Jeremiah 39:5 - Zokam International Version

⁵ Ahi hangin Babylon d galkapte in nungdelh uh a Jericho zanglei ah Zedekiah a pha uh hi. Amaute in amah man in, Hamath gam Riblah a om Babylon kumpipa Nebuchadnezzar kiangah puak uh a, tua lai-ah ama thu kikhen hi.

LAISIENGTHOU CL Bible (BSI)

⁵ Hinanleh Kaldai galkapten ama anuadel ua, Jeriko phaijang ah Zedekiah adelphata uhi; Ama aman ua, Hamath gam a Rebla ah, Babilon leengpa Nebukadnezzar kungah ahing zawpi ua, khunah aman atunga gawtna ding thutanna abawl hi.

Zo Bible

⁵ Ahi vangin Chaldea galkapte in amate a nuadel vua, Jericho zang lei-ah Zedekiah a pha uhi; tuale amate in ama a mat zaw ciengun Hamath gam sung Riblah khuo-a om Babylon Kumpipa Nebuchadnezzar kungah a peipi uhi; tuale ama tungah ama in thu a khen hi.

Jeremiah 39:5 ပူးပေါင်းရင်းမြစ်များ

2 Samuel 8:9

David in Hadadezer galkap buppi zo khin hi ci-in Hamath kumpipa Tou c in a zak ciangin,

2 Kumpite 17:24

Assyria kumpipa in Babylon, Cuthah, Avva, Hamath le Sepharvaim-te pan amite Israel-te mun a luah dingin Samaria khuapite ah a puak hi. Amaute in Samaria luah khin uh a, amaute khuapite ah a teng uh hi.

2 Kumpite 23:33

Amah in Jerusalem a uk theih loh nadingin Pharaoh Neco in Hamath a gam sung Riblah ah amah kolbulh a, Judah tungah ngun talent zakhat b le kham talent khat c siah a dong hi.

2 Kumpite 25:6

amah kiman hi. Amah Libnah a Babylon kumpipa kiangah kipuak a, tua lai-ah ama tungah thu a kikhen hi.

2 Khangthute 33:11

Tua ciangin TOPA in amaute langah Assyria kumpipa galkap mangte puaka, tuate in thong sungah Manasseh khumin, a nak ah sikawi thuah uh a sumngo kolte bulhsakin Babylon ah a paipih uh hi.

Isaiah 22:3

Na makaite khempeuh uh tai khawm khin uh a; thal zat lohin kiman khin hi. Hong kiman note khempeuh galte gamlapi-ah a om lai-a a taite tawh thong ah hong kikhum khawm hi.

Jeremiah 21:7

Tua khit ciangin TOPA in, ‘Judah kumpipa Zedekiah, a uliante le hih khuapi mi - pulpi, namsau le kialpi pana suakta lai sun teng tawh amaute a that nuam Babylon kumpipa Nebuchadnezzar le a galte uh tungah ka pia ding hi. Amah in hehpih lo, lainat lo, khuatuah loin namsau in a that ding hi,’ ci hi.

Jeremiah 24:8

Ahi hangin "‘Judah kumpipa Zedekiah le a uliante a kipan Jerusalem a, a omsuak, a om lai sunte ahi zongin Egypt a tengte ahi zongin, tua a limci lo lua a kine thei lo ding theigahte bangin ka bawl ding hi" TOPA in ci a,

Jeremiah 38:18

Ahi hangin Babylon kumpipa galkap mangte tungah na lut kei leh Babylon mite tungah hih khuapi kipia dinga, amaute in haltumin, nang mahmah zong amaute khut panin na suakta kei ding hi,’ ci hi," a ci hi.

Jeremiah 38:23

"Na zite le na tate khempeuh Babylon mite tungah kipuak ta ding hi. Babylon kumpipa in nang hong zo in nang mahmah zong amaute khut panin na suakta kei ding hi; hih khuapi kihaltum ding a hi," a ci hi.

Jeremiah 4:12

huihsa mahmah khat nung dinga, ahi hangin ansi zaapna le siansakna ahi kei hi; kei a kiang pana nung huih a khauh lua mahmah hi. Tu-in amaute tungah ka thukhenna ka zasak hi," kici ding hi.

Jeremiah 44:30

Hih in TOPA gen ahi hi: ‘Keimah in Judah kumpipa Zedekiah amah a that nuam Babylon kumpipa Nebuchadnezzar tungah ka piak bang tektekin Egypt kumpipa Pharaoh Hophra, amah a that nuam a galte khutah ka pia ding hi,’ ci hi," a ci hi.

Jeremiah 49:23

Damascus tawh kisai-in: "Hamath le Arpad-te in thusia za uh ahi manin a lungsi uh hi. Amaute khawl hun a nei lo tuipi bangin b a launa uh a kam thei kei hi.

Tamlawhna 1:3

Haksapi-in na sem a, a kibawlsiat khit ciangin Judah salin kikai hi. Tuanu minamte lakah tengin khawl nading mun a mu kei hi. A lungdon laitakin amah a delhte in pha uh a, a cih nading a thei kei hi.

Tamlawhna 4:20

TOPA sathau nilhsa ka naksuk ka naktohna uh amaute’ thangah a awk ta hi. Kote in minamte lak ama liim nuai-ah i nungta ding hi, ci-in ka ngaihsun uh hi.

Ezekiel 23:24

Nang langkhatah amaute - galhiam a kengin sakolleng le van pua leng le mihon tampitak tawh hong kuan ding uh hi; amaute in nang langkhat mun citengah lum neu, lum lian le sik lukhute khusa-in panmun a la ding uh hi. Nang dan kong tuahsakna-in amaute tungah kong pia dinga, amau ngeina zui-in nang dan hong tuaksak ding uh hi.

Habakkuk 1:7

Amaute kihtak huai-in a mulkimhuai mi hi uh a, amau mah thukham hipahin amau kipahtawina a thupisak uh hi.

Misimna 13:21

Tua ciangin amaute paito uh a, Zin Sehnel-gam panin Lebo a Hamath lam manawhin Rehob dong a paito uh hi.

Joshua 13:5

nisuahna panin Lebanon khempeuh Hermon Vum nuai sana Baal Gad panin Lebo c Hamath ciang dong ahi hi.

Joshua 4:13

Gal do thei ding mi tul sawmli bang in TOPA mai-ah galsim dingin Jericho zanglei ah a kantan uh hi.

Joshua 5:10

Jericho zanglei a Gilgal giahphual ah Israel-te a om laitak uh tua kha a ni sawm le lina ni nitak in amaute in, Paisan pawi a bawl uh hi.

Thukhente 3:3

Philistia gam-uk ngate, Canaan-te khempeuh, Sidon-te, le Lebanon mual Baal Hermon Vum pan Lebo a Hamath donga teng Hiv-te ahi hi.