Jeremiah 25:6 - Zokam International Version

⁶ Adang pasiante nung zui loin a na sem kei unla bia kei un; na khut-ua na bawlsate uh tawh kei hong hehsak kei un. Tua ciangin note kong nasak kei ding hi."

LAISIENGTHOU CL Bible (BSI)

⁶ Ana uh seppieh ding leh be dingin pasien dangte nuazui sihun, na khut nasepte un hing sulungthah sih unlen, tuachi’n ka hing suna sih ding hi, achi hi.

Zo Bible

⁶ A na sem ding le a bie dingin pasien dangte’ nua zui sih unlen, na khut utawh na bawl uh milimte ziehin kei ei lungthahsah sih un. Tua hile ke’n zong note bangma kang law sih ding hi,” a ci hi.

Jeremiah 25:6 ပူးပေါင်းရင်းမြစ်များ

1 Kumpite 14:22

TOPA mit ah Judah a hoih loin gamta hi. A pate uh gamtatnasa sangin amau bawl mawhna hangin ama hazatna a sosak zaw uh hi.

2 Kumpite 17:35

TOPA in Israel tawh thukhun a bawl lai-in amaute tungah: "Adang pasian khatpeuh bia loin a mai-ah kun kei unla, a na sem loin amaute tungah biakna pia kei un.

Paikhiatna 20:23

Kei tawh nong biak khawm dingun pasian khatpeuh bawl kei un; ngun pasian ahi a, kham pasian ahi zongin bawltawm kei un.

Paikhiatna 20:3

"Ka mai-ah a pasian dang na nei kei ding uh hi.

Jeremiah 32:30

Israel le Judah mite in a neutungua kipan kei muhna-ah gamtatsia bekbek a sem uh hi; hi takpi hi, Israel mite in a khut uh tawh a bawlte un kei hong hehsak den uh hi, TOPA in ci hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 44:7

"Tu-in Pasian, Thahatpen TOPA Israel Pasian gen hih ahi hi: Bang hangin nupi, papi, naupangte le naungekte dongin, a baanglai om nawn lo zahin Judah tawh kikhenkhia-a no le no tungah gimna lianpi kitun na hi uh hiam?

Jeremiah 44:8

Bang dinga note pai-in na ten nading mun uh Egypt ah na khut uh tawh na bawlsa uh pasian dangte tunga gimnamtui halna tawh kei hong hehsak na hi uh hiam? No le no kisiasak na hi uh a, no le no kisamsia suakin leitunga minam khempeuh lakah mi muhdah na kisuah uh hi.

Jeremiah 7:6

pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh,

Jeremiah 7:9

"Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

Hosea 1:7

Ahi zongin Judah innkuan tungah ka itna ka lak ding hi; amaute ka hon ding hi - thal tawh hi lo, namsau ahikeh galsimna tawh hi lo, sakolte le sakol-tuangte tawh hi loin, TOPA a maute Pasian tawh ka hon ding hi," a ci hi.

Thupiakkikna 13:2

tuateh a gensa lim le a lamdangte hong tuna, "Adang pasiante zui-in (na theih ngei loh pasiante) tuate bia ni," a cih leh

Thupiakkikna 28:14

Tuni-a kong piak thupiakte khatpeuh panin veilam ahi a taklam ahi zongin pial kei unla, adang pasiante zui loin a na zong sem kei un.

Thupiakkikna 6:14

Note kim-a om midangte’ pasiante nung zui kei un;

Thupiakkikna 8:19

Note in TOPA note Pasian na mangngilh khak zenzen uh a, pasian dangte nung zui-in tuate bia-a na kun uh leh note hong kisuksiat taktak nading tuni-in note langah teci-in ka om hi.

Joshua 24:20

TOPA taisanin gamdang pasiante’ na na sep uh leh note tungah hong migit khit ciangin hong lehngatsanin siatna hong tungsak dinga hong beisak ding hi," a ci hi.