Jeremiah 36:3 - Zokam International Version

³ Judah mite in amau tunga tunsak dinga ka ngim siatna khempeuh a zak uh ciangin amau gitlohna pan kihei kha ding uh a, tua ciangin amau gitlohna le amau mawhna ka maisak kha ding hi," a ci hi.

LAISIENGTHOU CL Bible (BSI)

³ Juda innkuonten atung ua sil hoilou ka bawl tup zousie azah chiengun, michin a umdan gilou uapat ahing kinuahei khamaw sih ding ua, Ken agitlounate u’leh akhelnate uh ka ngaidam theina dingin,” achi hi.

Zo Bible

³ Judah innkuonte in amate tunga ka tunsah sawm gimna zosie a zah ciengun amate a unpi-un a gitlona uh panin a kihei kha ding vua, keima in zong amau’ khielna le amau’ mawna ka maisah thei kha ding hi.

Jeremiah 36:3 ပူးပေါင်းရင်းမြစ်များ

Nehemiah 1:9

ahi hangin kei lamah hong kihei-in ka thupiak na man uh leh tua ciangin a gamla penah sal-a omte nangawn tua lai panin kong khawm dinga, ka Min a ten nadingin ka teelsa munah kong puak ding hi,’ ci-a na lamlahna phawk in.

Phatna-late 139:24

Ka sungah langbawlna lampi khatpeuh a om kha hiam cih mu inla, tawntung lampi ah kei hong kha in.

Isaiah 6:10

Hih mite lungtang saksak inla, a bil uh ngongsak in; amaute mitsisak in. a Tua hi kei leh a mit uh tawh mu-in a bil uh tawh za-a, a lungtang uh tawh theitelin kihei ding uh a, amaute ka damsak kha ding hi,’ hong ci hi.

Jeremiah 18:11

Tua ahi ciangin tu-in Judah mite tung le Jerusalem a tengte tungah gen in, ‘Hih in TOPA gen ahi hi: En un, note tungah siatna tunsak ding ngimna khat nei dingin ka kithawi hi. Tua ahi ciangin note na vekun na gitlohna panun kihei unla na omzia uh le na nasep uh kibawlpha un,’ ci in.

Jeremiah 18:8

tua ka vauhilh minamte a gitlohna panun a kisik uh leh tua ciangin ka khel kik dinga, ka geelsa siatna ka tuaksak kei ding hi.

Jeremiah 23:14

Tuateh Jerusalem-a kamsangte lakah a mulkimhuai pawlkhat ka mu hi. Amaute in angkawmin zuau genin a nungta uh hi. A gitlohna panun kuamah a kikhel loh nadingun migilote a hanthawn zaw uh hi. Amaute kei tungah Sodom tawh kibang uh a, Jerusalem mite Gomorrah tawh a kibang uh hi."

Jeremiah 24:7

Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi.

Jeremiah 26:3

Amaute in na thugen ngai-in gitlohna panin kihei thei kha ding uh hi. Tua ciangin amau gitlohnasate hanga amau tunga tunsak dinga ka geelsa siatna ka tungsak nawn kei ding hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 36:7

Hih mite tunga TOPA zaksak a hehna le a thangpaihna lian ahi manin TOPA mai-ah amaute thumin a gitlohna panun a kikhel kha thei ding uh hi," a ci hi.

Ezekiel 12:3

"Tua ahi ciangin mihing tapa aw, saltang dingin na vanteng guangin amau muh mah in suntangpi in paikhia inla na omna pan mundang khatah pai in. Amaute in a lehdo innkuan ahi uh hangin tel thei kha ding uh hi.

Ezekiel 18:23

Migilo khat sihna hangin nuam ka hi hiam? Thupipen TOPA in cikhia hi. Nuam lo tham loin kisikin a nuntak ciangin nuam zaw hi lo ka hi hiam?

Zephaniah 2:3

Leitung ah kiniamkhiatin ama thupiak banga gamta note khempeuh aw, TOPA zong un.Thumaanna zong unla kiniamkhiatna zong un; tua hileh TOPA hehna ni ciangin note hong kiliah kha thei ding hi.

Matthew 13:15

Hih mite lungtang kheeng lua ahi manin; a bil uh tawh za mialmial in, a mit uh si uh hi. Tua hi kei leh a mit-un mu-in a bil uh tawh za-in a lungtang uh tawh theitel in kihei ding uh a, amaute ka damsak kha ding hi,’ a ci-a a genkholhna tangtung hi.

Mark 4:12

"‘Amaute in mu ngitnget napi, mutel ngei lo ding uh a, za ngitnget napi, a theitel ngei kei ding uh hi; tua hi kei leh amaute lunghei in, kimaisak kha ding hi!’" a a ci hi.

Luke 20:13

"Tua ciangin lo neipa in, ‘Bang lawh ding ka hiam? Ka it ka tapa ka sawl ding hi; amah na zahtak buang ding uh hi,!’ ci hi.

Nasepte 26:18

Keimah hong upna hangun mawhnate maisakna le sian thosaksate lakah mun a ngah theih nadingun, amaute mit honsak ding, khuamial pan khuavak ah a hei ding, Satan vangliatna pan Pasian lam a ngasak dingin nang kong sawl ding hi,’ hong ci hi.

Nasepte 26:20

Amaute kisik a Pasian lamah a kihei nading uh le a kisikna uh, a gamtatna uh tawh a lah nadingun a masa in Damascus-ate kiang, tua khit ciangin Jerusalem-ate kiang le Judea gam khempeuh le Gentile-te kiangah zong ka hilh hi.

Nasepte 28:27

‘Hih mite lungtang sak lua ahi manin a bil uh tawh za mel lo uh a, mitsi uh hi. Tua hikeileh a mit uh tawh mu thei-in a bil uh tawh za a, a lungtang uh tawh theitel in kihei ding uh a, amaute ka damsak kha ding hi,’ a ci hi.

Nasepte 3:19

Tua ahi ciangin kisikin Pasian lam nga kik un. Tua hileh na mawhnate uh kisiaksiangin Topa tung panin thathak ngahna hun hong tung thei dinga;

Thupiakkikna 30:2

note le na tate un TOPA lam zuan kik-a, tuni-a kong thupiakna tawh kizui-in na khempeuh ah na lungsim khempeuh uh le na hinna khempeuh uh tawh ama thu na man uh leh,

Thupiakkikna 30:8

Note in TOPA thu na mang kik ding uh a, tuni-a kong gen ama thupiakte khempeuh na zui ding uh hi.

Thupiakkikna 5:29

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

2 Peter 3:9

Mi pawlkhatte in a ziakaina a theih uh bangin a thuciamna ah Topa a ziakai kei hi. Amah in kuama kisiat ding deih lo a, mi khempeuh a kisik ding uh a deih manin note hong thuak keeikai hi.

1 Samuel 7:3

Tua ciangin Samuel in Israel innkuan buppi tungah, "Na lungsim khempeuh un TOPA lamah kihei-a, na gamdang pasiante uh le Ashtoreth-te paikhia-un, TOPA tungah ki-apa ama na bek na sep uh leh, amah in note Philistia-te khut panin hong hukhia ding hi," a ci hi.