Jeremiah 4:30 - Zokam International Version

³⁰ A gamh khinpa aw, bang cih ding na hiam? Bang hangin puan ausan silhin khama kizem na hi hiam? Bang hangin na mitte zemin liapsak na hi hiam? Nang le nang a mawkna-a kizem na hi ta hi. Na lawmpate in hong ma ta uh a, hong thah sawm uh hi.

LAISIENGTHOU CL Bible (BSI)

³⁰ Tualeh nang suhsieta na um hun chiengin, bang na bawl diei? Puonsandup silinlen sana in kizem nanlachin, na mit na mai nutheiteng nu nanlachin, na kihoisahna amawhna ahi bou hi, Nang hing it hing ngaiten, ang simmawta ding ua, na hinna asui ding uhi.

Zo Bible

³⁰ Nang a kisiesa pa aw, puon ausan silin, kham tawh kizemin, na mit za na nu khu bang na deina ahei? Nang le nang a kimawhzep na hi a, na lawm ngaite in ang nuasie ta uhi; amate in na hinna a lah sawm uhi.

Jeremiah 4:30 ပူးပေါင်းရင်းမြစ်များ

2 Kumpite 9:30

Tua ciangin Jezreel ah Jehu a pai hi. Jezebel in tua thu a zak ciangin a mitte zutin a sam bawlin tawhlet ah a dakkhia hi.

Paunakte 6:25

Ama melhoihna iplah kei inla, hong zawlmitna khenglah kei in;

Paunakte 7:10

Tua ciangin a kizuak numei bangin a kizem numei khat ngim siamna khat neisa-in amah dawn dingin a kuankhia hi.

Isaiah 10:3

Gamlapi pan gimna hong pai ciang, thukhenna ni ciangin bang na cih ding hiam? Hong huh dingin kua bel ding na hi hiam? Na hauhna koi-ah nusia ding na hi hiam?

Isaiah 20:6

Tua ni ciangin tui gei-a tengte in, "Ei muan mite, Assyria kumpipa pana hong huh ding hong hukhia ding ci-a i belhte bang suak ta uh hiam, en dih un! Bang ci suahtak thei nawn ding i hi hiam?’ ci ding uh hi," a ci hi.

Isaiah 33:14

Zion-a mawhneite lau uh a; pasian-neilote a ling kauhkauh uh hi: "Eite kua a haltum mei tawh teng khawm thei ding i hi hiam? Eite kua a kuang tawntung mei tawh tengkhawm thei ding i hi hiam?"

Jeremiah 13:21

Nang kipawlpih dinga a tuam vilvela na koihte nang tungah TOPA in hong uksak ciangin bang gen ding na hi hiam? Numei nausuak kuan bangin na sa velval lo ding na hi hiam?

Jeremiah 22:23

No, Lebanon b ah tengin tamtak inn sunga om hithiatte aw, numei nausuah nat bangin natna in note tungah hong bingphawn ciangin bang na ci tau uh tam!

Jeremiah 30:14

Na kipawlpihte in hong mangngilh khin uh a; nang hong don nawn peuhmah kei uh hi. Na mawhna tam lua-in na khialhna lian lua ahi manin, galte sat ding bangin kong sat-a migilote dan tuahsak bangin kong tuaksak hi.

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Tamlawhna 1:19

"Ka pawlte ka sap hangin kei hong lehhek uh hi. Ka siampite le ka upate khuapi sunga a nuntak nading uh an a zonna lam uah a mangthang uh hi.

Tamlawhna 1:2

Zan ciangin nakpi in kap a, a biang tuakah khitui a luang hi. Ama itte khempeuh lakah a hehnem ding khat beek a om kei hi. A lawmte khempeuh in lehhek uh a, a gal suak uh hi.

Tamlawhna 4:17

Tua tham loin huh ding lamena ka khua dakdakna un ka mit uh kham ta hi; ka tausang panun ko hong hon zo lo ding minam ka galet uh hi.

Ezekiel 28:13

Pasian huan sung Eden ah na om a; suangmanpha citeng: ruby, topaz, le emerald, chrysolite, onyx, le Jasper, sapphire, b turquoise le beryl c-te in na kizem hi. Na dinna le na kawmhekte d khama kibawl hi-a, tuate nang hong kipiansak ni-in kibulh hi.

Ezekiel 28:9

Tua hun ciangin hong thatte omlai mahin, "Kei pasian khat ka hi hi," ci ngam lai ding na hi hiam? Nang hong thatte khut sungah pasian hi nawn loin mihing khat mah na hi lel hi.

Obadiah 1:7

Na kipawlpihte un, gamgi dong hong hawlkhia ding uh hi; na lawmte un hong khemin hong nopneh gawp ding uh hi. Na an uh a nete in note hong thangsiah ding uh a, b ahi hangin na mukhia zo kei ding uh hi.

Hebrews 2:3

tua zahtaka thupi hotkhiatna thudon kei lehang bang i ci suahtak zawh ding hiam? Hih hotkhiatna a masa penin Topa in a genkhiat, ama gen a zate in ei tunga a kipsak ahi hi.

Kilaakna 17:13

Amaute in ngimnasa khat nei uh a, a vangliatna uh le a thuneihnate uh gamsa tungah a pia ding uh hi.

Kilaakna 17:2

Leitung kumpite in amah tawh angkawm uh a, leitunga tengte in ama angkawmna zu a kham uh hi," hong ci hi.

Kilaakna 17:4

Tua numei in adupsan le a-ausan puante silh-a kham, suang manpha, le kep manphate tawh kizemin a tee siasua hi. Tuanu in a kihhuai nate le a angkawmna nin tawh a kidim kham hai khat a khut sungah a tawi hi.