Jeremiah 30:18 - Zokam International Version

¹⁸ "TOPA gen hih ahi hi: "‘Jacob puanbuk angei ka bangsak dinga, a tenna ka khuatuah ding hi; a kisiatna mun mah ah khuapi kilam kik dinga, kumpi inn, ama mun mah ah a ding kik ding hi.

LAISIENGTHOU CL Bible (BSI)

¹⁸ “Mangpa’n tambangin agen hi: Ngai vawi, Jakob puon inn saltangte khu, ka hing nua puikia dinga, atenna munte uah khotuona ka nei ding hi; Khopi khu a umna muol ngaingai ah akilam dinga, leengpa inn zong a umna mun gaima ma ah a um kia ding hi.

Zo Bible

¹⁸ Topa in tam bangin ci hi: Jacob suonte’ buhte a ngaingai ka bangsah kia ding a, amau’ tenna mun tungah lainatna ka nei ding hi. A muol tungah khuopi kilamkia ding a, a om ngaina mun ma-ah kumpi inn omkia ding hi.

Jeremiah 30:18 ပူးပေါင်းရင်းမြစ်များ

1 Khangthute 29:1

Tua ciangin Kumpi David in a kikhawm buppi tungah: "Pasian in a teelsa ka tapa Solomon khangmoi-in a pumpi-in tuahkhak a nei nai kei hi. Hih nasep a lian mahmah hi; bang hang hiam cih leh inn thupi lah mihing ading hi loin TOPA Pasian ading ahi hi.

1 Khangthute 29:19

Tua ciangin ka tapa Solomon na thupiakte a kisapnate le na thukipte ah a lungsim khempeuh in semsak zo inla ka topsaksa inn lianpi lamna ah ki-ap zosak in," a ci hi.

Nehemiah 7:4

Tu-in khuapi zai-in inn tam mahmah a, ahi hangin a teng mi tawmin, innte a kilam kik nai kei hi.

Phatna-late 102:13

Zion angvan hunta ahi manin hong thoin amah na khuatuah ding hi; hun ciangtan zah cingta hi.

Phatna-late 102:14

Ahang in, na nasemte in suangtumte nangawn it uh a, ama leivuite nangawn a hehpih uh hi.

Phatna-late 122:7

Na kulhte sungah lemna om henla na khuapi’ kulhpite sungah ngaihmuanna om ta hen," ci un.

Phatna-late 48:13

khang sawnsawnte tungah na gen theih nadingun a kulhkente limtakin ngaihsunin a kumpi innte gal-et un.

Phatna-late 48:3

Pasian ama kulhpi sungah om a; tua kulh amah ahilam a kilak hi.

Phatna-late 78:69

Asannate bangin a munsiangtho lam a, a kipden dinga a phuhsa leitung a bangsak hi.

Phatna-late 85:1

TOPA aw, na gam na angvan a; Jacob nopsakna a ngei na bangsak hi.

Isaiah 44:26

a nasemte kammalte semkhia in, a kamtaite thugente a tangtungsakpa, Jerusalem tungah ‘Mi hong teng ding hi’ ci a, Judah khuapite tungah, ‘Amaute kilam ta ding hi,’ ci a, tuateh tua a siasate, ‘A ngei ka bangsak ding hi,’ a cipa,

Isaiah 44:28

Cyrus tungah, ‘Amah ka tuucingpa hi a, ka lungkimna khempeuh kimsakin, Jerusalem tungah, "Kilam kik in," ci a, biakinnpi tungah, "Na bulpi kiphut ding hi," a cipa ka hi hi.

Jeremiah 23:3

Ka tuuhon a baanglaite ka hawlkhiatna gamte panin ka kaikhawm dinga, amaute gahpha in a khan nading uh amau lonona munah ka puak kik ding hi.

Jeremiah 29:11

Ahang in, note adingin ka geelnate ka thei hi, "TOPA in cikhia a, "Na nat nading uh hi loin na nopsak nading uh geelnate, note ading lemetna le mailam hun hoih piak ding geelnate ahi hi.

Jeremiah 29:14

Note in kei nong mu ding uh a, na saltanna panun kong puak kik ding hi," bTOPA in cikhia hi. "Sal-a kong hawlkhiatna minamte le munte khempeuh panin kong kaikhawm kik ding hi," TOPA in cikhia a, "Sal-a kong puakkhiatna mun mah ah kong puak kik ding hi," a ci hi.

Jeremiah 30:3

TOPA in kong cih inah: Ka mi Israel le Judah, a saltanna a panun ka lakhia kik dinga a pute uh neih dinga ka piaksa gamah ka tut kik hun a tung ding hi,’ TOPA in ci hi," a ci hi.

Jeremiah 31:23

Hih in Thahatpen TOPA Israel Pasian gen ahi hi: "Amaute saltanna b pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi.

Jeremiah 31:38

TOPA in cikhia hi, "Kei adingin hih khuapi Hananel Tausang panin Kiu Kongpi dong a kilam phat hun hong tung ding hi.

Jeremiah 31:4

Nungak bit Israel aw, nang kong lam kik dinga, nang na kilampha ding hi. Na khuangte kuah kikin gualnuama lam dingin na kuan ding hi.

Jeremiah 31:40

Misiluangte le vut kipaihna kuam buppi le Kidron Kuam a locial khempeuh Sakol Kongpi kiu ciang dong TOPA adingin munsiangtho ahi ding hi. Tua khuapi cikmah hunin kisusia loin a kisuankhia ngei nawn kei ding hi."

Jeremiah 32:15

Ahang in, Thahatpen TOPA Israel Pasian thugen hih ahi hi: Hih gam sungah innte lote le lenggui lote a kilei kik ding hi,’ ci hi.

Jeremiah 32:44

Benjamin gam, Jerusalem kimkota khuaneute, Judah khuapite, mualtung gam khuapite, nitumna lam zang le kham kicina-te le Negev a te in ngunin lo lei ding uh a, min thu-in, seal tumin teci nei-in kileina a bawl ding uh hi; bang hang hiam cih leh amaute mailam a ngei ka bangsak kik ding hi, bTOPA in cikhia hi," a ci hi.

Jeremiah 33:11

lungdamna le kipahna awging, zi nei thakpa le mothaknu aw le TOPA inn a, lungdamkoh biakna puaktote awging kiza kik dinga, "TOPA hoih ahi manin Thahatpen TOPA tungah lungdam ko un; ama itna kip tawntung hi," a ci ding uh hi. Ahang in, mailam hunah gamsung a ngei ka bangsak ding hi,’ TOPA in ci hi.

Jeremiah 33:7

Keimah in a saltanna d panun Judah le Israel ka lakhia kik dinga, a saltan ma uh ka bangsak kik ding hi.

Jeremiah 46:27

"Ka nasempa Jacob aw, lau kei in; Israel aw, lungneu kei in. A gamla panin nang kong honkhia dinga, nangma suante a saltanna panun ka honkhia taktak ding hi. Jacob in lemna le ngaihmuanna ngah kik dinga, kuamah in a lausak nawn kei ding hi.

Jeremiah 49:39

"Tua hi napi mailam hun ciangin Elam a mailam hun angei ka bangsak ding hi," TOPA in cikhia hi.

Jeremiah 49:6

"Tua hi napi tua khit mailam hunah Ammon mite angei ka bangsak ding hi," TOPA in cikhia hi.

Ezekiel 36:11

Note tungah mihing ganhing ka khangsak dinga amaute gahpha mahmahin tampitak a pha ding uh hi. A beisa huna bangin na tungah mi ka tengsak dinga, a beisa hun sangin kong daupaisak zaw ding hi. Tua ciangin keimah TOPA ka hilam nong thei ding uh hi.

Amos 9:14

Saltang ka mi Israel-te amau gamah ka puak kik ding hi; b amaute in a kisusiasa khuapite puah kik ding uh a, tuate ah a teng ding uh hi. Amaute in lenggui suanin tuate zu a dawn ding uh hi; huan bawl ding uh a, amau neihsa singgahte a ne ding uh hi

Zechariah 1:12

Tua ciangin TOPA vansawltak in, "Thahatpen TOPA aw, Judah khuapite le Jerusalem tungah kum sawm sagih sung na heh ta hi. Amaute na lainatna bangtan vei ip lai ding na hi hiam?" a ci hi.

Zechariah 1:16

"Tua ahi ciangin TOPA thugen hih ahi hi, ‘Lainatna tawh Jerusalem ah ka pai kik dinga, tua lai-ah ka inn kilam kik ding hi. Tua ciangin Jerusalem tungah tehna khau a kizankhia ding hi,’ Thahatpen TOPA in cikhia hi.

Zechariah 12:6

"Tua ni ciangin Judah makaite singkua kawma meibung bang le buhtu laka meilah kuang ka bangsak ding hi. Avei atak a kima omte khempeuh hultum ding uh a, Jerusalem ahileh a om ngei-in a om hithiat ding hi.

Zechariah 12:7

TOPA in David innkuante le Jerusalem a tengte, Judah-te sangin a lianzaw-a a kipahtawi loh nadingin Judah a tengte a honkhia masa ding hi.

Zechariah 14:10

Gamsung buppi, Geba pan Jerusalem leitaw-lam Rimmon dong Arabah tawh kibang ding hi. Ahi hangin Jerusalem kisangsakin a omna ngei-ah om dinga, Benjamin Kongpi a kipan Kongpi Masapen lampang Kiu Kongpi dong, Hananel Tausang panin kumpi lenggah sukna dong ahi hi.