Jeremiah 27:13 - Zokam International Version

¹³ Bang hangin Babylon kumpipa na sem lo minam peuhmah in a thuak dinga TOPA sehsa bangin nang le na mite namsau, kialpi le pulpi-in si ding na hi uh hiam?

LAISIENGTHOU CL Bible (BSI)

¹³ Bangzieha, nang leh na mite namsau a, kiel a, tualeh natna hipi a, Babilon leengpa nasem nuomlou namte tungtanga Mangpa’n agensa banga shi ding na hi uoi mah?

Zo Bible

¹³ Babylon kumpipa’ na a sem lo ding minam poma tawh kisai-in Topa in a gensa ma bangin bang dingin namsau, kielpi, le pul natna tawh nangma le na mite si ding na hi uh ahei?

Jeremiah 27:13 ပူးပေါင်းရင်းမြစ်များ

Paunakte 8:36

Kei hong zong lo mi ahileh amah le amah kinasak hi-a, kei hong mudah khempeuh sihna it ahi hi.

Jeremiah 17:4

Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

Jeremiah 24:9

amaute ka hawlkhiatna mun peuhpeuh ah mite in kihamsiatna in a zat dingun simmawhna le zahkona ka thuaksak dinga, leitung kumpi-gam khempeuh in mudahin a langbawl ding uh hi.

Jeremiah 27:8

" ‘ "Minam ahikeh kumpi gam khatpeuh in Babylon kimpipa Nebuchadnezzar’ na sem loin a hakkol nuai-ah a ngawng a kun kei leh tua mun ama khuta a suksiat mateng namsau, kialpi le pulpi-in dan ka tuaksak ding hi, TOPA in cikhia a,

Jeremiah 38:2

"Hih in TOPA gen ahi hi: Hih khuapi sunga a teng peuhmah namsau, kialpi le pulpi-in si ding uh a, ahi hangin Babylon mite b kianga a pai peuhmah a nungta ding uh hi. Amah in a nuntakna suahtak dinga a nungta ding hi,’ a cih a za uh hi.

Jeremiah 38:20

"Hong ap peuhmah lo ding uh hi," Jeremiah in ci a, "Kong gen bangin TOPA thu mang in. Tua hileh nang adingin hoih dinga na nuntakna hong kihawisak ding hi.

Jeremiah 38:23

"Na zite le na tate khempeuh Babylon mite tungah kipuak ta ding hi. Babylon kumpipa in nang hong zo in nang mahmah zong amaute khut panin na suakta kei ding hi; hih khuapi kihaltum ding a hi," a ci hi.

Ezekiel 14:21

"Ahang in, Thupipen TOPA thugen hih ahi hi: Jerusalem ah a sunga mihing ganhing a that dingin a lauhuai ka thukhenna nam li - namsau, kialpi, gamsa gilo le pulpi-te ka tunsak ciangin siahuai si incia!

Ezekiel 18:24

"Ahi zongin a thumaan mi khat thumaan nawn loin migilo khat sep ahi a kihhuai mawhna a bawl leh a nungta ding hiam? Ama thumaan-nasate khat beek a kiciaptehsak kei ding hi. A muanhuai lohna hangin a mawh hi-a, a bawlsa mawhna hangin a si ding hi.

Ezekiel 18:31

Na gamtatnasa khempeuh panun kikhel unla, lungsim thak le kha thak nei un. Israel innkuante aw, bang hang si ding na hi uh hiam?

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.