Jeremiah 3:25 - Zokam International Version

²⁵ Maizumin lumcip ni, i maizumna-in kikhuh ni. Eite le i pate i nih in TOPA i Pasian tungah i mawh khin zo hi; i neu tunga kipan tuni dong TOPA eite Pasian thu i mang kei hi," a ci uh hi.

LAISIENGTHOU CL Bible (BSI)

²⁵ Zum sasa in tuol ah ilumsuh ua, izalatna un ahing khuta hi; eite leh ipu ipate un ikhangdawn lai ua kipat, tuni dong in Mangpa i Pasian uh tungah ikhielta ua, Mangpa i Pasian aw ina zuita sih uhi.”

Zo Bible

²⁵ Maizumin lumin mindaina in kituomsah vai. Azieh pen i khangdawn lai-a kipan tuni dongin Topa i Pasien tungah eihaw le i pu i pate i maw zo ta vua, Topa i Pasien uh’ thu i na mang ta sih uhi,” a ci uhi.

Jeremiah 3:25 ပူးပေါင်းရင်းမြစ်များ

Phatna-late 106:6

Ka pate uh mawhnate nangawnin ka mawh uh a; kote khialin ka gitloh gamtat khin uh hi.

Phatna-late 106:7

Ka pate uh Egypt ah a om lai-un, nangma nalamdang bawlte ngaihsun lo uh a; na migitna tampite phawkkha loin tuipi gei, tua San Tuipi c gei-ah a lehdo uh hi.

Phatna-late 109:29

Kei hong mawhsakte maimawlna kisilhsakin puantualpi silh bangin maizumna in a tuam ding hi.

Paunakte 13:18

Sektatna a awlmawh lo mi tungah zawnna le maizumna tunga, puahphat ding a thudon peuhmah kipahtawi hi.

Paunakte 5:13

Ka siate thu ka mang kei-a, lam hong lakte thu ka ngai kei hi.

Isaiah 48:8

Na za ngei nai kei uh a zong na theitel ngei nai kei uh hi; khanglui hun lai-in na bil uh a kihong kei hi. Mi muantak na hi lo lam uh kong thei a; na suah tungua kipan lehdote hong kici hi.

Isaiah 50:11

Ahi zongin tu-in, nomau mei vakin nomau meikuang a kidette aw, nomau tawhkuangsa mei - nomau meitang mahah pai-in kalsuan un. Ka khut pana na ngah ding uh hih ahi hi: Gawtna thuakin na lumsuk ding uh hi.

Jeremiah 11:13

Judah aw, nang in khuapi na neih zahzah pasian na nei a; Jerusalem kongzing pha zahzah a zumhuai Baal pasian biakna hal nadingin biakna-tau na dawh hi.

Jeremiah 12:13

Amaute in mangbuh a vawh uh hangin lingkungte at ding uh a; amaute a hahkat luat uh hangin bangmah a lawhtak kei ding uh hi. Tua ciangin TOPA hehluatna hangin maizumna bek na kaikhawm ding uh hi," a ci hi.

Jeremiah 14:20

TOPA aw, kote in ka gitlohna uh le ka pate uh khialhna ka thei uh a; nang tungah a mawh taktak mah ka hi uh hi.

Jeremiah 14:7

TOPA aw, ka mawhnate un kote langah teci a pang ta zongin nangma min hangin bang khatpeuh hong hihsak in. Ahang in, kote nungtolhna lian mahmah a, nang tungah kong mawh khin ta uh hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 2:2

"Pai inla Jerusalem-te zakin va tangko in: "Na khangno lai-a nong kipiakna, mothak banga kei nong itna, sehnel-gam kantan le gamtaak sunga nong zuihnate ka phawk hi.

Jeremiah 2:26

"Guta khat a kimat cianga a zum bangin Israel innkuan - amaute, a kumpite uh, a uliante uh, a siampite uh le a kamsangte uh a zum ding uh hi.

Jeremiah 20:18

Bang hangin lungkhamna le dahna mu ding le maizumsa-a si dingin ka nu gil pan suakkhia laizang ka hi hiam?

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 31:19

Ka lampial nungin ka kisik hi; ka theihtel nungin ka awm ka tum hi. Ka neu lai-a ka maimawlna teng thuak ka hi manin ka maizumin ka maimawl hi.

Jeremiah 6:26

Ka mite aw, ippi puan silh unla vut lakah kikhuk un; i tungah thakhatin siatna hong tung ding ahi manin tapa neihsun kah bangin thum unla kah cihtakin kap un.

Jeremiah 7:19

Ahi hangin a hehsakpa uh kei ka hi hiam?" TOPA in cikhia hi. Amaute maizum nadingin amau le amau a kiliamsuah uh hizaw lo ahi hiam?

Jeremiah 8:14

"Bang hangin hih lai-ah tu lailai i hi hiam? I vekin kikaikhawm dih ni! Kulh-a ki-um khuapite ah tai-in tua lai-ah va si mai ni! Ahang in, TOPA eite Pasian in a si dingin hong koih a, i dawn ding gutui hong pia khin hi, tua pen ama tungah i mawh hang ahi hi.

Jeremiah 9:18

Amaute kinawhsak unla i mitte ah khitui dimletin, i mitkhu panin tui a phul matengin eite hong kah uh hen.

Tamlawhna 5:16

Ka kumpi lukhu uh ka lu panun kiakhia ta hi. Mawh khin ka hi manun gimna ka thuak uh hi!

Tamlawhna 5:7

Ka pate un mawhna bawlin amaute lah om nawn lo uh a, amaute thuak ding dan kote in ka thuak uh hi.

Ezekiel 2:3

Amah in, "Mihing tapa aw, kei hong lehdo sa, hong lehdo minam Israel-te kiangah nang kong sawl hi; tuni mahmah ciang dong amaute le a pate un kei hong lehdo lai uh hi.

Ezekiel 36:32

Keimah in note kong khualna-a ka hih loh ahilam na theih ding uh ka deih hi, Thupipen TOPA in cikhia hi. Israel innkuante aw, maizum unla na gamtatnasate uh hangin maimawl un!

Ezekiel 44:13

Amaute siampi nasem ding ahi a, a siangtho nate khatpeuh kiang nai-ah hong pai ding ahi a, ka biakna siangtho pente tawh ahi zongin kei kiangah hong pai kei ding uh hi; amaute kihhuai gamtatnasate uh hangin a maizum ding uh hi.

Ezekiel 7:18

Amaute puanhampi silhin launa-in a kituam ding uh hi. A sam uh kimettolsak dinga, maizum mahmah ding uh hi.

Daniel 12:2

Leitang vui lakah a ihmu mi tampi khanglo ding uh a: pawlkhatte a tawntung nuntakna ah, adangte maizumna le a tawntung kisimmawhna thuakin a tho ding uh hi.

Hosea 9:10

"Israel ka muh ciangin sehnel-gama kimu lengguite tawh kibang hi; na pate ka muh ciangin theikunga a gah masa muh tawh kibang hi. Ahi hangin amaute Baal Peor ah a pai uh ciangin a zumhuai tua milim ah ki-ap uh a, amaute in a iplah uh na bangin a siahuai uh hi.

Zephaniah 1:17

Mite tungah lungdonna ka tungsak dinga, amaute mittaw lampai bang ding uh hi, bang hang hiam cih leh amaute TOPA tungah a mawh zo uh hi. A sisante uh leivui bangin kisungkhia dinga, a gilzangte uh nin kihhuai a bang ding hi.

Rome-te 6:21

Tua hun laitakin tu laitaka na maizumpih uh nate panin bang phat tuamna gah at na hi uh hiam? Tua nate in sihna a tun hi.

Thukhente 2:2

note in hih gama teng mite tawh thukhun na bawl kei ding uh hi, ahi hangin amau biakna-taute na phelgawp ding uh hi,’ kong ci hi. Tua hi napi no lah ka thu nong mang kei uh hi. Bang hangin hici gamtat na hi uh hiam?