Jeremiah 3:18 - Zokam International Version

¹⁸ Tua ni ciangin Judah innkuante in Israel innkuante zom ding uh a, a nih un na luah dingun na pate uh tunga ka piaksa gam ah leilu-lam gam panin a paikhawm ding uh hi.

LAISIENGTHOU CL Bible (BSI)

¹⁸ Tua ni chiengin Juda innkuonte khu Israel innkuonte toh a umkhawmta ding ua, mallam gam akipat in napu napate uh kunga, agoutan ding ua ka piehsa gam ah ahing peikhawm ding uhi.

Zo Bible

¹⁸ Tuami ni ciengin Judah innkuonte in Israel innkuonte a pawl ding vua, leilu lam panin na pu na pate’ gouluo dinga ka na piehsa gamah a peiton ding uhi.

Jeremiah 3:18 ပူးပေါင်းရင်းမြစ်များ

Piancilna 12:7

Abram kiangah TOPA kilanga, "Nang suante a tungah hih gam ka pia ding hi," a ci hi. Tua ciangin amah in ama tunga kilang TOPA ading biakna-tau khat dawh hi.

Isaiah 43:5

Hong ompih ka hi manin lau kei in; nisuahna panin na tate kong puak dinga, nitumna panin nang kong kaikhawm ding hi.

Isaiah 43:6

Leilu-lam kiangah, ‘Amaute piakhia un,’ ci in, leitaw-lam kiangah, ‘Amaute lehkaih kei un,’ ka ci ding hi. Gamlapi panin ka tapate, leimongte panin ka tanute -

Jeremiah 16:15

‘Israel mite leilu lam pan le eite hong hawlkhiatna gam khempeuh panin hong paikhiatpih TOPA nuntakna lo-in,’ ci-in a kiciam hun uh hong tung ding hi,’ ci hi. Ahang in, a pute uh ka piaksa gamah amaute ka pi kik ding hi.

Jeremiah 23:8

ahi hangin amaute in, ‘Gam leilu lam le amaute a hawlkhiatna gamte khempeuh panin Israel suante a paikhiatpih TOPA nuntakna lo-in,’ a cih ding hun hong tung ding hi. Tua ciangin amaute amau gamah teng ta ding uh hi," a ci hi.

Jeremiah 3:12

Pai inla leilu lamah hih thupuak tangko in: "‘A muantak lo Israel aw, hong kileh kik in,’ TOPA in cikhia hi. ‘Lainat siampa ka hi manin kong talgawmsan nawn kei ding hi,’ TOPA in cikhia hi. Ka heh tawntung kei ding hi.

Jeremiah 30:3

TOPA in kong cih inah: Ka mi Israel le Judah, a saltanna a panun ka lakhia kik dinga a pute uh neih dinga ka piaksa gamah ka tut kik hun a tung ding hi,’ TOPA in ci hi," a ci hi.

Jeremiah 31:8

En un, leilulam panin kongpuak dinga, lei mongte panin kong kailkawm ding hi. Amaute lakah mittaw le khebaite, nupi gai lai le numei nausuak kuante kihel ding uh hi; mihon tampi hong ciah kik ding uh hi.

Jeremiah 50:20

Tua ni le tua hun ciangin ka hawi lai, a baanglaite a mawhna uh maisak ta ding ka hi manin Israel mawhna a kizon hangin bangmah kimu lo dinga, Judah mawhnate a kizon hangin bangmah a kimu kei ding hi. TOPA in cikhia hi.

Jeremiah 50:4

"Tua ni tua hun ciangin Israel mite le Judah mite in khitui tawh TOPA amaute Pasian a zong khawm ding uh hi," TOPA in cikhia hi.

Jeremiah 50:5

Amaute in Zion lam nga-in tua lai zuatna lampi a dong ding uh hi. Amaute in a kimangngilh ngei lo ding tawntung thukhun tawh TOPA kiang zuanin kipawlkhawm ding uh hi.

Jeremiah 7:7

na pute uh tungah a neih tawntung dingun ka piaksa hih gam sung, hih mun kong tungsak ding hi.

Ezekiel 11:17

"Tua ahi ciangin: ‘Hih in Thupipen TOPA gen ahi hi: Minamte panin kong kaikhawm dinga, Israel gam kong pia kik ding hi, ci hi,’ ci-in gen in.

Hosea 1:11

Judah mite le Israel mite kigawm kik ding uh a, amaute makai khat kisehin amau gam panin paikhia to ding uh ahi manin tua ni Jezreel ni lianpi ni hi ding hi.

Hosea 11:12

Ephraim in zuauthu tawh kei hong umcih a, Israel innkuan in khemna tawh hong umcih hi. Tuateh Judah pen Pasian lang leh a muanhuai, a Siangtho Pa lang nangawn ah a ki-uk thei kei hi.

Hosea 2:2

"Na nu ka zi hilo a, keimah a pasal hi lo ka hi manin na nu tai inla, amah tai in. A maitang panin a kizuak mithah le, a nawite gel kikala a muanhuai lohna paikhia hen.

Amos 9:15

Amaute ka piaksa leitang panin a kibulkalh ngei nawn lo ding Israel-te amau leitangah ka suan ding hi," TOPA note Pasian in ci hi.

Zechariah 10:6

Judah innkuante ka thakhauhsak dinga Joseph innkuante ka honkhia ding hi. Amaute khuatuah ka hi manin a ngei uh ka bangsak kik ding hi. Keimah amaute Pasian TOPA ka hi manin ka nial ngei loh bang ka hi ding a, amaute ngetna ka dawng ding hi.

Zechariah 2:6

TOPA in, "Hong pai ou! Hong pai ou! Leilu-lam gam panin tai ou,’ ci hi. Ahang in, note, vantung huih lite lakah kong thehthang zo hi," TOPA in cikhia hi.