Jeremiah 32:39 - Zokam International Version

³⁹ Amaute hoih nading, amau nunga a tate uh hoih nading le kei hong kihtak tawntung nadingun lungsim khat le gamtatna khat ka guan ding hi.

LAISIENGTHOU CL Bible (BSI)

³⁹ Tuachi’n amauh hoina ding leh anua ua atate uh hoina dinga, kumtawn a kei ahing giin theina dingun, lungtang mun khat leh umdan kibang ka pe ding hi.

Zo Bible

³⁹ Amate hoi nading, a nua cieng vua a tate uh’ hoi nading le a lungtang vuah kum tawnin ei giin thei nadingun lungtang khat le tawndan khat amate ka pie ding hi.

Jeremiah 32:39 ပူးပေါင်းရင်းမြစ်များ

Piancilna 17:7

Keimah in na Pasian le nang nunga na suan-le-khakte’ Pasian ka hina dingin tawntung thukhun in kei le nang le hong tung lai ding khangte-a na suan-le-khakte tungah thukhun kip ka bawl ding hi.

Piancilna 18:19

Ahang in, TOPA in Abraham tunga a ciamsa thu a tunsak theih nading, ama nunga a tate le a innkuanpihte in thuman le thutanga gamtatna tawh TOPA lampi a zuih nadingun amah ka teel zo hi," ci hi.

Piancilna 22:12

Amah in, "Naupang tungah na khut nga kei in, amah bangmah cih kei in. Tu-in Pasian na kihtak lam ka thei hi, bang hang hiam cih leh na tapa, na tapa khat neihsun kei adingin nong it loh lam ka thei hi," ci hi.

2 Khangthute 30:12

TOPA kammal zui-in kumpipa le a uliante thupiaksa a tangtun nadingin Judah sungah zong Pasian khut in kigawm khawm nopna lungsim a guan hi.

Phatna-late 112:1

TOPA f phat un. TOPA kihta a, a thupiakte zuih nuam mahmah a sa te thupha ngah ahi hi.

Phatna-late 128:6

na tate’ tate mu-in nungta in. Israel tungah lemna om ta hen.

Phatna-late 86:11

TOPA aw, na lampi hong hilh in; na thutak ah ka kalsuan ding hi; na min ka kihtak theih nadingin aka lo lungsim hong guan in.

Paunakte 23:17

Na lungsimin mimawhte eng kei inla, TOPA kihtakna aam tawntung zaw in.

Isaiah 35:8

Tua lai-ah lam lianpi om dinga, Sianthona lampi a kici ding hi. A sianglo mite in tua a tung tawn lo ding uh a; tua Lampi tawnte ading tua bang ahi ding hi; a tatsia mihaite in tua tung a tawn kei ding uh hi.

Isaiah 52:8

Ngai un! Na galvilte un a aw uh sangsakin; lungnopna aw a tangko khawm uh hi. Zion ah TOPA a ciah kik ciangin amau mit mahmah un tua a mu ding uh hi.

Isaiah 65:23

Amaute, amaute le a suan a khakte uh TOPA thupha piak ahi manin, a mawkna-a nasep suak loin, khasiat nading lelin ta a nei kei ding uh hi.

Jeremiah 24:7

Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi.

Jeremiah 31:33

"Hih in tua hun khit cianga Israel innkuante tawh ka bawl ding thukhun ahi hi," TOPA in cikhia hi. "Amaute lungsim ah ka thukham ka koih dinga, amaute lungtang tungah ka gelh ding hi. Amaute Pasian ka hi dinga, amaute ka mi hi ding uh hi.

Jeremiah 32:40

Amaute tawh tawntung thukhun bawlin amaute hoih nading ka bawl den dinga, kei hong taihsat ngei nawn loh nadingun kei kihtakna ka muam ding hi.

Jeremiah 6:16

TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

Ezekiel 36:26

Note lungsim thak kong guan dinga; na sunguah kha thak ka guang ding hi. Na suang lungtang uh ka lakhia dinga satak lungtang kong guan ding hi.

Ezekiel 37:22

Keimah in Israel mualliante tungah amaute minam khat ka suaksak ding hi. Amaute khempeuh a uk kumpi khat omin minam nih suak ngei nawn lo ding uh a, kumpi-gam nihin a kikhen ngei nawn kei ding uh hi.

Ezekiel 37:24

"’Ka nasempa David amaute kumpi hi dinga, amaute khempeuh a cing ding tuucing khat ahi ding hi. Ka thukhamte zui ding uh a, ka thukipte limtakin a tang ding uh hi.

Ezekiel 37:25

Ka nasempa Jacob ka piaksa na pate uh tenna gamah amaute a teng ding uh hi. Amaute le a tate uh le a tute uh tua lai-ah teng tawntung ding uh a, ka nasempa David a ukpa uh hi tawntung ding hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 17:21

Pa aw, nang kei sungah na om a, kei nang sungah ka om bang tektekin amaute khat a suah theih nadingun kong ngen hi. Nang, kei nong sawl ahilam leitung in a up nadingin amaute zong ei sungah om uh hen.

Nasepte 13:33

ei amau tate adingin Jesu thawhsaktohna tawh tangtun zo hi. Phatna-late a nihna ah: "‘Nang ka Tapa na hi hi; tuni-in na Pa b kong suak hi,’ c ci-a kigelhsa bangin,

Nasepte 2:39

Tua kamciam pen note le na tate uh ading le gamlapi-a omte khempeuh ading - i Topa Pasian in a sap dingte khempeuh ading ahi hi," ci-in a dawng hi.

Nasepte 3:26

Pasian in a nasempa a khankhiatsak ciangin note, na tatsiatna panun na vekun kikhelin thupha hong piak theih nadingin note kiangah hong sawl masa hi," a ci hi.

Nasepte 4:32

Thu-umte khempeuh, lungsim le ngaihsutna kikhatin a om uh hi. Amau neihsate kuamah in aituamin nei lo uh a, ahi hangin a neih khempeuh uh a neikhawm uh hi.

Nasepte 9:31

Tua ciangin Judea, Galilee le Samaria gam sunga om pawlpite in lungmuan hun a ngah uh hi. Khasiangtho in hanthawnin thakhauhsak a, tua bangin Topa kihta-a, a nungta mi khangin a tam semsem hi.

Rome-te 11:16

Gahmasa banga kipia buhnel mekman them khat siangtho ahileh a lom bitin zong a siangtho hi; azung a siantho leh ahiangte zong a siangtho hi.

1 Corinth-te 7:14

Ahang in, a um lo pasal a zi tungtawnin sianthosaksa hi-a, a um lo zi zong a um a pasal tungtawnin sianthosaksa ahi hi. Tua hi kei leh na tate uh a siang lo hi dinga, ahi hangin tua mah bangin amaute a siangtho uh hi.

2 Corinth-te 13:11

A nunung penin sanggamte aw, mangpha na man un. Kicinkimna na tum unla, kong ngetna na ngai un. Lungsim kikhatin na kilem un. Itna le lemna Pasian in note hong ompih ding hi.

Thupiakkikna 5:29

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

Thupiakkikna 6:2

Tua in note le na tate uh le amau khita suak a tate uh tawh hih kong piak thukipte le a thupiakte zui-a TOPA note Pasian kihta in na nuntak uh sawtpi nuam nasak nading uh ahi hi.

Thupiakkikna 6:24

Eite a tawntungin daupai-a tuni-a bangin i nuntak theih nadingin hih thukipte zui a, TOPA eite Pasian i kihtak nadingin TOPA in thu hong pia hi.

Hebrews 10:20

eite adingin tua puanzak kantanin a nungta le a thak lampi khat kihong zo a; tua pen ama pumpi ahi hi.