Jeremiah 30:14 - Zokam International Version

¹⁴ Na kipawlpihte in hong mangngilh khin uh a; nang hong don nawn peuhmah kei uh hi. Na mawhna tam lua-in na khialhna lian lua ahi manin, galte sat ding bangin kong sat-a migilote dan tuahsak bangin kong tuaksak hi.

LAISIENGTHOU CL Bible (BSI)

¹⁴ Na it na ngaite zousie’n ang manghil siengta ua, nang ang sui nawn sih uhi, melma satliem bangin ka hing liemsahta a, na gitlouna atam seng ziehin, mi gilou gawt bangin ka hing gawt hi.

Zo Bible

¹⁴ Na lawm it zosie in ang mangngil sieng a, amate in nang ang don nuom ta sih uhi; azieh pen na khielna lien luo-in na mawna tam luo ahi ziehin, khuotuona a nei lo galte khat dan ka pieh bang le galte khat satin ka liemsah bangin, nang kang bawl hi.

Jeremiah 30:14 ပူးပေါင်းရင်းမြစ်များ

Job 16:9

Pasian in kei hong doin, hehin kei hong balkham a, a ha hong gawisan hi; ka langpa in a mitin hong sal gemgam hi.

Job 19:11

Amah kei tungah heh lua mahmah a, ama galin hong sim hi.

Job 30:21

Kei tungah nong ngongtat a; na khut thahatna-in kei nong do hi.

Phatna-late 107:17

Pawlkhatte in a lehdonna uh hailawh uh a, amau tatkhialhna hangin gimna a thuak lawh uh hi.

Isaiah 57:13

Huhna ngenin na kiko ciangin na kaihkhop milimte kihonsak ve! Tuate khempeuh huih in len khiamang dinga husan bek in tuate a mutmang ding hi. Ahi hangin kei hong beel mi-in leitang luah dinga ka mual siangtho a nei ding hi.

Jeremiah 14:17

"Amaute tungah hih thu gen in: "Ka ta nungak bit ka mite - nakpitakin kisat a, nak liam mahmah ahi manin ka mitte sun le zanin kan hun nei lo khitui tawh kidiah den hen.

Jeremiah 2:36

Bang hangin na lampite khelin tua zahta tung mawk na hi hiam? Assyria na maizumpih bangin Egypt na maizumpih ding hi.

Jeremiah 22:20

"Lebanon ah paito unla kiko khia un, Bashan ah na aw uh kizasak un; na pawlte khempeuh uh kizogawp ahi manin Abarim panin kiko un.

Jeremiah 22:22

Na tuucingte khempeuh huih in lenmang dinga, na pawlte salin a paimang ta ding hi. Tua ciangin na gitlohna khempeuh hangin na mai zumin na zahlaak ding hi.

Jeremiah 30:15

Bang hangin a kidamsak thei lo na liamma na sa-in kap na hi hiam? Na mawhna tampi le na khialhna liante hangin nang tungah hihte kong tungsak hi.

Jeremiah 32:29

Hih Babylon khuapi a sim Babylon mite a sungah lutin mei-in hal ding uh a, a mite in kei hong hehsakna uh - innkhum tunga Baal ading gimnamtui a halnate uh le pasian dangte tungah dawntheih-a biakna a sunna uh innte tawh a haltum khawm ding uh hi.

Jeremiah 32:30

Israel le Judah mite in a neutungua kipan kei muhna-ah gamtatsia bekbek a sem uh hi; hi takpi hi, Israel mite in a khut uh tawh a bawlte un kei hong hehsak den uh hi, TOPA in ci hi.

Jeremiah 32:34

Amaute in ka Min kilawhna inn sungah a kihhuai milimte koihin ninsak uh hi.

Jeremiah 32:35

Amaute in Ben Hinnom Kuam ah a tanu a tapate a uh tawh Molech a biak nadingun Baal ading munsang a bawl uh hangin, hih a kihhuai sepna tawh Judah a mawh nadingin ka sawl genloh ka lungsim sung nangawn ah a lut ngei beek kei hi.

Jeremiah 38:22

Judah kumpipa kumpi inn a, a kinusia numeite khempeuh Babylon kumpipa uliante kiangah kipuak ding hi. Tua numeite in nang kiangah: " ‘Na muan na lawmte in hong makaih khial uh a - amaute in hong zo uh hi. Na khe buan lakah tumta a; na lawmte in hong taisan uh hi,’ hong ci ding uh hi.

Jeremiah 4:30

A gamh khinpa aw, bang cih ding na hiam? Bang hangin puan ausan silhin khama kizem na hi hiam? Bang hangin na mitte zemin liapsak na hi hiam? Nang le nang a mawkna-a kizem na hi ta hi. Na lawmpate in hong ma ta uh a, hong thah sawm uh hi.

Jeremiah 44:22

Na gamtat hoih lote uh le a kihhuai-a na gamtatnate uh hangin TOPA ki-ip zo nawn lo a, na gam un hamsiatna thuakin tuni mahmah in zong kuamah teng loin a kinusiacip hi.

Jeremiah 5:5

Tua ciangin a makaite uh kiangah pai-in ka hopih ding hi; amaute in TOPA lampi thei-in Pasian deihnate a thei takpi uh hi," ci-in ka ngaihsun hi. Ahi hangin amaute in kiciamna khat tawh hakkol sutanin, kikhihna khaute a sutat uh hi.

Jeremiah 5:6

Amaute hong lehdona lian lua-a, tam vei nungtolh mun lua ta uh ahi manin tulaka humpinelkai khat in amaute luh dinga, sehnel-gama keivom khat in susiagawpin a paikhia peuhpeuh a balzan dingin amau khuapi kiangah gialbem khat bokin a ngak ding hi.

Jeremiah 50:42

Thal le teipite tawh kithawi uh a, amaute giloin kuamah a lainat kei uh hi. Amaute sakol tungah tuang uh a, a huging uh tuipi hawk a bang hi; amaute gal kap dinga kithawisa mi bangin hong kuan uh a, Babylon Tanu aw, nang hong do ding uh ahi hi.

Jeremiah 6:23

Amaute in thal le teipi tawi uh a; gilo-in kuamah a lainat kei uh hi. Amaute sakol tungah tuang uh a, a huging uh tuipi hawk bang hi; Zion tanu aw, amaute nang hong sim dingin galkapte banga hong kuan uh ahi hi," ci hi.

Tamlawhna 1:19

"Ka pawlte ka sap hangin kei hong lehhek uh hi. Ka siampite le ka upate khuapi sunga a nuntak nading uh an a zonna lam uah a mangthang uh hi.

Tamlawhna 1:2

Zan ciangin nakpi in kap a, a biang tuakah khitui a luang hi. Ama itte khempeuh lakah a hehnem ding khat beek a om kei hi. A lawmte khempeuh in lehhek uh a, a gal suak uh hi.

Tamlawhna 2:1

cTopa in Zion Tanu a hehna meiipi in tuam tah! d Amah in Israel’ thupina van pan leitung a denna suk hi; a heh ni-in a khengakna a phawkkha kei hi.

Ezekiel 23:22

"Tua ahi ciangin Oholibah aw, hih in Thupipen TOPA gen ahi hi: Na lawmpate kih-a na nungngatsante tokbuai in nang langkhatah ka pangsak dinga mun khempeuh panin nang kong langpansak ding hi.

Ezekiel 23:9

"Tua ahi ciangin a it a lunggulh Assyria-te tungah tuanu kipia hi.

Daniel 9:11

Israel-te khempeuh in na thu hong mang nuam lo uh a, na thukhamte palsatin nang hong lehngatsan uh hi. "Tua ahi ciangin nang tungah kote mawh khin ka hi manun Pasian nasem Moses Thukham sunga kigelhsa hamsiatna le ciamsiatna thukhennate ko tungah hong kisung khin hi.

Daniel 9:13

Moses thukham sunga kigelhsa bang tektekin hih siatnate ko tungah hong tung napi ka mawhna uh kisikin TOPA kote Pasian kong zong tuan kei uh a, na thumaan ka thusim tuan kei lai uh hi.

Daniel 9:5

kote gamtakhialin ka mawh zo uh hi. Giloin kong lehdo uh hi; na thupiakte le na thukhamte ka lehngatsan ta uh hi.

Hosea 2:5

Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

Hosea 5:14

Ahang in, Ephraim adingin humpinelkai lianpi khat ka bang ding a, Judah adingin humpinelkai lianpi khat ka bang ding hi. Amaute balnenin ka paikhiamang ding hi; kuama hut lohin amaute ka puakhiamang ding hi;

Obadiah 1:7

Na kipawlpihte un, gamgi dong hong hawlkhia ding uh hi; na lawmte un hong khemin hong nopneh gawp ding uh hi. Na an uh a nete in note hong thangsiah ding uh a, b ahi hangin na mukhia zo kei ding uh hi.