Jeremiah 30:21 - Zokam International Version

²¹ A makaipa uh amau sung pan hi dinga a gam-ukpa ding uh amau sung pan a khang ding hi. Amah ka kiangah ka zol dinga, ka kiang tektek ah hong nai ding hi; ahang in, kua in ama thu-in hong ki-apin ka kiang hong neh ngam ding ahi hiam?’ TOPA in cikhia hi.

LAISIENGTHOU CL Bible (BSI)

²¹ Alamkaite uh amau’lah a mi ngeingei ahita dinga, avaihawm mite uh khu amau’lah a hing pawtdoh ahi ding uhi, tuachi’n amaute ka kinai sah dinga, aman kei ahing zuon ding hi, aziehpen ama thu a kei hing zuon dinga, alungtanga kichiemngam koi ahiei? Mangpa’n achi hi.

Zo Bible

²¹ A kumpi ding uh pen amate khat ma hi ding a, a vaihawm lamkai ding uh amate sung pan ma-in ang pieng ding hi; Keima in a nai ah ama ka kai ding a, ama in ka kung ei zuon ding hi. Tua hi sihle koi in ka kung ei zuon ngam ding ahei, Topa in ci hi.

Jeremiah 30:21 ပူးပေါင်းရင်းမြစ်များ

Piancilna 18:27

Tua ciangin Abraham in, "Topa tunga thugen dingin bangmah ahi lo, leivui le vut ahi lel khat in hangtakin thu kong gen ngam hi;

Piancilna 18:30

Tua ciangin amah in, "Topa aw, heh kei in, hong gensak lai in. Tua lai-ah sawm thum bek kimu thei leh bang na cih ding hiam?" a ci hi. Amah in, "Tua lai-ah sawm thum ka muh leh ka hih kei ding hi," ci-in dawng hi.

Piancilna 18:32

Tua ciangin amah in, "Topa aw, na heh peuhmah kei in, khatvei bekbek hong gensak lai in, tua lai-ah sawm bek kimu leh bang na cih ding hiam?" ci hi. Amah in, "Sawmte cihna in ka susia kei ding hi," ci-in dawng hi.

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

2 Samuel 7:13

Amah in ka Minin inn khat lam dinga ama kumpi-gam tokhom ka kipsak tawntung ding hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum le Baanah tawh a tonte) ahi hi: Israel mi phazah in:

Nehemiah 7:2

Jerusalem a kem dingin ka sanggampa Hanani tawh kumpi khua ukpa Hananiah ka sehkhawm a hi; bang hang hiam cih leh amah a citak mi khat hi-a, midang khempeuh sangin Pasian a kihta zaw hi.

Phatna-late 65:4

Na teel mipa le nangma huangte sungah teng dinga nang hong naihte thupha ngah hi ei! Na inn, nangma biakinnpi siangtho a na hoihte tawh ka kidim uh hi.

Phatna-late 89:29

Ama khanggui ka kipsak den dinga, vante a kip laisiah ama tokhom ka kipsak ding hi.

Paikhiatna 3:5

Pasian in, "Hong naih beh nawn kei in. Tu laitak-a na dinna mun siangtho ahi manin na khedapte suah in," a ci hi.

Isaiah 63:1

Edom-a Bozrah pan hong pai a puan kheisan-a kidiahpa kua ahi hiam? Thupina puanin silh a alian mahmah hatna tawh mai nawtpa kua ahi hiam? "A hon zo dinga thahat, thumaan genpa keimah ka hi hi,"

Jeremiah 30:9

Tua tangin amaute Pasian TOPA le amaute adingin ka laptoh a kumpipa uh David na a sem ding uh hi.

Jeremiah 33:15

"‘Tua ni, tua hun ciangin David gui pan a thumaan Hiang khat ka selkhiasak dinga, amah in thumaan thutangin na a sem ding hi.

Jeremiah 49:19

"Jordan gamphalak panin lono hoihna gamah humpinelkai a paikhiat toh bangin thakhatin a gam pan Edom ka delhkhia ding hi. Hih a ka sepsak ding kua ka teel ding hiam? Kei tawh a kibang kua hi a, kua in kei hong to ngam ding hiam? Tuateh kei langkhatah bang tuucingpa pang thei ding ahi hiam?" a ci hi.

Jeremiah 50:44

Jordan gam pha lak panin lono hoihna muna paito humpinelkai tawh kibangin a gam panin Babylon thakhatin ka delhkhia ding hi. Hih huna nasem dingin kua ka teel ding hiam? Kei tawh kibang kua om a, kei hong to ngam ding kua om ahi hiam? Kei langah bang tuucingpa ding ngam ding ahi hiam?" a ci hi.

Ezekiel 37:24

"’Ka nasempa David amaute kumpi hi dinga, amaute khempeuh a cing ding tuucing khat ahi ding hi. Ka thukhamte zui ding uh a, ka thukipte limtakin a tang ding uh hi.

Hosea 1:11

Judah mite le Israel mite kigawm kik ding uh a, amaute makai khat kisehin amau gam panin paikhia to ding uh ahi manin tua ni Jezreel ni lianpi ni hi ding hi.

Misimna 16:40

TOPA in Moses tungtawna amah a lamlah bangin a hih hi. Hih in Aaron suante longal mi khatpeuh in TOPA mai-ah gimnamtui hal dingin a pai loh nading, a pai leh Korah le a nungzuite bang ding hi, cih Israel-te theihsakna ahi hi.

Misimna 16:5

Tua ciangin Korah le ama nungzuite khempeuh kiangah: "Zingsang ciangin TOPA in ama aa kua hi a, kua siangtho hiam, cih hong lak dinga, tua mipa a kiangah a paisak ding hi. Ama telpa pen amah in a kiangah paisak ding hi.

Matthew 2:2

Amaute in, "A suakkhinsa e Jew-te kumpipa koi-ah om hiam? Nisuahna lamah ama aksi ka mu zo uh a, a bia dingin kong pai uh hi," ci-in a dong uh hi.

Matthew 27:37

Amaute in: HIH JEW-TE KUMPIPA, JESU HI, ci-in a mawhmatna uh lai, a lutung sanah a suang uh hi.

Matthew 3:17

Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.

Luke 24:26

Christ b in hihte khempeuh a thuak masak kul phot-a, tua khit ciangin ama minthanna sunga lut pan ding hi lo ahi hiam?" a ci hi.

Nasepte 5:31

Amah in Israel-te tungah kisikna leh mawhmaisakna a piak theih nadingin Pasian in amah tawisanga ama taklamah koih in, Ukpa le Honpa in a tusak hi.

Rome-te 8:34

A mawhpaihpa kua ahi hiam? Si bek tham loin nungta-a, a tho kik pa Christ Jesu, tu-in Pasian taklamah tu-a eite adingin hong thumsak hi.

Thupiakkikna 17:15

note hong uk dingin TOPA note Pasian teelsa kumpi bek koih un. Amah note sanggamte lak pan hi pelmawh ding hi. No hong uk dingin Israel-te sanggam ahi lo gamdang mi koih kei un.

Thupiakkikna 18:18

Amau sanggamte sung panin amau ading nang tawh a kibang kamsang khat ka khangsak dinga; a kam ah ka thute guanin amah ka thupiak peuhmah amaute tungah a gen ding hi.

Thupiakkikna 33:5

Mite makaite, Israel behte tawh a kikhop uh ciangin amah Jeshurun c tungah kumpipa ahi hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

1 John 2:2

Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga c biakpiakna zong ahi hi.

Kilaakna 19:16

Ama puantual tung le a phei tungah: KUMPITE’ KUMPIPA, TOTE’ TOPA ci-in hih min kigelh hi.