Jeremiah 27:5 - Zokam International Version

⁵ Keimah in ka vanglianpi tawh ka khut zanin leitung le a mite le a tunga om ganhingte ka bawla piak tuak ka sak khatpeuh ka pia hi.

LAISIENGTHOU CL Bible (BSI)

⁵ “Ka silbawltheina thupitah leh kabanzahin, leitung leh mihing leh sate ka siem a, piehtaah ka sahte kungah ka pezel hi.

Zo Bible

⁵ Keima in ka vanglienpi le a kizah ka khut tawh leitung le a mite le leitunga om ganhingte ka bawl a, ka pieh nuom khatpo tungah ka pie hi.

Jeremiah 27:5 ပူးပေါင်းရင်းမြစ်များ

Piancilna 1:25

Pasian in gamsa amau nam ciat, innsa amau nam ciat, a bokvak ganhingte khempeuh amau nam ciat bawl hi. Pasian in hoih sa hi.

Piancilna 9:6

"Mihing sisan suah peuhmah, mi mah in amah sisan suah ding hi. Ahang in, Pasian lim sunin Pasian in mi a bawlsa ahi hi.

1 Kumpite 8:42

ahang in, mite in na min liatna, na khut thahatna le na ban zankhiatna za ding uh hi - tua ciangin hong pai-in na biakinnpi lam nga-in thu hong nget uh leh

Ezra 1:2

"Persia kumpipa Cyrus gen hih ahi hi: "‘TOPA vantung Pasian in leitunga kumpi-gam khempeuh kei hong pia a, Judah gam Jerusalem ah ama adingin biakinnpi khat lam dingin kei hong seh hi.

Nehemiah 9:22

"Amaute kumpi-gam le minamte na pia a, gammong gamla pen nangawn na piakhia hi. Amaute in Heshbon kumpipa gam, Sihon d le Bashan kumpipa Og gam a la uh hi.

Phatna-late 102:25

A tungin leitung bulpi na phut a vante na khuta na bawlsa ahi hi.

Phatna-late 96:5

Ahang in minamte’ pasian khempeuh milimte hi-a, TOPA in ahileh vante a bawl hi.

Paikhiatna 20:11

Ahang in, TOPA in niguk sungin lei le vante, tuipi le tuate sunga omte bawla, ahi hangin a ni sagihna ni-in a khawl hi. Tua ahi ciangin TOPA in Sabbath ni thupha pia-a, a siangthosak hi.

Paikhiatna 6:6

Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Isaiah 42:5

Vante piangsakin tuate a zalpa, leitung phah a, a sung pana piangkhia khempeuh a piangsakpa leitung mite tungah huu a guanpa le a tunga lampai khempeuh nuntakna a piapa - Pasian TOPA in:

Isaiah 44:24

"TOPA gen hih ahi hi - naubu sungah nang hong sutuah nangma Tanpa in: Keimah TOPA, na khempeuh a bawlpa, amah kia-a vantungte a phahpa, kei guaka leitung a zalhkhiapa,

Isaiah 45:12

Leitung a piangsakpa keimah ka hi a, a tunga mihing a piangsakpa keimah ka hi hi. Keima khutin vantungte ka zalkhia a, amau aksi honpite ka gual hi.

Isaiah 48:13

Ka khutin leitung bulpite ka phut a, ka khut taklamin vante ka zal hi; amaute ka sapkhawm ciangin a vekun a dingkip khawm uh hi.

Isaiah 51:13

Nang hong Bawlpa TOPA - vante zala leitung bulpite a phutpa a mangngilh nang, mi nengniamte thangpaihna hangin lauthawngsa-a nungtapa, siatna bek tupa nei pa nang kua na hiam? Ahang in, mi nengniamte thangpaihna koi-ah om ahi hiam?

Jeremiah 27:4

Amaute in a pute uh tungah, ‘Hih in Israel Pasian Thahatpen TOPA gen ahi hi: "Na pute uh tungah:

Jeremiah 32:17

"O, Thupipen TOPA, na khut zanin na vanglianpi tawh leitung le vantung na bawl khin hi. Nang adingin bangmah a haksa lua kei hi.

Jeremiah 51:15

"Amah in a vang tawh leitung bawla; ama pilna tawh lei pumpi omkhiasakin, ama theihtelna tawh vante a zalhkhia hi.

Daniel 2:38

na khut sungah mihing le leitung ganhing le huih lak vasate hong pia khin hi. Tuate a tenna peuhpeuh ah nangma uk a suaksak hi. Nang in tua kham lutang na hi hi.

Daniel 4:14

Amah nakpi-in kiko a, ‘Tua singkung phuk inla ahiangte heuh in; a tehte zutkhia inla a gahte thehthang in. a nuai-a ganhingte le a hianga vasate taikeksak in.

Daniel 4:17

"‘A nungta peuhmah in mihing kumpi-gamte tungah Sang Penpa a thupipen ahilam thei-in ama ut peuhpeuh tuate pia a mi niampente nangawn a ut leh amaute a uksak thei ahilam a theih nadingun kamtaipa in hih thukhensatna genkhia-a, a siangthote in hih thupiakna a pulaakkhia hi,’ ci hi.

Daniel 4:22

singkung, kumpipa aw, nangmah na hi hi! Nangmah lian in na thakhauh a, na liatna in van a bat dongin a khang hi; na gam zai semsemin leitung khempeuh a huam hi.

Daniel 4:25

Mihingte lak panin nang hong kihawlkhia-in gamsate tawh na tengkhawm ding hi; ganhonte bangin lopa na ne dinga, vantung daitui-in na kawtgawp ding hi. Mihingte kumpi-gamte tungah Sang Penpa a thupipen hi-a, a piak nop khatpeuh a piak theih ahi hi, ci-a na theihtel mateng hun sagih sung na tuaci om ding hi.

Daniel 5:18

"Kumpipa aw, Sang Pen Pasian in na pa Nebuchadnezzar a lianpipenin koih a, liatna, minthanna le thupinate a pia hi.

Nasepte 14:15

"Mite aw, bang hangin hih bawl na hi uh hiam? Kote zong no mah bangin mihing lel ka hi uh hi. Kote in lungdamna thu no hong puakin, hih kimanna a nei lo nate panin, van le lei le tuipi le tuate sunga omte a bawl a nungta Pasian lama na kihei ding uh hong gen ka hi uh hi.

Nasepte 17:24

"Leitung le a sunga om na khempeuh a bawl Pasian, van le lei Topa hi-a khut tawh kilam biakinnpite ah a teng kei hi.

Nasepte 17:26

Mi khat panin mihing nam kim bawla, amaute leitung bup a luahsak hi. Amaute ading hunte sehsaka, amaute ten nading mun ciat a sehsak hi.

Thupiakkikna 2:19

Ammon-te omna na tun uh ciangin Ammon-te tawh kisai leitang khat beek no neih dingin hong pia lo ding ka hi manin amaute lausakin, galbawlin hehsak kei un. Lot suante neih dingin tua gam ka pia khin hi," hong ci hi.

Thupiakkikna 2:21

Amaute thahatin tam mahmah uh a, Anak-te bangin a tun uh a sang hi. TOPA in Ammon-te mai panin maute susia a, amaute in suankhia-in amau munah a teng uh hi.

Thupiakkikna 2:7

TOPA note Pasian in na khutua na septe uh thupha a pia hi. Hih sehnel-gam zapi a na zin sungun amah in hong cing hi. Hih kum sawmli sung TOPA note Pasian in hong ompih a, bangmah na kisam kei uh hi.

Thupiakkikna 2:9

Tua ciangin TOPA in kei kiangah, "Moab-te gam khenkhat zong hong pia lo ding ka hi manin amaute va tawng loin hehsak kei un. Lot suante neih dingin Ar ka pia zo hi," hong ci hi.

Thupiakkikna 32:8

Sangpen Pa in minamte amau luah ding pia a, mihing khempeuh a hawmsak lai-in Israel’ tapate c a phazah tawh kizui-in mite ading gamgi a phuhsak hi.

Thupiakkikna 4:17

leitunga om ganhing khatpeuh lim ahi a, huih laka leng vasa khatpeuh lim ahi zongin

Thupiakkikna 4:25

Tu le ta nei in tua gamah na ten khit nungun - kiheisanin, lim khatpeuh bawlin TOPA note Pasian mit ah gitlohna na sep uh a, amah na hehsak uh leh

Thupiakkikna 4:32

Pasian in mihing a bawl ni-a kipan, note hun mapek tuma hunte kan un; vante mong khat panin mong khat dongah dong un. Hih zah a lian na khatpeuh piang ngei in, hih bang na khatpeuh a kiza ngei peuhmah hiam?

Thupiakkikna 4:35

Note in, Pasian ahi TOPA, amah longal adang a om loh lam na theih nadingun hih na khempeuh no hong kilak ahi hi.

Thupiakkikna 5:16

TOPA note Pasian hong piakna gamah sawtpi nungta-in na nopsak theih nadingun TOPA note Pasian hong thupiak bangin na nu le na pa pahtawi in.

Thupiakkikna 9:29

Ahi hangin amaute nangma mite hi a, na vanglianpi le na ban zankhiat tawh na paikhiatpih nangma gouluahte ahi hi," ka ci hi.

Colosse-te 1:16

Ahang in, na khempeuh ama piansak hi a: vantung le leitunga om nate, muh theih le muh theih lohte, kumpi tokhomte ahi zongin, vangliatna ahi zongin, ukte ahi zongin, thuneite ahi zongin, na khempeuh amah in ama adingin a piansak ahi hi.

Hebrews 1:2

ahi hangin hih ni nunungte ah khuavannuai a bawlpa na khempeuh a luah dinga a sehpa, ama Tapa zangin eite tungah thu hong gen zo hi.

Kilaakna 4:11

"Kote Topa le Pasian aw, nangin na khempeuh na piangsak-a nangma deih bangin amaute kipiangsakin nungta uh ahi manin, minthanna, pahtawina le vangliatnate a ngah dingin na kilawm hi," a ci uh hi.