Jeremiah 4:8 - Zokam International Version

⁸ Tua ahi ciangin ippi puansilh unla kapin taamlo un, ahang in, TOPA hehluatna eite tawh kipelh nai lo hi.

LAISIENGTHOU CL Bible (BSI)

⁸ Tuaziehin sai-ip puon sil unlen, dalekap in mau un, aziehpen Mangpa thangpaina eite apat akiheimang sih hi.”

Zo Bible

⁸ Tam thu ziehin la-ip puon kikhu-in kapin mau un: “Eite kung panin a zauhuoi mama Pasien’ lungthahna a kinuale nai sih hi,” a ci hi.

Jeremiah 4:8 ပူးပေါင်းရင်းမြစ်များ

Phatna-late 78:49

Ama lungsona amaute tungah kuangsak a, ama thangpaihna, lungkimlohna le galneihna ahi - a siasak vansawltak honkhat a khahkhia hi.

Isaiah 10:4

Thongkiate lakah toncip ding ahikeh a kithatte lakah puk ding longal bangmah dang a om kei hi. Hizahta hi khin napi a hehna dai tuan loin a khut liikto lailai hi.

Isaiah 13:6

TOPA ni naita ahi manin kap vangvang un; Thahatpen c pana suksiatna hong tung ding hi.

Isaiah 22:12

Tua ni ciangin Topa, Thahatpen TOPA in ippi puan silhin sam botkhia-a a kap dingin hong sam ding hi.

Isaiah 32:11

No a om hithiat numeite aw, ling un; no awlmawh nei lo tanute aw, lau-in ling un! Na puante uh hawkkhia unla, na kawnguah ippi puan teng un.

Isaiah 5:25

Tua ahi ciangin TOPA hehna a mite langkhatah kuangin a khut vikto-a amaute a sattuk hi. Mual liante kiling a, misi luangte kongzinga nin lompi bang hi. Hizahta khit nangawnin a hehna dam nai lo lai-a, a khut a vikto lailai hi.

Isaiah 9:12

Nisuahna pan Aram mite le nitumna pan Philistia-te kamka-in Israel-te a nawmvalh uh hi. Hihzahta hi khin napi a hehna dai tuan loin a khut liik lai hi.

Isaiah 9:17

Tua ahi ciangin khangnote tungah Topa lungkim lo dinga, pa nei lote le meigongte a hehpih tuan kei ding hi; ahang in, mi khempeuh in pasian nei loin gilo uh a, kam khauh vive a pau uh hi. Hizahta hi khin napi a hehna dai tuan loin a khut liikto lailai hi.

Isaiah 9:21

Ephraim-in Manasseh kivak dinga, Manasseh-in Ephraim a kivak ding hi; amaute in Judah a langpan khawm ding uh hi. Hizahta hi khin napi a hehna dai tuan loin a khut liikto lailai hi.

Jeremiah 25:34

No tuucingte aw, kap unla tau un; no tuuhon mapite aw, leivui lakah kikhuk un. Ahang in, note hong kigawt ding hun tungta hi; note pukin bel hoih kimlai a kitamzan na bang ding uh hi.

Jeremiah 30:24

TOPA in a lungsima a tupna a kim dipdep matengin a hehluatna a kileh kik kei ding hi. Hong tung lai ding hunte ah hih thu na theitel ding uh hi.

Jeremiah 48:20

Moab kithehthang gawp ahi manin a maizum hi. Thum unla kah un! Moab kisiatna Arnon dungah zasak un.

Jeremiah 6:26

Ka mite aw, ippi puan silh unla vut lakah kikhuk un; i tungah thakhatin siatna hong tung ding ahi manin tapa neihsun kah bangin thum unla kah cihtakin kap un.

Tamlawhna 1:12

Hong tawnkha khempeuh aw, no adingin bangmah hilo ka hi hiam? En kawikawi unla mu un. TOPA in a hehluat laitak a kei hong bawlsiatna ka thuak bang thuakna a om ngei hiam?

Ezekiel 21:12

Mihing tapa aw, hih in ka mite thuak ding ahi manin kikokhia inla tau in; tua in Israel gam-ukte khempeuh thuak ding ahi hi. Amaute in ka mite khempeuh tawh namsau thuak khawm ding uh hi. Tua ahi ciangin na awm tum in.

Ezekiel 30:2

"‘Mihing tapa aw, thu genkhol inla, ‘Hih in Thupipen TOPA gen ahi hi: "Kah-ot inla, ‘Tua ni aw, tazen aw!’ ci in.

Joel 1:13

Biakna-tau mai-a nasem no siampite aw, puan hampi silhin thumin tau un. No Pasian mai-a nasemte aw, hong pai unla zan tawntung puan hampi silh un. Ahang in, an-a biakna le dawntheih-a biaknate note Pasian inn ah kibansam ta hi.

Amos 8:10

Na biakna pawite uh thumna ka suaksak dinga, na la saksakte uh kahna ka suaksak ding hi. Na vekun puan hampi silh kong suaksak dinga na lu uh na mettol ding uh hi. Tua hun ciangin tapa khat neihsun hanga thum kong bangsak dinga, a tawpna ah khaatna ni a bang ding hi.

Micah 1:16

Na it mahmah uh na tate uh adingin thum unla na lu uh mettol un; saltaang dingin no kiang pan paikhia ding uh ahi manin musane bangin no le no na lu uh kitolsak un.

Misimna 25:4

TOPA in Moses kiangah, "Hih mite makaite khempeuh paipih inla Israel tunga TOPA hehluatna a kipelh theih nadingin amaute that inla, TOPA mai-ah suntangpi in amaute pholak in," a ci hi.