Jeremiah 30:13 - Zokam International Version

¹³ Na thu uh hong panpih ding khatbeek om lo a, na meima dam nading om loin - na dam nading a om kei hi.

LAISIENGTHOU CL Bible (BSI)

¹³ Na tungtang thu gen ding mi koima a um sih a, na damna ding, damdawi a um sih hi.

Zo Bible

¹³ Na vai puo ding koima a om sih a, na hima adingin zatui om loin, na dam nading zong bangma a om sih hi.

Jeremiah 30:13 ပူးပေါင်းရင်းမြစ်များ

Job 34:29

Ahi hangin amah in bangmah hih ta kei leh kua in amah mawhpaih thei ding hiam? A maitang sel leh amah kua in mu thei ding ahi hiam?

Job 5:18

Ahang in, amah in a liamsak hangin a mahmah in a tuamsak hi; amah in liamsak a, a khutin a damsak hi.

Phatna-late 106:23

Tua hi-a amaute susia dinga a thangpaihna panin a heikhia ding ama teelpa Moses a mai-ah ding lo hileh - a mah in amaute ka susia ding hi, a cihsa ahi hi.

Phatna-late 142:4

Ka taklam en inla mu in kuamah in kei hong awlmawh lo uh hi. Belh nading ka nei kei a; kuamah in ka nuntakna a thusim kei hi.

Paikhiatna 15:26

Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

Isaiah 1:6

Na khepek nuai-a kipan na sipzang dong a damna mun om lo a - liamna sidup le meima naiphual bek omin kihah lo, kitun loin sathau lah a kinuh kei hi.

Isaiah 59:16

Amah in khat beek a om loh lam mu a, amau tanga ngetsak ding khat beek a muh loh ciangin lunghimawh a, ama khutin ama hotkhiatna semin, ama thumaanna in amah lenkip hi.

Jeremiah 14:19

Nang in Judah a nial kiuhkeuh mah na hi hiam? Zion a nolh mah na hi hiam? Bang hangin kote a kidamsak thei lo dingin hong hingimsak na hi hiam? Kilemna ka lamet uh hangin hoihna hong tung lo a, dam hun ka lamet uh hangin lauhuaina bek a om hi.

Jeremiah 17:14

TOPA aw, kong pahtawipa nang na hi manin, hong damsak in, tua hileh ka dam ding hi; hong honkhia in tua hileh ka suakta ding hi.

Jeremiah 30:17

Ahi zongin note, ‘Mi kipampaih, kuama donloh Zion hong kicih hangin, na ci uh kong damsak kik dinga, na liammate uh ka damsak ding hi,’ TOPA in cikhia hi.

Jeremiah 33:6

"‘Ahi zongin tua khua ah cidamna puakin ka damsak dinga; ka mite damsakin kilemna kicing nuamsa-in ka ngaihmuangsak ding hi.

Jeremiah 46:11

"Egypt Tanu Bit aw, Gilead ah paito inla zatui la in. Zatui tampi na zat hangin na dam tuan kei ding hi; nang dam nading a om kei hi.

Jeremiah 6:7

Tuikhuk panin tui a phulkhiat bangin tuanu sung panin gitlohna a phulkhia hi. Tuanu sungah ngongtatna le siatna kiza den a, a cinatna le a liammate ka mu den hi.

Jeremiah 8:22

Gilead ah zatui om lo ahi hiam? Tua lai-ah zato siam om lo ahi hiam? Bang hanga ka mite liamma dam thei lo ahi hiam?

Tamlawhna 2:13

Nang ading kei cih theih bang om ahi hiam? Jerusalem Tanu aw, nang bang tawh hong teh thei ding ka hi hiam? Zion Tanu Bit aw, nang kong hehnem theih nadingin bang tawh hong teh ding ka hi hiam? Na liamna lah tuipi zahin thuk hi. Kua in hong damsak thei ding hiam?

Ezekiel 22:30

"Keimah in gam ka suksiat loh nadingin kulh a lam zo ding, a gam tanga a kisap hun cianga a dingzo ding mi amaute lakah ka zon hangin khatbeek ka mu zo kei hi.

Ezekiel 30:21

"Mihing tapa aw, Egypt kumpipa Pharaoh’ ban langkhat ka kuaitan khin hi. Namsau tawi zo zah dinga khauh dingin a dam zawh nadingin kituamin kibawlsak lo hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Nahum 3:19

Na liamma-te bangmah in damsak thei lo a, na meimate adam zo lote ahi hi. Na kheltat denna a thuakkha lo kuamah om lo ahi manin na guallelhna a za peuhpeuh in a khut uh sialki in tum ding uh hi lo ahi hiam?

Thupiakkikna 32:39

"Tu-in en un, keimah in Amah ka hi hi! kei longal Pasian dang a om kei hi. Ka that-a, ka nungtasak hi, ka liamsaka, ka damsak ding hi; ka khut panin kuamah in a hukhia thei kei hi.

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

1 John 2:1

Kong it ka tate aw, na mawh loh nadingun hih thu kong gelh hi. Ahi hangin mi khatpeuh in mawhna a bawl khak leh eite hong guma Pa kiangah hong gensak ding mi khat - Thumaan Pa Jesu Christ i nei hi.