Jeremiah 3:14 - Zokam International Version

¹⁴ Keimah na pasal ka hi hi. A muantak lo Israel aw, hong ciah kik in," TOPA in cikhia hi. "Khuapi simah khatta kong teel dinga, bawng’ simah nihta hong teelin Zion ah kong puak ding hi.

LAISIENGTHOU CL Bible (BSI)

¹⁴ Hing kinuale un Aw nuatol tate, Mangpa’n achi hi. Aziehpen nang ka hing kitenpita a, noute lah akipat, khopi a mi khat, innkuon khat akipat mi ni, ka la dinga, Zion ah kang tut ding hi.

Zo Bible

¹⁴ A zulzau ka tate aw, hing kilekia un, azieh pen kei nohaw’ pupa ka hi hi, Topa in ci hi; keima in khuopi khat pan mi khat, innkuon khat pan mi ni kang la ding a, Zion ah kang peipi ding hi.

Jeremiah 3:14 ပူးပေါင်းရင်းမြစ်များ

2 Khangthute 30:6

Kumpipa thupiakna tawh, laitaite in kumpipa le a uliante tung pana laikhakte; Israel le Judah buppi-ah paipih kawikawi uh a, tua laite sungah: "Israel mite aw, Assyria kumpite khut sung pana note hong suaktasakpa, TOPA Abraham, Isaac le Israel Pasian, hong kinusia note lamah hong kihei theih nadingin ama lamah kihei kik un.

Isaiah 1:9

Thahatpen TOPA in eite tawmno khat hong sit lo hileh Sodom tawh kibang khinin Gomorrah tawh i kibang khin ding hi.

Isaiah 10:22

Israel aw, na mite tuipi gei-a sehnel a bang zongin a baanglaite bek hong kileh kik ding uh hi. A husia leh a thumaan siatna a tun nadingin kikhensat khin zo hi.

Isaiah 17:6

Tua hinapi, olive kung a kisat ciangin a hiang paipi dawnah olive nih le thum a kihawi bangin a gahpha ansang vui li vui nga a om lai ding hi," TOPA, Israel-te Pasian in cikhia hi.

Isaiah 27:12

Israel-te aw, tuani ciangin TOPA in Euphrates c - luanglai panin Egypt Luipi - dong hong cilkhia in khatkhatin hong khawm ding hi.

Isaiah 31:6

Nakpi taka a lehdo Israel mite aw, ama kiangah kileh kik un.

Isaiah 44:22

Keimah in thupalsatnate meii bangin ka phiatmang khin a, na mawhnate zingsang meiilum bangin ka thengsak zo hi. Nang kong tankhia khin hi, hong ciah ta in," a ci hi.

Isaiah 54:5

Ahang in, nang hong Bawlpa na pasal hi a - ama min Thahatpen TOPA ahi hi - Israel-te Siangtho Pa nang hong Tanpa hi a; amah leitung khempeuh’ Pasian kici hi.

Isaiah 55:7

Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

Isaiah 57:17

Ama huaiham mawhna hangin ka heh lua-a; amah dan thuaksakin hehin ka lehngatsan hangin, ama nopsak bangin a gamta veve hi.

Isaiah 6:13

Tua gamah mi sawm-ah khat a omlai zongin a kisusia kik lai ding hi. Ahi hangin nahhi le tawsaw kungte a kiphuk khitin a bulsum a om niloh bangin tua gamah khaici siangtho bul om niloh ding hi," hong ci hi.

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 2:2

"Pai inla Jerusalem-te zakin va tangko in: "Na khangno lai-a nong kipiakna, mothak banga kei nong itna, sehnel-gam kantan le gamtaak sunga nong zuihnate ka phawk hi.

Jeremiah 23:3

Ka tuuhon a baanglaite ka hawlkhiatna gamte panin ka kaikhawm dinga, amaute gahpha in a khan nading uh amau lonona munah ka puak kik ding hi.

Jeremiah 29:14

Note in kei nong mu ding uh a, na saltanna panun kong puak kik ding hi," bTOPA in cikhia hi. "Sal-a kong hawlkhiatna minamte le munte khempeuh panin kong kaikhawm kik ding hi," TOPA in cikhia a, "Sal-a kong puakkhiatna mun mah ah kong puak kik ding hi," a ci hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 3:12

Pai inla leilu lamah hih thupuak tangko in: "‘A muantak lo Israel aw, hong kileh kik in,’ TOPA in cikhia hi. ‘Lainat siampa ka hi manin kong talgawmsan nawn kei ding hi,’ TOPA in cikhia hi. Ka heh tawntung kei ding hi.

Jeremiah 3:8

Ama angkawmnate hangin a muanhuai lo Israel makna laipi ka pia a, ka hawlkhia hi. Tua hi napi a muanhuai lo a sanggamnu Judah lau lo lailai a; amah zong kuankhia-in a angkawm hi.

Jeremiah 31:12

Amaute hong pai ding uh a, Zion asannate tungah lungnuamin kiko ding uh hi; amaute TOPA nopsakna - buh, zuthak le sathau, tuuno, bawngnote hangin nuam a sa ding uh hi. Amaute hoihtakin tui kibuak huan tawh kibang ding uh a, a dah kik nawn kei ding uh hi.

Jeremiah 31:32

Tua ciangin a pu a pate a khutuah lenin Egypt panin ka paikhiatpih lai-a amaute tawh ka bawl thukhun bang ahi kei ding hi; bang hang hiam cih leh amaute c pasal d ka hih hangin ka thukhun a palsat uh hi," TOPA in cikhia hi.

Jeremiah 31:6

Ephraim mualte tungpan in galvilte in, ‘Hong pai un eite Pasian, TOPA kiang Zion ah paito ni,’ ci-a a kiko hun uh hong tung ding hi," a ci hi.

Hosea 5:15

Tua ciangin amaute in a khialhna uh mawh a kisak matengun ka omna munah ka pai kik ding hi; Tuateh amaute in ka maitang hong zong ding uh hi; a gentheihna uah citakin kei hong zong ding uh hi," a ci hi.

Zechariah 1:4

Na pu na pate uh bang kei un; kamsang masate in amaute tungah tangko uh a, Hih in Thahatpen TOPA gen ahi hi: ‘Na gitlohna uh le na gitloh gamtatna panin kihei un,’ ci hi. Ahi hangin amaute in a thu ngai loin, kei hong thusim lo uh hi, TOPA in cikhia hi.

Rome-te 9:27

Israel tawh kisai-in Isaiah in: "Israel mite tuipi gei-a sehnel zahin a tam uh hangin a baanglaite bek kihonkhia ding hi.