Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremiah 29:8 - Zokam International Version

8 Hihi, Israel Pasian Thahatpen TOPA gen hih ahi hi: "Note laka kamsangte le aisante kikhemzosak kei un. Mang man dinga hong hanthawnna uh na ngai kei un.

အခန်းကိုကြည့်ပါ။ ကော်ပီ

LAISIENGTHOU CL Bible (BSI)

8 Aziehpen galkapte Mangpa, Israelte Pasian in tambangin agen hi: na lah ua um guolneite leh aisansiemte solzou in um sih unlen, mangsante mang zong gingta sih un.

အခန်းကိုကြည့်ပါ။ ကော်ပီ

Zo Bible

8 Israel’ Pasien, Vanglien Topa in tam bangin ci hi: Note lahah a om kamsangte le aisan theite kisolsah sih unlen, mangmat ang gente uzong ngaipieh sih un,

အခန်းကိုကြည့်ပါ။ ကော်ပီ




Jeremiah 29:8
36 ပူးပေါင်းရင်းမြစ်များ  

Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.


Hih in Thahatpen TOPA gen ahi hi: "No tunga thu hong gen kamsangte thu ngai kei un, lametna zuau tawh note hong dim uh hi. Amaute in amau lungsima suaktawm thu hong gen uh hi; TOPA kam sung pan hi lo hi.


Hih kamsangte kei sawl lohpi amau thusuak tawh a taikhia uh hi a; ka hopih lohpi-in thu a gen uh hi.


"Keima mina zuauthu gen kamsangte thugen ka za khin hi. Amaute in,’Mang man ing ei! Mang khat man ing ei!’ ci uh hi.


A pate un Baal biakna hangin ka min a mangngilh uh bangin amaute khat le khat a kikup uh a mangte un ka mite, ka min a mangngilhsak ding sa uh hi.


tua ahi ciangin, ‘Babylon kumpipa na sem kei un,’ hong ci na kamsangte uh, na aisante uh, na mangkhiate uh, na sikhasamte uh le na mangsantheite uh thu na ngai kei un.


Tua ciangin kamsangpa Jeremiah in kamsangpa Hananiah tungah, "Hananiah aw, na ngai dih in! TOPA in nang hong sawl lo napi zuauthu a muang dingin hih minam na zol hi.


Hih in, Babylon pan Jerusalem ah Nebuchadnezzar in sal-a a kaihte laka a om lai upate, siampite le kamsangte tungah kamsangpa Jeremiah in Jerusalem pana a laikhak ahi hi.


"Babylon ah eite adingin kamsangte TOPA in lamto hi," na ci thei ding uh hi.


Israel Pasian Thahatpen TOPA in, keima minin no tungah zuauthu hong hilhin Kolaiah tapa Ahab le Maaseiah tapa Zedekiah-te tawh kisai-a a gen hih ahi hi, "Amaute Babylon kumpipa Nebuchadnezzar tungah ka pia dinga, amah in note muh tektek in a that ding hi.


Ahang in, amaute in Israel gamah mawhna siahuai bawl uh a; a vengte uh zite’ angkawmin kei sawl lohpi ka minin zuauthu a gen uh hi. Kei mah in ka thei a, teci ka hi hi," TOPA in cikhia hi.


TOPA thugen hih ahi hi: Nang le nang kikhemin, ‘Babylon mite in hong nusia taktak ding hi,’ ci-in ngaihsun kha kei in. Hong nusia lo ding uh hi!


Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?


Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.


A mangmuhna uh khial uh a, a aisanna uh zuau ahi hi. Amaute in, "TOPA gen hi," ci uh a, TOPA in a sawl lohpi amau kammal a tangtung dingin a lamen zawlai uh hi.


Zuauphuak le mikhem khat hong pai-in, ‘No ading zu tampi le zucil a om nadingin kam kong sansak ding hi,’ hong cileh amah hih mite deih kamsang hi lian ve!


"Tua ni ciangin kamsang peuhmah in a mangmuh theihna uh a maizumpih ding uh hi. Mi a khem nadingun a kamsang samul puanpi uh zong a silh kei ding uh hi.


Ahang in, Christ-zuaute le kamsang-zuaute hong kilang ding uh a, ahi thei hileh telsate nangawn a khem nadingun lim le na lamdang lianpipite bawl ding uh hi.


Amah in, "Note kuamah in hong khem zawh loh nadingin na kigalging un. Ahang in, keima minin mi tampi hong pai ding uh a, ‘Amah ka hi hi. Hun hong nai ta hi,’ hong ci tangtang ding uh hi. Amaute na zui kei un.


Mi khempeuh in note hong phatgen uh ciangin gimna na thuak ding uh hi, ahang in, na pu na pa-te un kamsangzuaute tua bangin a hih uh hi.


Ahang in, tua bang mite i Topa Christ nasem hi loin amau ankam lim nading bek a sem ahi uh hi. Amaute in kamzolna le mi maitang phatna tawh mi melmawlte lungsim a khem uh hi.


Tua ciangin mite in zuau siamna le khelpilna tawh a geel uh amau khemna ah, tuihual in a lapsuk a laptoh, thuhilhna huih citeng in amut kawikawi naungekte i hi nawn kei ding hi.


Thu mawkmawk tawh kuamah na kikhem zosak kei un. Bang hang hiam cihleh tua bang thute hangin thumang lote tungah Pasian thangpaihna a tung hi.


Lam khat peuhpeuh ah kuamah na kikhemsak kei un, ahang in, lehdona piangin, siatna-a kisehsa thukham palsatna c mipa hong kilak mateng in tua ni hong tung lo ding hi.


migilo le mi kheltatte, mi khem le khemna thuakin a siat semsem laitak uh hi ding hi.


Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.


Tua limte hangin a masa gamsa tangin vangliatna kipia-a, leitunga tengte a khem hi. Amah in amaute tungah namsau ma tawh liam napi-a, a nungta lai gamsa pahtawina milim khat a bawl ding uh thu a pia hi.


Ahi hangin tua gamsa kiman ta a, amah tawh ama tunga lim lamdang a bawl zuau kam sangpa kiman hi. Amah in hih limte tawh gamsa ciamtehna ngahsate le a lim a biate a khem hi. Amaute lakah tua nihte a hingtangin a kihtakhuai kaat kuanglai lipi sungah kipai hi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ