Jeremiah 4:19 - Zokam International Version

¹⁹ Lunggim si’ng! Lunggim lua si’ng! Lunggimin ka kilumlet hi. Oh, ka lungsim gim lua! Ka sungah ka lungtang kisai-a, ka om hithiat thei kei hi. Ahang in, pengkul aw ka za a; gal husa ka za hi.

LAISIENGTHOU CL Bible (BSI)

¹⁹ Ka lungtang na e, ka lungtang na e! Ka lungtang mama ana hi. Ka lungtang na in kasung kihawt ging sah a, ka um khinkhian thei sih hi, aziehpen Aw ka hinna in, ki galginna pengkul gin azata hi.

Zo Bible

¹⁹ Ka sintang na, ka sintang na! A na sengin ka kilumlet va-ia hi! Aw ka lungsim gim sam e! Ka lungtang a kisai vapial hi; ka om muong thei sih hi; azieh pen keima in pengkul mutna aw, gal sim pataukona aw ka za hi.

Jeremiah 4:19 ပူးပေါင်းရင်းမြစ်များ

Piancilna 49:6

Amau thukupna-ah hong lutsak kei in, ahang in amaute hehin mi that uh a, a ut bangun bawngtal zagui a sattat uh hi.

2 Kumpite 4:19

Amah in a pa kiangah, "Ka lutang! Ka lutang!" a ci hi. A pa in nasem khat kiangah, "A nu kiangah va gen in," a ci hi.

2 Kumpite 8:11

Amah in Hazael a maizum dongin mit khah loin a sal gega hi. Tua ciangin Pasian mipa kap dingin a kithawi hi.

Phatna-late 103:1

Ka hinna aw, TOPA phat in, ka sungtawng a om khempeuh aw, a min siangtho phat un.

Phatna-late 116:7

Ka hinna aw, TOPA nang tungah hoih khin ahi manin khatvei tawldam kik in.

Phatna-late 119:136

Na thukham a kiman’ loh manin ka mitte ah khitui hawk luang bang hi.

Phatna-late 119:53

Na thukham a taisan migilote hangin lungkimlohna in kei hong mancip hi.

Phatna-late 146:1

TOPA phat un. a Ka hinna aw, TOPA phat in.

Phatna-late 16:2

TOPA tungah, "Nang, ka Topa na hi hi; nang longal na hoih dang ka nei kei hi," ka ci hi.

Isaiah 15:5

Ka lungsimin Moab ka kahkhia hi; a kidelh khia galtaite Zoar ciang dong, Eglath Shelishiyah ciangdong a tai uh hi. Amaute a kah kawmkawmun Luhith paina lampi dong a paito uh hi; Horonaim lampi ah amaute kisiatna tamlawhin a nei uh hi.

Isaiah 16:11

Harp bangin ka lungsimin Moab ka taamlawh a, keima sungah Kir Hareseth ka taamlawh hi.

Isaiah 21:3

Hih bangin na sa-in ka gawnggawp a, numei nausuak nat bangin natna in hong tun hi; ka zak thu hangin ka genthei a, ka muhte hangin ka lung mang hi.

Isaiah 21:4

Ka lungsim hema, launa in hong lingsak hi; ka ngaklah nidial kei tungah launa a suak hi.

Isaiah 22:4

Tua ahi ciangin, "Ka kiang pan kihemkhia un, kah cihtak hong kapsak lel un. Ka mite kisiatna hangin kei hehnep hong sawm kei un," ka ci hi.

Jeremiah 13:17

Ahi hangin thu na ngaih kei uh leh na kiphatsakna uh hangin ka kapsim dinga; khitui luangin kah cihtakin ka kap ding hi, bang hang hiam cih leh TOPA tuuhonte salin kikai ding hi.

Jeremiah 20:9

"Amah genkha nawn kei ning, ama min lo nawn dah ning ka cih hangin lah ama thu ka lungtang ah mei bangin kuanga ka guh sung hong zen hi. Ka ki-ipipna-in ka gima, gen loin ka om thei peuhmah kei hi.

Jeremiah 23:9

Kamsangte tawh kisai-in: Ka sunga ka lungtang kitam khin a, ka guh khempeuh kiling khin hi. TOPA le a kammal siangthote hangin zu tam a dawn lua zukhampa ka bang hi.

Jeremiah 4:21

Galsimna bangtan vei mu lai-in pengkul aw bangtan vei ka za lai ding hiam?

Jeremiah 4:5

Judah ah zasak unla, Jerusalem ah tangko in: ‘Gamsung bupah pengkul va mut un! Nakpi in awng unla: ‘Na vekun kikaikhawm un! Kulh nei khuapite ah tai ni!’ ci un.

Jeremiah 42:14

‘Ut kei ung, gal om lohna, pengkul gin zak lohna, gilkial lohna mun Egypt ah pai-in va teng nung,’ na cih uh leh

Jeremiah 49:2

Ahi hangin TOPA in genkhia hi, "Ammon-te tenna Rabbah a kisim nading aw ka ginsak hun hong tung dinga; na kisiasate mualvum suakin a kimkota khuaneute mei-in kihal ding hi. Tua ciangin Israel-te in amau a hawlkhiate a hawlkhia ding uh hi," TOPA in ci hi.

Jeremiah 50:22

Gam sungah gal husa le siatna lianpi husa a om hi!

Jeremiah 6:24

Amaute thu i za khin a, bangmah i cih thei kei hi. Lungkhamna in eite hong lencip a, numei nau suak ding bangin na hi.

Jeremiah 8:18

Ka dah cianga ka Hehnempa a aw, ka lungsim na mahmah hi.

Jeremiah 8:21

Ka mite a kigawibawl nungsang, kei hong kigawi hi a; kei thumin lungkhamna in hong lencip hi.

Jeremiah 9:1

Ka lutang tuinak hi thei henla, ka mitte khitui nak hi thei leh maw! A kithat ka mite adingin sun le zanin ka kapkap ding hi.

Jeremiah 9:10

Mualliante adingin kapin ka tau dinga, sehnel-gam lonona kahtapin ka taamlo ding hi. Amaute kisusia-in khualzin om nawn lo dinga, bawnghon ham a kiza nawn kei hi. Huih lak vasate lengmang khin a, gamsate a om nawn kei hi.

Tamlawhna 1:16

"Hih thu hanga kap ka hi a, ka mitah khitui a dimlet hi. Kei hong hehnem ding le ka lung hong nuamsak ding kuamah a om kei hi. Gal in hong zo khin ahi manin ka tate hawmsuak ta uh hi."

Tamlawhna 1:20

"TOPA aw, hong en dih in, ka lung dong lua mahmah hi! Hong nak langpan lua ka hi manin ka lunggim lua ta a, ka lungsim a kisia hi. A pualam ah namsau-a kithahna hi a, a sunglam ah lah sihna bekbek ahi hi.

Tamlawhna 2:11

Ka kahna-in ka mit zeu a, ka gimna in hong zen hi. ka mite kisuksiatna hang le khua sung kongzinga naupangte le naungeekte a sihbupna hangin ka lungsim khempeuh a bei kiuhkeuh hi.

Daniel 4:19

Tua ciangin Daniel (Belteshazzar zong a kici) tawmvei sung a lung-am seisai a, a ngaihsutna in patausak hi. Tua ciangin kumpipa in, "Belteshazzar aw, mang le a khiatna patauh ngaihsut kei in," a ci hi. Belteshazzar in, "Ka topa aw, na mang pen na galte tungah tung henla a khiatna zong na langte tung tuzaw mai leh!

Daniel 7:15

"Keimah Daniel, ka lungsim tawna hong suak ka mangmuhnate in hong linglawngsakin ka lungsim a patausak hi.

Daniel 7:28

"Hih in hih thu a beina ahi hi. Keimah Daniel ka ngaihsutna in hong lauthawngsak mahmah a ka mai a daang hi, ahi zongin hih thu kei guak theihin ka im khinkhian hi," a ci hi.

Daniel 8:27

Keimah Daniel, ka tha bei lua a, ni tampi sung ka ci a na hi. Tua ciangin ka tho a ka kumpi nasep sem dingin ka kuan hi. Ka mangmuhna in hong lauthawngsak lua-a theihtel zawh hi lo hi.

Amos 3:6

Khuapi sungah pengkul a kimut ciangin mite ling lo uh ahi hiam? Khuapi sungah siatna a tun ciangin TOPA tunsak loh-a tung ahi hiam?

Habakkuk 3:16

Ke’n ka za a, ka lungtang kisai damdamin ka muk linga, ka guh ka tang hong zenin, a muatkhia ding banga, ka khete a ling daldal hi. Tua hi taleh ko hong simgawp minamte tungah kisiat ding ni lungduaitakin ka ngak ding hi.

Misimna 10:9

Na gam sungua no hong nengniam na galte uh tawh na kido uh ciangin pengkulte mut un. Tua ciangin na Pasian uh TOPA in note hong phawkin na galte panun hong hu ding hi.

Rome-te 10:1

Sanggamte aw, Israel mite adinga ka lunggulhna le Pasian tunga ka thungetna pen amaute a kihotkhiat theih nading ahi hi.

1 Corinth-te 14:8

Tua banah pengkul kiteltakin ging lo-a, a cihnopna a kitheih kei leh galsim dingin kua kithawi ding ahi hiam?

Galatia-te 4:19

Note sungah Christ lim a kilat matenga nausuahnat thuak banga kong thuak kik kong it tate aw,

Thukhente 5:21

Kishon gun in amaute taimang a, tanga-tuana gun, Kishon gunpi in. Ka kha aw, mainawt in; hattakin!