Jeremiah 25:11 - Zokam International Version

¹¹ A gambuppi-in gamtul le gam simtham suak dinga hih minamte in Babylon kumpipa’ na kum sawmsagih sung a sem ding uh hi.

LAISIENGTHOU CL Bible (BSI)

¹¹ Tualeh tam gam pumpi gamsie asuoh dinga, mite chizatna ahita ding hi, tualeh tami namten Babilon leengpa nna kum sawm sagi sung aseppieh ding uhi.

Zo Bible

¹¹ Tam gambup kisie-in koima’ ten lona gamkhing suoh ding a, tua minamte in kum sawmsagi sung Babylon kumpipa’ na a sem ding uhi.

Jeremiah 25:11 ပူးပေါင်းရင်းမြစ်များ

Daniel 9:2

kumpi a suah zawh a kum masapen kumin, keimah Daniel in, Laisiangtho sunga TOPA in kamsangpa Jeremiah tunga a piak, Jerusalem a siatmang nading kum sawm sagih a sawt ding hi, a cih tawh kizui thu ka telcian hi.

Zechariah 1:12

Tua ciangin TOPA vansawltak in, "Thahatpen TOPA aw, Judah khuapite le Jerusalem tungah kum sawm sagih sung na heh ta hi. Amaute na lainatna bangtan vei ip lai ding na hi hiam?" a ci hi.

Zechariah 7:5

"Gam mite khempeuh le siampite tungah, ‘A beisa kum sawm sagih sung, a kha ngana le a kha sagihna sungin an tangin thu na nget uh ciangin kei ading taktak mah a antang na hi uh hiam?

Jeremiah 25:12

"Ahi hangin kum sawmsagih a cin ciangin Babylon kumpipa le ama minam, Babylon mite b gam amaute khialhna hangin dan ka thuaksak dinga a tawntungin a kinusiacip ding hi, TOPA in cikhia hi.

Jeremiah 4:27

TOPA gen hih ahi hi: "Gambuppi kisia dinga, ahi zongin ka susia khin sam kei ding hi.

Siampi Laibu 26:32

Na leitang uh a mawkna ka suaksak dinga tua lai-a tung na galte nangawn uh a mulkim ding uh hi.

Isaiah 5:6

Lotul ka suaksak dinga kipuah loin kikho lo dinga, tua lai-ah lingkungte le thangling kungte a po ding hi. A tungah guah a zuk loh nadingin meiite thu ka pia ding hi," a ci hi.

Jeremiah 27:22

"Amaute Babylon ah kipuak dinga, amaute adingin kong pai hun a tun mateng tua lai-ah a om tadih ding uh hi,’ TOPA in cikhia hi. ‘Tua ciangin hih munah ka puak kik dinga, a kikoihsuak ding hi,’ ci hi," a ci hi.

Jeremiah 28:14

Hih in Israel Pasian Thahatpen TOPA gen ahi hi: Babylon kumpipa Nebuchadnezzar na sem ding in hih minamte ngawng ah sik hakkol khat ka vawh dinga, amaute in a na a sem ding uh hi. Ganhing gilote nangawn ka uk zosak ding hi, ci hi,’ va ci in," a ci hi.

Jeremiah 29:10

TOPA gen hih ahi hi: "Babylon hun sung kum sawm sagih a kim ciangin note kiangah kong pai dinga, a hehpihna tawh kamciamsate tangtungsakin hih munah kong puak kik ding hi.

Jeremiah 43:10

Tua ciangin amaute kiangah, ‘Hih in Israel Pasian Thahatpen TOPA gen ahi hi: Kei mah in ka nasem Babylon kumpipa Nebuchadnezzar ka vaikhak dinga, hih lai-a suangte ka phumna tung santakah a kumpi tokhom ka phut dinga; amah in a tungah kumpi puanbuk a zal ding hi.

Jeremiah 44:22

Na gamtat hoih lote uh le a kihhuai-a na gamtatnate uh hangin TOPA ki-ip zo nawn lo a, na gam un hamsiatna thuakin tuni mahmah in zong kuamah teng loin a kinusiacip hi.

Micah 7:13

A tunga teng mite gamtatnasa hangin leitung gamkhing a suak ding hi.

2 Khangthute 36:20

Amah in namsau pana suakta a baanglaite Babylon ah sal-in kai a, Persia kumpi-gam in vang a neih matengin amaute amah le a tapate nasem a suak uh hi.

Jeremiah 4:26

Ka en a, logam hoihte kolhmang khin hi; TOPA mai, a hehluatna mai-ah a khuapi khempeuh kisia khin hi.

Jeremiah 25:38

A nengniampa namsau a le TOPA hehluatna hangin humpi in a kua a nusiat bangin amah in nusia dinga, a gam uh gam simtham a suak ding hi.

Jeremiah 27:7

Ama gam neih hun tan a tun matengin amah a kipan a tapa khang, a tupa khang dong minamte kumpite in a na sem ding uh a; tua ciangin minam tampite le kumpi lian tampi in amah nasemin leh neih ding uh hi.

Ezekiel 6:14

Amaute langkhat ah ka khut ka zankhia dinga, amaute tenna mun teng - a gam uh sehnel-gam pan Diblah a dong gamtul ka suaksak ding hi, Tua ciangin amaute in keimah TOPA ka hilam a thei ding uh hi,’ ci hi," hong ci hi.

Ezekiel 12:19

Gam mite tungah: ‘Hih in Israel gam le Jerusalem a tengte tawh kisai-a Thupipen TOPA gen ahi hi: Amaute in lungzingpi in an ne ding uh a, lungkhampi-in tui a dawn ding uh hi. Ahang in, tua lai-a tengte khempeuh a ngongtatna uh hangin a gam uh le a sunga om na khempeuh a kihawmkhai ding hi.

Ezekiel 29:11

Mihing khe ganhing khe in tawn lo dinga; tua lai-ah kum sawmli sung kuamah a teng kei ding hi.