Jeremiah 31:20 - Zokam International Version

²⁰ Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

LAISIENGTHOU CL Bible (BSI)

²⁰ Ephraim ka tapa deitah ahiei? Ka ngainat ka ta ahiei? Ken ama demin thugen ma nanleng, ka lung sungah kagel chinten hi; tuaziehin ka lungtangin ama ka lunggul a, pellou in ama ka khotuo ding hi, Mangpa’n achi hi.

Zo Bible

²⁰ Ephraim, ka it mama ka tapa ahi amah? Ama keima’ lungkimna tapa ahi amah? Ama langpangin thu ka gen sielin ama ka phawh lai veve hi. Tua ziehin ka lungsim sungah ama teng den hi; ama ka hepi tahtah ding hi, Topa in ci hi.

Jeremiah 31:20 ပူးပေါင်းရင်းမြစ်များ

Piancilna 43:30

A sanggampa a muh ciangin ki-ip zo lo-a, a kah nading mun khatah Joseph a paikhia pak hi. Ama inndei tuamah pai-in tua lai-ah kap hi.

1 Kumpite 3:26

Tapa a hing pen’ nu in a tapa khuatuah a, kumpipa kiangah, "Ka topa aw, nong hehpihna-in naupang a hing pen amah pia in! Amah that kei in!" a ci hi. Ahi hangin a khat pen in, "Nang na hi-a, kei ka hi zongin a nei i om tuam kei ding hi. Tum nih suah in!" a ci hi.

Phatna-late 103:13

Pa khat in a tate a khuatuah bangin TOPA in amah a kihtate a khuatuah hi;

Paunakte 3:12

bang hang hiam cih leh pa in a pahtak tapa a sek bangin TOPA in a itte sek a hi.

Zailate’ Zaila 5:4

Ka sannem in banzal hong khak awngvang panin lia ka sinlai hong zen lua sa’ng e.

Isaiah 16:11

Harp bangin ka lungsimin Moab ka taamlawh a, keima sungah Kir Hareseth ka taamlawh hi.

Isaiah 30:18

Tua hi napi TOPA in note hong hehpih nuam lailai in; ama hong khuatuahna hong lak lailai hi. Ahang in, TOPA in a thutang Pasian ahi hi. Amah a ngak zote khempeuh thupha ngah ahi hi.

Isaiah 55:7

Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

Isaiah 63:15

Vantung panin hong ensuk inla, a siangtho a minthang sangpi-a om na tokhom panin hong mu in. Na deihluatna le na liatna koi-ah om ahi hiam? Na lungnemna le na khuatuahna kote tung panin kidokkik ta ahi hiam?

Jeremiah 3:12

Pai inla leilu lamah hih thupuak tangko in: "‘A muantak lo Israel aw, hong kileh kik in,’ TOPA in cikhia hi. ‘Lainat siampa ka hi manin kong talgawmsan nawn kei ding hi,’ TOPA in cikhia hi. Ka heh tawntung kei ding hi.

Jeremiah 3:19

Keimahmah in, "‘Lungdam lua-in tapate bangin ka bawl dinga, minam khatpeuh luah a nopcipen le a deihhuaipen nang kong pia ding hi,’ ka ci hi. ‘Pa’ hong ci-in nong zuihna pan kihei lo ding kong sa hi.

Jeremiah 31:9

Amaute kap kawmin hong pai ding uh a; amaute ka puak kik kawmin thu a ngen ding uh hi. Tui omna lui gei-ah amaute ka pi dinga lam sialsa totpihin amaute a tuk kei ding uh hi; bang hang hiam cih leh Israel-te’ pa ka hi a, Ephraim ka tapa upapen ahi hi.

Jeremiah 33:26

ka nasem Jacob le David suan le khakte ka nial dinga, Abraham Isaac le Jacob suante a uk dingin a tapate lakah khat ka teel kei ding hi. Ahang in, a mailam hun b uh a ngei ka bangsak dinga, amaute ka khuatuah ding hi,’ ci hi," a ci hi.

Jeremiah 48:36

"Tua ahi ciangin ka lungsim sungah tamngai mut bangin ka taamlo a; Kir Hareseth mite adingin tamngai bangin ka tamlo hi. A khol uh, a neih a lamteng uh beita hi.

Tamlawhna 3:22

TOPA hong khuatuahnate bei ngei lo ahimanin a lian mahmah hong itna hangin eite i kangtum kei hi.

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Siampi Laibu 26:44

Tua hi napi in amaute in a galte uh leitanga a om sung nangawnun amaute susiamang ding zahin amaute nial lo kih loin amaute tawh ka thukhun ka pelh kei hi. Keimah TOPA amaute Pasian ka hi hi.

Luke 15:24

Ahang in, hih a si khinsa ka tapa tu-in hing kik zo hi; a mangsa hi-a tu-in kimu kik hi,’ ci hi. Tua ahi ciangin amaute in a lawm uh hi.

Luke 15:32

Ahi hangin na sanggampa a si khinsa tu-in hong hing kika, a mangsa tu-in kimu kik ahi manin nuamin i lop a kul hi,’ ci hi," ci-in a gen hi.

Thupiakkikna 32:36

TOPA in a mite thahatna bei-in sila le sila lo khat beek a om nawn loh a muh ciangin, a mite tungah thu khen dinga, a nasemte a khuatuah ding hi.

Philippi-te 1:8

Note khempeuh Christ Jesu itna tawh kong lunggulh lam Pasian in a thei ding hi.

Thukhente 10:16

Tua ciangin amaute laka a pasiante uh paikhia-in TOPA’ na a sem uh hi. Tuateh amah in Israel’ gimthuakna a thuakzo nawn kei hi.