Jeremiah 30:24 - Zokam International Version

²⁴ TOPA in a lungsima a tupna a kim dipdep matengin a hehluatna a kileh kik kei ding hi. Hong tung lai ding hunte ah hih thu na theitel ding uh hi.

LAISIENGTHOU CL Bible (BSI)

²⁴ Mangpa lungthahna zauhuoitah khu alungtanga atupte abawl bukim masangsie’n akinuale sih ding hi. Ni nukhia lam chiengin tamte na hing theisiem ding uhi.

Zo Bible

²⁴ Ama’ lungtup teng semin, a tangtun masangsie, a giinhuoi Topa’ lungthahna a kilekia sih ding hi. Ang tung ding nite-ah note in tami na telsiem ding uhi.

Jeremiah 30:24 ပူးပေါင်းရင်းမြစ်များ

Jeremiah 23:20

A lungsim sunga a tupna teng a tunsak kim matengin TOPA hehna a kileh kik kei ding hi. Hong tung ding hunah kiciantakin na theitel ding uh hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Micah 4:1

Ni nunung ni ciangin mualliante lakah TOPA biakinnpi mual a lianpenin kikoih ding hi; mualneute tungah kilaamto dinga, mite in a zuan ding uh hi.

Ezekiel 38:16

Meii in leitung a tuam bangin ka mi Israel-te sim dingin na kuan ding uh hi. Gog aw, hong tung ding nite ah ka sianthona hong kitheih nadingin minamte mitmuhin nang tungtawna ka kilah theih nadingin ka gam sim dingin kong puak ding hi.

Jeremiah 4:28

Tua ahi ciangin leitung thum dinga, tunga vante a mial ding hi; bang hang hiam cih leh ka gensa hi-a ka khiam kei ding hi; ka khensatsa ka dok kik kei ding hi," a ci hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Jeremiah 48:47

"Tua hi napi hong tung ding mailam hunah Moab angei kong bangsak ding hi," TOPA in cikhia hi. Moab tunga thukhenna hih ciangah beita hi.

Jeremiah 4:8

Tua ahi ciangin ippi puansilh unla kapin taamlo un, ahang in, TOPA hehluatna eite tawh kipelh nai lo hi.

Isaiah 46:11

Nisuahna panin sasial ne vasa khat ka sam a, a gamlapi panin ka ngimna a tangtungsak ding mi khat ka sam hi. Ka gen khitsa ka piangkhiasak dinga; ka ngimsa ka sem ding hi.

Isaiah 14:24

Thahatpen TOPA kiciam khin a, "Ka gensa bangin piang dinga ka sehsa bangin a kho takpi ding hi.

1 Samuel 3:12

Tua hun ciangin a innkuanpihte tungah a tung dinga ka gensate - a kipatna pan a tawpna dong, Eli tungah ka tungsak ding hi.

Thupiakkikna 31:29

Ka sih khit ciangin note kisiathang gawpin kong thupiaksa panin na pialkhiat ding uh lah teltakin ka thei hi. Mailam hun ciangin TOPA muhna ah a sia-in gamta ding uh a, na khut uh tawh na bawlsate uh hangin amah hehsak ding na hih manun note tungah vangsiatna hong tung ding hi," ci-in hih thupiakte a pia hi.

Thupiakkikna 4:30

Note tungah hih na khempeuh hong tungin na lungdon khit uh a ni nunung ciangin TOPA note Pasian kiangah na kileh kik ding uh a, ama thu na mang ding uh hi.

Misimna 24:14

Tu-in ka mite kiangah ka ciah ding hi, ahi hangin hong pai dih in, mailam hunah hih mite in na mite bang cih ding hiam kong hilhkhol ding hi," ci-in a dawng hi.

Piancilna 49:1

Tua khit ciangin Jacob in a tapate samsak a: "Mailam huna hong piang ding thute kong gen theih nadingin hong ki-um dih un.

Jeremiah 49:39

"Tua hi napi mailam hun ciangin Elam a mailam hun angei ka bangsak ding hi," TOPA in cikhia hi.

Jeremiah 49:37

Amaute a that nuam a galte uh mai-ah Elam ka thehzak dinga; ka hehluatna hanga gimna nangawn amau tungah ka tungsak ding hi," TOPA in cikhia hi. Amaute a bei siang matengun namsau-in ka nungdelh ding hi.

Tamlawhna 1:12

Hong tawnkha khempeuh aw, no adingin bangmah hilo ka hi hiam? En kawikawi unla mu un. TOPA in a hehluat laitak a kei hong bawlsiatna ka thuak bang thuakna a om ngei hiam?

Jeremiah 23:19

En un, TOPA thangpaihna huihpi kinuai dinga, migilote lutungah pingpei in zialnelh ding hi.