Jeremiah 3:12 - Zokam International Version

¹² Pai inla leilu lamah hih thupuak tangko in: "‘A muantak lo Israel aw, hong kileh kik in,’ TOPA in cikhia hi. ‘Lainat siampa ka hi manin kong talgawmsan nawn kei ding hi,’ TOPA in cikhia hi. Ka heh tawntung kei ding hi.

LAISIENGTHOU CL Bible (BSI)

¹² Pei inlen tam thute mallam ah va phuongzah in: Nang nuatol Israel hing kinualekia in, Mangpa’n achi hi, Kei khotuona adim ka hi ziehin na tung ah, ka lungthahna ka tungsah sih ding hi, Mangpa’n achi hi, tualeh na tungah kumtawn in ka lungthah den sih ding hi.

Zo Bible

¹² Pei inlen tami kammalte leilu lamah va tangko in: A zulzau Israel aw, hing kilekia in, Topa in ci hi. Kei mi khuotuo thei pa ka hi ziehin lungthahna tawh kang en sih ding a, zong ka lung a thah zing sih ding hi, Topa in ci hi.

Jeremiah 3:12 ပူးပေါင်းရင်းမြစ်များ

Piancilna 4:7

A maan hih lecin nang hong kisang lo ding ahi hiam? Ahi hangin a maan na hih kei leh na kongbiangah mawhna in hong buk khinkhian hi; nang zawh hong sawm hi, ahi hangin nang na zawhgawp ding ahi hi," ci hi.

2 Kumpite 15:29

Israel kumpi Pekah hun sungin Assyria kumpipa Tiglath-Pileser pai-in Ijon, Abel Beth Maacah, Janoah, Kedesh le Hazor a la hi. Amah in Gilead le Galilee - Naphtali gam khempeuh la a - a mite Assyria ah a nawhkhia hi.

2 Kumpite 17:23

TOPA in a nasem kamsangte khempeuh tawnin a vauhilhsa bangin ama ompihna panin a hepkhiat mateng a tuaci gamtat uh hi. Tua ahi ciangin Israel mite amau gam leitang panin Assyria ah salin kikai-a, amaute tua lai-ah a om lai uh hi.

2 Kumpite 17:6

Hoshea a kum kuana kumin Assyria kumpipa in Samaria la zo a, Israel-te Assyria ah a nawhkhia hi. Amaute Halah, Habor Gunpi tunga Gozan le Medes khuapite ah a tengsak hi.

2 Kumpite 18:1

Israel kumpi Elah tapa Hoshea a kum thumna kumin Judah kumpi Ahaz tapa Hezekiah in uk ding a kipan hi.

2 Khangthute 29:10

Tu-in ama hehluatna eite tung pan a ven theih nadingin TOPA Israel Pasian tawh thukhun bawl ka sawm hi.

2 Khangthute 30:9

TOPA note Pasian hehpih siamin khuatuah thei ahi manin TOPA lamah na kihei uh leh na sanggampate uh le na tate uh a mante in khuatuah ding uh a, hih gamah hong kileh kik ding uh hi. Ama lamah na kihei uh leh amah in hong lehngatsan kei ding hi," ci-in kigelh hi.

Phatna-late 103:17

Ahi hangin TOPA itna ahileh amah a kihtate tungah tawntung panin a tawntung dongin kipden a, ama thumaanna amau tate’ tate tawh a om hi -

Phatna-late 103:8

TOPA in mi khuatuah siamin hehpih siama, heh baih loin a dimlet itna a nei hi.

Phatna-late 103:9

Amah in eite hong mawhsak den lo dinga, a hehna hong nga tawntung kei ding hi;

Phatna-late 145:8

TOPA in mi hehpih siamin khuatuah nuam a, heh hakin itna a hau hi.

Phatna-late 79:5

TOPA aw, bang tanvei sawt lai ding hiam? Nang heh den ding na hi hiam? Na hazatna bang tanvei mei bangin kuang lai ding hiam?

Phatna-late 86:15

Ahi hangin Topa aw, nang a khuatuah thei le a hehpih siam, heh baih loin, itna le muanhuaina dim Pasian na hi hi.

Phatna-late 86:5

Topa aw, nang hoihin mawhna na maisak a, nang hong samte khempeuh tungah itna kicing na nei hi.

Paunakte 28:13

A mawhnate a impa daupai lo a, pulaaka a tawpsan peuhmah ahileh kilainat hi.

Isaiah 31:6

Nakpi taka a lehdo Israel mite aw, ama kiangah kileh kik un.

Isaiah 44:22

Keimah in thupalsatnate meii bangin ka phiatmang khin a, na mawhnate zingsang meiilum bangin ka thengsak zo hi. Nang kong tankhia khin hi, hong ciah ta in," a ci hi.

Jeremiah 11:6

TOPA in kei kiangah, "Hih thu khempeuh Judah khuapite le Jerusalem kongzingte ah tangko inla: ‘Thukhun thute ngai unla zui un.

Jeremiah 12:15

Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi.

Jeremiah 23:8

ahi hangin amaute in, ‘Gam leilu lam le amaute a hawlkhiatna gamte khempeuh panin Israel suante a paikhiatpih TOPA nuntakna lo-in,’ a cih ding hun hong tung ding hi. Tua ciangin amaute amau gamah teng ta ding uh hi," a ci hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 3:14

Keimah na pasal ka hi hi. A muantak lo Israel aw, hong ciah kik in," TOPA in cikhia hi. "Khuapi simah khatta kong teel dinga, bawng’ simah nihta hong teelin Zion ah kong puak ding hi.

Jeremiah 3:18

Tua ni ciangin Judah innkuante in Israel innkuante zom ding uh a, a nih un na luah dingun na pate uh tunga ka piaksa gam ah leilu-lam gam panin a paikhawm ding uh hi.

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 3:5

heh denden ding na hi hiam? Na thangpaihna zom den keii ding na hi hiam?’ nong ci hi. Hih bangin pau napi na hih theih gitlohna khempeuh na sem hi," a ci hi.

Jeremiah 3:7

Hihte khempeuh a sep khit ciangin kei lamah hong kihei kik inteh ci-a ka ngaihsut hangin hong kihei kik lo a, a muanhuai lo a sanggamnu Judah in a mu hi.

Jeremiah 30:11

Nang kong ompih hi, kong hon ding hi,’ TOPA in cikhia hi. Amaute lakah kong thehthangna minamte ka suksiatmang hangin nang kong susiamang kei ding hi. Thutang bekbek tawh nang kong sek dinga; dan pia loin lah kong mawk koih kei ding hi.

Jeremiah 31:20

Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

Jeremiah 31:21

"Lamlahnate phut inla; lamlak khuamte posak in. Na va paina lam lianpi ciamteh in. Nungakbit Israel aw, hong ciah kik in; na khuapite ah hong ciah kik in.

Jeremiah 31:8

En un, leilulam panin kongpuak dinga, lei mongte panin kong kailkawm ding hi. Amaute lakah mittaw le khebaite, nupi gai lai le numei nausuak kuante kihel ding uh hi; mihon tampi hong ciah kik ding uh hi.

Jeremiah 33:26

ka nasem Jacob le David suan le khakte ka nial dinga, Abraham Isaac le Jacob suante a uk dingin a tapate lakah khat ka teel kei ding hi. Ahang in, a mailam hun b uh a ngei ka bangsak dinga, amaute ka khuatuah ding hi,’ ci hi," a ci hi.

Jeremiah 4:1

"Israel aw, nong kileh kik leh, kei kiangah hong kileh in," TOPA in cikhia hi. "Ka muhna panin a kihhuai na milimte uh hemmang-in gammang nawn lo-a,

Tamlawhna 3:22

TOPA hong khuatuahnate bei ngei lo ahimanin a lian mahmah hong itna hangin eite i kangtum kei hi.

Ezekiel 11:17

"Tua ahi ciangin: ‘Hih in Thupipen TOPA gen ahi hi: Minamte panin kong kaikhawm dinga, Israel gam kong pia kik ding hi, ci hi,’ ci-in gen in.

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.

Ezekiel 39:25

"Tua ahi ciangin hih in Thupipen TOPA gen ahi hi: Keimah in Jacob a saltanna a panin ka paikhiatpih dinga Israel mite khempeuh khuatuahin ka min siangtho ka aam ding hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Siampi Laibu 26:40

"‘Ahi hangin amaute in amau mawhna le a pate uh mawhnate a pulak uh leh - amaute, kei langah a zuautatnate uh, kei langa hong langneihnate uh -

Zechariah 1:4

Na pu na pate uh bang kei un; kamsang masate in amaute tungah tangko uh a, Hih in Thahatpen TOPA gen ahi hi: ‘Na gitlohna uh le na gitloh gamtatna panin kihei un,’ ci hi. Ahi hangin amaute in a thu ngai loin, kei hong thusim lo uh hi, TOPA in cikhia hi.

Thupiakkikna 30:2

note le na tate un TOPA lam zuan kik-a, tuni-a kong thupiakna tawh kizui-in na khempeuh ah na lungsim khempeuh uh le na hinna khempeuh uh tawh ama thu na man uh leh,