Jeremiah 39:1 - Zokam International Version

¹ Hih in Jerusalem kilakzia ahi hi: Judah kumpipa Zedekiah kumpi a suah zawh a kum kuana a kha sawmna kha-in Babylon kumpipa Nebuchadnezzar a galkap khempeuh tawh kuana Jerusalem a umcih hi.

LAISIENGTHOU CL Bible (BSI)

¹ Juda leengpa Zedekiah leenga apan kum kuona aha sawmna ah, Babilon leengpa Nebukadnezzar leh agalkapte zousie, Jerusalem dou dingin ahing kuon ua, a imtawmta uhi.

Zo Bible

¹ Judah Kumpipa Zedekiah a kumpi suo zaw kum kuona a hla sawmna hla-in, Jerusalem sim dingin Babylon kumpipa Nebuchadnezzar le a galkap zosie kuonin Jerusalem a imtawm uhi.

Jeremiah 39:1 ပူးပေါင်းရင်းမြစ်များ

2 Khangthute 36:17

Amah in amaute langkhatah Babylon-te a kumpipa puak a, amah in mun siangtho sungah khangnote namsau-in thata numeino pasalnote, le a tek a khang sit a nei kei hi. Pasian in amaute khempeuh Nebuchadnezzar tungah a pia khin hi.

Jeremiah 32:1

Nebuchadnezzar kumpi a suah zawh a kum sawm le giatna kum Judah gamah Zedekiah kumpi a suah zawh a kum sawmna kumin Jeremiah tungah TOPA thu a tung hi.

Jeremiah 34:1

Babylon kumpi Nebuchadnezzar in a galkapte khempeuh le ama ukna kumpi-gam khempeuha mi khempeuh tawh Jerusalem le a kima a khuapi khempeuh a do laitakin Jeremiah tungah hih TOPA thu a tung hi:

Jeremiah 34:22

TOPA in ci khia hi. Keimah in thu ka pia dinga, amau khuapi ah ka puak kik ding hi. Amaute in do ding uh a, la-in mei-in a haltum ding uh hi. Tua munah kuamah a teng thei lo dingin Judah khuapite ka puamangsak ding hi," a ci hi.

Jeremiah 42:18

Hih in TOPA Israel Pasian gen ahi hi: ‘Jerusalem a tengte tungah ka hehna le ka thangpaihna ka buakkhiat bangin Egypt ah na pai uh leh ka thangpaihna kong bua ding hi. Note hong kihamsiatin, hong kilipkhapin, bangmah a kimang lo mawhpaihna thuakte na hi ding uh a; hih mun na mu kik nawn kei ding uh hi,’ ci hi.

Jeremiah 52:1

Zedekiah kumpi a suahin kum sawmnih le khat pha a, Jerusalem ah kum sawm le khat kumpi a sem hi. A nu Jeremiah tanu Hamutal hi a; Lipnah pan ahi hi.

Jeremiah 6:6

Thahatpen TOPA gen hih ahi hi: "Sing phuk unla Jerusalem sim nadingin phungin ciang un. Hih khuapi netniamna tawh kidim hi; dan kituaksak pelmawh ding hi.

Ezekiel 33:21

I saltan zawh a kum sawm le nihna, a kha sawmna a ninga ni-in Jerusalem pan a suakta mi khat kei kiangah hong pai hi. Amah in, "Khuapi puk ta!" hong ci hi.

Ezekiel 4:3

Tua ciangin sikpek khat la inla nang le khuapi kikalah sikkulh bangin tung inla na mai tua lam ngat in. Tua pen ki-umcih dinga nang na umcih ding hi. Hih in Israel innkuan adingin lim hi ding hi.

Ezekiel 40:1

Khuapi a puk zawh a kum sawm le lina kum, sal-a hong kikaih a kum sawm nih le ngana kum kipat tung tua kha a ni sawm ni - tua ni tektekin TOPA khut ka tungah hong tunga, tua lai-ah kei hong puak hi.

Ezekiel 5:2

Na umcih hun a bei ni ciangin tua multe sehthum suah sehkhat khuapi sungah mei-in hal in, sehthum suah sehkhat la inla khuapi kimkot tengah namsau-in satnen in. Tua ciangin a sehthum suah sehkhat pen huih na mut lengsak ding hi. Ahang in, amaute namsau doksa in ka delh ding hi.

Zechariah 8:19

Thahatpen TOPA gen hih ahi hi: "Judah-te adingin a kha lina, a kha ngana, a kha sagihna le a kha sawmna-a antannate, lungdamna hunte le nuamna pawi suak ding hi. Tua ahi ciangin thutak le kilemna na it un," a ci hi.

Thupiakkikna 28:36

TOPA in note le no hong uk dinga na koih uh kumpite, note le na pate un na theih loh uh minamte tungah hong hawlkhia ding hi. Tua lai-ah sing le suang pasian - pasian dangte na bia ding uh hi.