Jeremiah 3:1 - Zokam International Version

¹ "Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

LAISIENGTHOU CL Bible (BSI)

¹ “Amaun pasal khat in azi khul henlen, azi in ama nuasiein pasal dangtoh vakiteng taleh, tua pasal in azi anua nei thei kia diei mah? Tua gam khu, nasatah a kibuasah gawp sieng hitalou ding amah? Hinanleh na kingaipi tampite a dingin, kizua bangin na um a, tuabang hinapiin zong ka kungah na hing kile kia hi, Mangpa’n achi hi.

Zo Bible

¹ Pasal khat in a zi khul hinlen ama kung panin tua nu pei-in midang khat’ zi va hi taleh, ama tua nu kungah a peikia diei mah? Khum gam nahpi tahin bua ta lo ding amah? Kingaipi tampite tawh na pahtat zaw ciengin ka kung nang kilekia diei mah, Topa in ci hi.

Jeremiah 3:1 ပူးပေါင်းရင်းမြစ်များ

Phatna-late 106:38

Amaute in mawhpengsisan luangsakin a tanu a tapate uh sisan Canaan milimte tungah biakna-in pia uh a, amaute sisan in tua gam buahsak hi.

Isaiah 24:5

Leitung, a mite in ninsak a, amaute in thukham mang loin ngeina-kipte zui lo uh a, tawntung thukhun a palsat uh hi.

Jeremiah 2:20

"Sawtpek lai-in na hakkol na kuaitan a, hong kihenna khaute bottatin, ‘Nang na ka sem kei ding hi,’" na ci hi. Hi takpi hi, mualsang tung teng le singlian nuai tengah numei kizuakte bangin na lum kawikawi uh hi.

Jeremiah 2:23

"Bangci in, ‘Ka kihhuai kei hi; Baal nung ka delh kei hi,’ ci thei na hi hiam? Kuam sunga na gamtatnate en in; na sepsa ngaihsun pha in. Nang, a kawi taitai kala-oh nu na banga,

Jeremiah 2:7

A gah le a sunga piangte na nek theih nadingun lei hoihna munah note kong puak hi. Ahi hangin note nong pai uh a, ka leitang ninsakin gouluahna a kihhuai na suaksak uh hi.

Jeremiah 22:20

"Lebanon ah paito unla kiko khia un, Bashan ah na aw uh kizasak un; na pawlte khempeuh uh kizogawp ahi manin Abarim panin kiko un.

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 3:9

Israel adingin a bawl mawhna neucik tawh a kibat hangin, amah in leitang ninsaka, singtawng le suangtum tawh a angkawm hi.

Jeremiah 31:22

A muanhuai lo tanu aw, bang tanvei vakvak lai ding na hi hiam? TOPA in leitungah na thak khat piangsak ding a - numei khat in pasal khat a umcih ding hi," a a ci hi.

Jeremiah 4:1

"Israel aw, nong kileh kik leh, kei kiangah hong kileh in," TOPA in cikhia hi. "Ka muhna panin a kihhuai na milimte uh hemmang-in gammang nawn lo-a,

Jeremiah 4:14

Jerusalem aw, na lungsim a gitlohna sawp inla, suakta in. Na gitlohna lungsimte bang tanvei kemcip lai ding na hi hiam?

Tamlawhna 1:2

Zan ciangin nakpi in kap a, a biang tuakah khitui a luang hi. Ama itte khempeuh lakah a hehnem ding khat beek a om kei hi. A lawmte khempeuh in lehhek uh a, a gal suak uh hi.

Ezekiel 16:26

A lan mahmah Egypt-te tawh na kituah ciangin na luppih a, na huuk semsemna in kei hong hehsak hi.

Ezekiel 16:30

"‘Gina kei na lawmlawm cia, hih banga na gamtat ciangin numei khohlah kizuakte banga gamta na hi maw! Thupipen TOPA in cikhia hi.

Ezekiel 16:35

"‘Tua ahi ciangin nang a kizuaknu aw, TOPA thugen za in!

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.

Hosea 1:2

TOPA in Hosea tungtawna thugen a kipat ciangin TOPA in ama kiangah "TOPA kiang panin kihemkhia-in hih gamah kizuakna nasia lua ahi manin nang mahmah pai inla a angkawm zi le a muanhuai lo tate la in." a ci hi.

Hosea 2:2

"Na nu ka zi hilo a, keimah a pasal hi lo ka hi manin na nu tai inla, amah tai in. A maitang panin a kizuak mithah le, a nawite gel kikala a muanhuai lohna paikhia hen.

Micah 2:10

Ding unla paikhia un! Ahang in, hih lai no khuamun ding hi lo hi; bang hang hiam cih leh a hoih kik thei nawn lo dingin kisia khin ahi manin munsia ahi hi.

Zechariah 1:3

Tua ahi ciangin mite tungah gen in: Thahatpen TOPA gen hih ahi hi: ‘Kei lamah hong kihei un, Thahatpen TOPA in cikhia a, ‘tua teh no lamah kong kihei ding hi,’ Thahatpen TOPA in ci hi.

Matthew 5:31

"‘Zi ma peuhmah in makna lai pia ta hen,’ a a kici thu a omsa ahi hi.

Thupiakkikna 22:21

tuanu a pa inn kongkhak ah kipuakin tua lai-ah a khuapih mite in amah suangin a denglum ding uh hi. Tuanu a pa innah a om lai-in paktatna tawh Israel sungah maimawlna a tun hi. Note lak panin gitlohna na mangsak pelmawh ding uh hi.

Thukhente 19:2

Ahi hangin tuanu ama tungah a muanhuai kei hi. Tuanu nawkik-a, Judah gam Behtlehem-a a pa innah a ciah kik hi. Tua lai-ah kha li a om khit ciangin