Jeremiah 31:23 - Zokam International Version

²³ Hih in Thahatpen TOPA Israel Pasian gen ahi hi: "Amaute saltanna b pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi.

LAISIENGTHOU CL Bible (BSI)

²³ Galkapte Mangpa Israelte Pasian in tambang in agen hi: “Asaltaangte uh ka nuapui kia chiengin, Juda gam leh akhopite uah, tam kamham azang kia ding uhi; Aw dihna umna leh siengthouna muol! Mangpa’n hing guolzawlta hen, chi khu.

Zo Bible

²³ Israel’ Pasien, Topa in tam bangin ci hi: Keima in a gam uh ka piehkia ciengin Judah gam sung le a khuopite uh sungah amate in, “A dih tenna aw, muol siengtho aw! Topa in thupha hing pie taheh,” ci-in tam kammalte khatvei a zangkia ding uhi.

Jeremiah 31:23 ပူးပေါင်းရင်းမြစ်များ

Phatna-late 128:5

TOPA in na nuntak sung teng Zion panin thupha hong pia henla; Jerusalem daupaina mu-in

Phatna-late 129:8

Ama kiang a tawnte in, "TOPA thupha nang tungah hong tung hen; TOPA minin thupha kong pia uh hi," ci kei uh hen.

Phatna-late 134:3

Leitung le vantung a Bawlpa TOPA in Zion panin note thupha hong pia hen.

Phatna-late 28:9

Nangma mite hon inla na gouluahte thupha pia in; amaute tuucin-a cingpa hi inla, tonpih tawntung in.

Isaiah 1:21

En dih un, bangci banga a muanhuaisa khuapi numei kizuak suak zawzen ahi hiam! Khatvei lai-in thutang tawh kidim hi; ama sungah thumaanna teng a, tu-in lah tualthatte bekbek teng ta!

Isaiah 1:26

Hunlui lai bangin na thukhente uh omsakin na thudotte uh a tunglai ka bangsak ding hi. Tua teng khit ciangin nang Thumaanna Khuapi, A Muanhuai Khuapi hong kici ding hi," cikhia hi.

Isaiah 11:9

Tui in tuipi a tuam bangin TOPA theihna leitung dim ding ahi manin amaute in ka mual siangtho tungah bangmah liamsak loin a susia kei ding uh hi.

Isaiah 32:16

Sehnel-gamah thutang teng dinga, logam hoih ah thumaanna teng ding hi.

Isaiah 33:5

A sangna munah TOPA teng ahi manin a kitawisang hi; amah in thumaan le thutang tawh Zion a dimsak ding hi.

Isaiah 60:21

Tua ciangin na mite khempeuh thumaan ta ding uh a, amaute in tua gam a nei den ding uh hi. Ka thupina a kilat nadingin, amaute ka khuta ka sep ka suansa pana selte hi ding uh hi.

Jeremiah 29:14

Note in kei nong mu ding uh a, na saltanna panun kong puak kik ding hi," bTOPA in cikhia hi. "Sal-a kong hawlkhiatna minamte le munte khempeuh panin kong kaikhawm kik ding hi," TOPA in cikhia a, "Sal-a kong puakkhiatna mun mah ah kong puak kik ding hi," a ci hi.

Jeremiah 30:18

"TOPA gen hih ahi hi: "‘Jacob puanbuk angei ka bangsak dinga, a tenna ka khuatuah ding hi; a kisiatna mun mah ah khuapi kilam kik dinga, kumpi inn, ama mun mah ah a ding kik ding hi.

Jeremiah 32:44

Benjamin gam, Jerusalem kimkota khuaneute, Judah khuapite, mualtung gam khuapite, nitumna lam zang le kham kicina-te le Negev a te in ngunin lo lei ding uh a, min thu-in, seal tumin teci nei-in kileina a bawl ding uh hi; bang hang hiam cih leh amaute mailam a ngei ka bangsak kik ding hi, bTOPA in cikhia hi," a ci hi.

Jeremiah 50:7

Amaute a mu peuh in nawmvalh uh a; a galte un, ‘Amaute a TOPA uh tung, a thumaan amau lonona tung le a pate uh lametna TOPA tungah mawh khin uh ahi manin, eite i khial kei hi,’ ci uh hi.

Obadiah 1:17

Ahi hangin Zion Vum kihonkhia ding hi, tua pen kisiangthosakin Jacob innkuan in a gou teng luah ding hi.

Micah 4:1

Ni nunung ni ciangin mualliante lakah TOPA biakinnpi mual a lianpenin kikoih ding hi; mualneute tungah kilaamto dinga, mite in a zuan ding uh hi.

Zechariah 8:3

TOPA thugen hih ahi hi: "Zion ah ka kileh dinga, Jerusalem ah ka teng ding hi. Tua ciangin Jerusalem pen Thutak Khuapi kici dinga, Thahatpen TOPA mual pen Mual Siangtho kici ding hi," a ci hi.

Ruth 2:4

Tua khit phetin Bethlehem pana hong tung Boaz in anlate hopih in, "Note tawh TOPA omkhawm ta hen," a ci hi. Amaute in, "TOPA in thupha hong pia hen!" a ci kik uh hi.