Jeremiah 30:11 - Zokam International Version

¹¹ Nang kong ompih hi, kong hon ding hi,’ TOPA in cikhia hi. Amaute lakah kong thehthangna minamte ka suksiatmang hangin nang kong susiamang kei ding hi. Thutang bekbek tawh nang kong sek dinga; dan pia loin lah kong mawk koih kei ding hi.

LAISIENGTHOU CL Bible (BSI)

¹¹ Aziehpen nang hing hundam dingin, na kung ah ka hing umpi hi, Mangpa’n achi hi. Ka hing thethang na namte zousie subei sieng nanleng, nang pen ka hing subei kilkel sih ding hi; dihna toh nang ka hing sudih ding a, gawtlou in ka hing koi sih ding hi.

Zo Bible

¹¹ Azieh pen kang hutdam thei nadingin nang tawh kang omton hi, Topa in ci hi; amate lahah nang kang thethangna minam zosie ka susie ding a, ahi vangin keima in nangma kang susie sih ding hi. A kituoh bep khatin thu kang hil ding a, dan pieh loin lah kang mawh koi sih ding hi.

Jeremiah 30:11 ပူးပေါင်းရင်းမြစ်များ

2 Samuel 24:12

"David kiangah pai inla, ‘Hih in TOPA gen ahi hi: Na teel ding thum kong pia hi. Nang tunga kong tunsak ding khat teel in,’ ci in," a ci hi.

Phatna-late 6:1

TOPA aw, hehsa in hong taihilh kei inla, thangpaisa in zong hong sek kei in.

Paikhiatna 34:7

a tul tampite a it pa, gitlohna, langdona le mawhna a maisakpa ahi hi. Tua hi napi amah in mawhna a bawlte dan tuaksak loin a om kei hi. Amah in pate mawhna tate tung le amaute tate tung, khang thum khang lina dongin dan a tuaksak hi," ci-in a tangko hi.

Isaiah 43:25

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

Isaiah 8:10

Thu vaihawm un, a mawkna hi lel ding hi; geelgeel un, na geelna uh a kip kei ding hi; ahang in, kote tawh Pasian om khawm hi. j

Jeremiah 1:19

Nang hong sim ding uh a, nang hong ompihin hong hu ding ka hi manin amaute in hong zo kei ding uh hi," TOPA in cikhia hi.

Jeremiah 1:8

Amaute kihta kei in, nang kong ompih dinga kong hu ding hi," TOPA in cikhia hi.

Jeremiah 10:24

TOPA, kei hong bawlpha in, thutangin hong bawl inla - hehsa-in hong puahpha kei in, heh lecin bangmah lo ka suak ding hi.

Jeremiah 15:20

Keimah in hih mite adingin kulh, khuapi umna sumngo kulh kong suaksak ding hi; nang hong hu-in hong suaktasak dingin hong ompih ka hi manin amaute in nang hong do uh hangin hong zozo lo ding uh hi," TOPA in cikhia hi.

Jeremiah 4:27

TOPA gen hih ahi hi: "Gambuppi kisia dinga, ahi zongin ka susia khin sam kei ding hi.

Jeremiah 5:10

"Tuanu’ lenggui lote ah pai-in siasak inla ahi hangin susiamang sam kei in. Hih mite TOPA tawh kisai lo uh ahi manin tuanu’ hiangte heuhkhiatsak in.

Jeremiah 5:18

TOPA in kong cihinah, "Tua hi napi tua ni ciangin note kong susiamang khin kei ding hi.

Tamlawhna 3:22

TOPA hong khuatuahnate bei ngei lo ahimanin a lian mahmah hong itna hangin eite i kangtum kei hi.

Ezekiel 11:13

Mailam thupiang ding ka gengen laitakin Benaiah tapa Pelatiah a si hi. Tua ciangin khupbawk sukin, "Kalasai, Thupipen TOPA! Israel a baanglaite susia khin ding na hi hiam?" ci-in nakpi-in ka kiko hi.

Ezekiel 6:8

"‘Ahi hangin gamte le minam dangte lakah na kithehthang uh ciangin namsau panin pawlkhat ka hawi nadingin pawlkhat a suakta ding uh hi.

Hosea 11:9

Ka hehluatna ka tungsak nawn kei dinga, Ephraim zong ka sumaimang kik nawn kei ding hi. Keimah mihing hi loin Pasian ka hi a - note laka om Siangtho Pa ka hi hi. Thangpaisa c in kong pai kei ding hi.

Siampi Laibu 26:44

Tua hi napi in amaute in a galte uh leitanga a om sung nangawnun amaute susiamang ding zahin amaute nial lo kih loin amaute tawh ka thukhun ka pelh kei hi. Keimah TOPA amaute Pasian ka hi hi.

Matthew 1:23

"Tua nungak bit gaii-in tapa khat nei dinga, ama min Immanuel kici ding hi" c a khiatna in, "Eite tawh Pasian om khawm" cihna ahi hi.

Matthew 28:20

kong thupiak khempeuh a zuih nadingun na hilh un. Khanghun a bei tektek dong a tawntungin note kong ompih taktak ding hi," a ci hi.

Nasepte 18:10

Nang tawh omkawm ka hi manin kuamah in nang hong doin hong liamsuah lo ding hi. Bang hang hiam cih leh hih khuapi sungah mi tampi ka nei hi," a ci hi.

Thupiakkikna 4:31

Bang hang hiam cih leh TOPA note Pasian in mi a lainat Pasian ahi manin amah in note hong nusia lo dinga hong susia loin kiciamna tawh a kipsak uh, na pute uh tawh a thukhun a mangngilh kei ding hi.

2 Timothy 4:22

Topa in na kha hong ompih ta hen. Hehpihna in nang hong ompih ta hen.