Jeremiah 31:7 - Zokam International Version

⁷ Hih in TOPA gen ahi hi: "Jacob adingin lungdamin la sa un; minamte lakah a madawkpen adingin kiko un. Na phatna uh kiza henla, ‘TOPA aw, a baanglai na mi Israel-te honkhia in,’ ci un.

LAISIENGTHOU CL Bible (BSI)

⁷ Aziehpen Mangpa’n tambangin agen hi; “Jakob a dingin nuomin lasa unlen, namte lah a thupipen a dingin kikou un, phuongzah unlen, phat un, Aw Mangpa na mi Israel umsunte khu hundam in, chi un.

Zo Bible

⁷ Azieh pen Topa in tam bangin ci hi: Jacob ading kipahna tawh a gingin la sa unlen, minamte lahah a lienpente adingin kiko-in awng un; “A omlai na mi Israel-te hundam in, Topa aw,” ci-in kiko-in phat un.

Jeremiah 31:7 ပူးပေါင်းရင်းမြစ်များ

Phatna-late 106:47

Kote Pasian TOPA aw, hong hon inla, na min siangtho tungah lungdam ka koh theih nading uh le na minthanna ka phat theih nadingun minamte panin kote hong kaikhawm in.

Phatna-late 126:2

I kamte nuihna tawh dim-a i leiite lungdamna la tawh a dim hi. Tua ciangin minamte lakah, "TOPA in amaute ading na lianpi bawl khin hi," kici hi.

Phatna-late 14:7

Zion panin Israel hotkhiatna hong pusuak leh maw! TOPA in a mite a ngeina a batsak ciangin, Jacob nuam henla Israel kipak hen!

Phatna-late 28:9

Nangma mite hon inla na gouluahte thupha pia in; amaute tuucin-a cingpa hi inla, tonpih tawntung in.

Phatna-late 67:1

Pasian in ei hong hehpihin eite thupha hong pia henla, ei tungah ama mai hong tangsak hen;

Phatna-late 69:35

ahang in, Pasian in Zion honkhia dinga, Judah khuapite a lam kik ding hi. Tua ciangin tua lai-ah mite tengin a nei ding uh hi;

Isaiah 1:9

Thahatpen TOPA in eite tawmno khat hong sit lo hileh Sodom tawh kibang khinin Gomorrah tawh i kibang khin ding hi.

Isaiah 11:11

Tua ni ciangin Topa in Assyria pan, Egypt khanglam pan, Egypt d saklam pan, Cush e pan, Elam pan, Babylonia f pan Hamath pan, le tuipi tuikulhte panin a baanglaite a kinusia ama mite a ngah kik nadingin a nihveina a khut a zankhia ding hi.

Isaiah 37:31

A baanglai Judah innkuante in khatvei a nuai-uah zung kha kikin a tungah gah a gah ding uh hi.

Isaiah 37:4

A pu Assyria kumpipa in a sawl galkap mangpa in a nungta Pasian a simmawhna kammalte TOPA note Pasian in za dinga, TOPA note Pasian in a zaksate hangin amah tai ding hi. Tua ahi ciangin a suakta a omlai sunte pana a baanglaite adingin thu ngen un,’ ci hi," a ci uh hi.

Isaiah 44:23

Hih in TOPA sepsa ahi manin vante aw lungdamin la sa un; nuai-a lei aw, nakpi in kiko in. No mualliante, no tulak le singkungte khempeuh aw, TOPA in Jacob tankhia khin a, Israel sungah amah kiminthangsak khin ahi manin la sakhia zuah un.

Isaiah 52:8

Ngai un! Na galvilte un a aw uh sangsakin; lungnopna aw a tangko khawm uh hi. Zion ah TOPA a ciah kik ciangin amau mit mahmah un tua a mu ding uh hi.

Isaiah 61:9

Minamte lakah amaute suan le khakte kitangtheih dinga, amau suante mite lakah a kitang theih ding hi. Amaute a mu peuhmah in TOPA thupha piaksa minam ahilam a tel ding uh hi," a ci hi.

Jeremiah 20:13

TOPA la sak un! TOPA pahtawi un! Amah in migilote khut panin a kitasamte nuntakna a hu hi.

Jeremiah 23:3

Ka tuuhon a baanglaite ka hawlkhiatna gamte panin ka kaikhawm dinga, amaute gahpha in a khan nading uh amau lonona munah ka puak kik ding hi.

Jeremiah 3:23

Mualneu le mualliante tunga milim biate gamlum henhanna zuaupi taktak hi a; TOPA eite’ Pasian sung bekah Israel-te hotkhiatna a om takpi hi.

Jeremiah 31:12

Amaute hong pai ding uh a, Zion asannate tungah lungnuamin kiko ding uh hi; amaute TOPA nopsakna - buh, zuthak le sathau, tuuno, bawngnote hangin nuam a sa ding uh hi. Amaute hoihtakin tui kibuak huan tawh kibang ding uh a, a dah kik nawn kei ding uh hi.

Tamlawhna 1:1

aHun khat lai-a mi a dimna khuapi nak daih na lawmlawm e! Minamte laka a lian mahmah sa, meigongnu lah abang tazen a! Gam tuamtuamte kumpinu tu-in sila suak ta hi.

Ezekiel 6:8

"‘Ahi hangin gamte le minam dangte lakah na kithehthang uh ciangin namsau panin pawlkhat ka hawi nadingin pawlkhat a suakta ding uh hi.

Hosea 1:7

Ahi zongin Judah innkuan tungah ka itna ka lak ding hi; amaute ka hon ding hi - thal tawh hi lo, namsau ahikeh galsimna tawh hi lo, sakolte le sakol-tuangte tawh hi loin, TOPA a maute Pasian tawh ka hon ding hi," a ci hi.

Joel 2:32

Ahi hangin TOPA min a lo khempeuh kihonkhia ding hi; ahang in, TOPA gensa bangin Zion Vum le Jerusalem a, a nungta lai sunte lakah TOPA sap mite kihonkhia ding hi.

Amos 5:15

Gitlohna mudah un, thu hoih it un; thukhen zum ah amaanin thu khen un. Tua hileh TOPA Thahatpen Pasian in a baanglai Joseph hong lainat kha thei ding hi.

Micah 2:12

"Jacob aw, note khempeuh kong kaikhawm taktak ding hi; Israel a baanglaite pel loin kong kaikhawm taktak ding hi. Lonona muna tuute tuu buk sunga khum bangin amaute ka puak kik ding hi; tua mun ah mihing a dim kik ding hi.

Micah 7:18

Na innluah dingin a baanglaite khialhna maisaka a mawhna uh a phelsak nang tawh kibang Pasian kua om ahi hiam? Na heh den kei a, na lainatna na lak hi.

Zephaniah 2:9

Tua ahi ciangin Israel-te Pasian Thahatpen TOPA in, "Ka nuntakna ka lo hi, Moab pen Sodom tawh kibangin, Ammon-te Gomorrah bang tektek ding uh a- a gam uh bangmah a kimang lo lopa bek pona cikhuk a suak den ding hi. A baanglai ka mite in amaute manmang ding uh hi; a omlai ka minamte in amaute gam a luah ding uh hi," a ci hi.

Rome-te 11:5

Tua hunmah bangin tuhun laitakin zong hehpihna hanga teelsa a baanglaite a om hi.

Rome-te 9:27

Israel tawh kisai-in Isaiah in: "Israel mite tuipi gei-a sehnel zahin a tam uh hangin a baanglaite bek kihonkhia ding hi.

Thupiakkikna 28:13

TOPA in a meidawn hi loin a lutangin hong bawl ding hi. Tuni-a note kong piak TOPA note Pasian thupiakte na thupi sim uh a, limtaka na zuih uh leh a tawntungin nuainungpen loin na tungnungpen ding uh hi.

Thupiakkikna 32:43

Minamte aw, amah in a nasemte sisan phu la-in a galte tungah phu la dinga, a gam le a mite adingin thoihdamna bawl ding ahi manin, ama mite tawh a b lungdam un.