka ban le ka thangpaihna sungkhiain kong thehthangna gamdanga minamte lak panin kong kaikawm kik ding hi.

Ezekiel 22:22

Pummei ah ngun a tui bangin tuanu sungah na tui ding uh a, keimah TOPA in nang tungah ka thangpaihna hong sung ka hilam na thei ding hi,’ hong ci hi," a ci hi.

Daniel 9:11

Israel-te khempeuh in na thu hong mang nuam lo uh a, na thukhamte palsatin nang hong lehngatsan uh hi. "Tua ahi ciangin nang tungah kote mawh khin ka hi manun Pasian nasem Moses Thukham sunga kigelhsa hamsiatna le ciamsiatna thukhennate ko tungah hong kisung khin hi.

Daniel 9:27

Amah in mi tampi tawh ‘sagih’ g khat sung thukhun bawl dinga, ahi hangin tua ‘sagih’ h kimtan ciangin biakpiakna le biakna a beisak ding hi. Tua ciangin amah in ama tungah a beina thukip a kisunkhiat mateng biakinnpi meng khat tungah a hawmmangsak kihhuaina a koih ding hi," i hong ci hi. j

Hosea 7:16

Sangpen Pa lamah amaute kihei lo uh a, thalpeu neemsa a bang uh hi. Amaute thusimlohna kammalte hangin a makaite uh namsau-in a puk uh hi. Hih thu hangin Egypt gamah amaute mi nuihsatin a om ding uh hi.

Nahum 1:6

Ama lunghamna kua in nangzo ding hiam? Amah hehluatna kua in thuakzo ding hiam? A thangpaihna mei bangin a sungkhia hi; ama mai-ah suangtumte kitamzan hi;

Zechariah 8:13

Judah le Israel aw, minamte lakah hamsiatna na suah khit uh bangin kong honkhia dinga, thupha khat na hi ding uh hi. Kihta kei unla, na khut uh khauhsak un," a ci hi.

Misimna 5:27

Amah le amah a kibuahsaka, a pasal tungah a muanhuai lo ahileh tua hamsia-tun tui a kidawnsak ciangin a sungah lut dinga nakpi-in nasak ding hi; a gilpi bawkin a pheipi theep c dinga, a mite lakah tuanu hamsiat thuak ahi ding hi.

Kilaakna 14:10

amah in zong Pasian thangpaihna hai sunga kisungsa a lungsona a khauh mahmah lenggahzu a dawn ding hi. Amah a siangtho van sawltakte le Tuuno mai-ah kaat kuang tawh kigawt ding hi.