Jeremiah 23:4 - Zokam International Version

⁴ Amaute donin a uk ding tuucingte ka koih dinga amaute lau nawn lo, lungkham nawn loin khat beek a mangthang nawn kei ding uh hi," TOPA in cikhia hi.

LAISIENGTHOU CL Bible (BSI)

⁴ Amauh vah ding in atung uah belampute ka koi dinga, a zau nawn sih ding ua, ahisihleh alungdong nawn sih ding ua, amanga kimlou zong a um nawn sih ding uhi.

Zo Bible

⁴ Amate a cing dingin tuucingte ka koi ding a, zau nawn lo, lungkham nawn loin khat beh zong mang nawn lo ding hi, Topa in ci hi.

Jeremiah 23:4 ပူးပေါင်းရင်းမြစ်များ

Isaiah 11:11

Tua ni ciangin Topa in Assyria pan, Egypt khanglam pan, Egypt d saklam pan, Cush e pan, Elam pan, Babylonia f pan Hamath pan, le tuipi tuikulhte panin a baanglaite a kinusia ama mite a ngah kik nadingin a nihveina a khut a zankhia ding hi.

Jeremiah 30:10

"‘Tua ahi ciangin ka nasempa Jacob aw, lau kei in; Israel aw, lungsi kei in’ TOPA in cikhia hi. ‘A gamla panin nang kong honkhia dinga nangma suante a saltanna panun ka honkhia taktak ding hi. Jacob lungnuamin lungmuang kik dinga, kuamah in a lauthawngsak kei ding hi.

Jeremiah 31:10

"Minamte aw, TOPA kammal za unla, tuipi gei gamlapi ah tangko un: ‘Israel a thehthangpa in amaute kaikhawm kik dinga, tuucingpa in a tuuhonte a cin bangin a cing ding hi,’ ci un.

Jeremiah 33:26

ka nasem Jacob le David suan le khakte ka nial dinga, Abraham Isaac le Jacob suante a uk dingin a tapate lakah khat ka teel kei ding hi. Ahang in, a mailam hun b uh a ngei ka bangsak dinga, amaute ka khuatuah ding hi,’ ci hi," a ci hi.

Ezekiel 36:11

Note tungah mihing ganhing ka khangsak dinga amaute gahpha mahmahin tampitak a pha ding uh hi. A beisa huna bangin na tungah mi ka tengsak dinga, a beisa hun sangin kong daupaisak zaw ding hi. Tua ciangin keimah TOPA ka hilam nong thei ding uh hi.

Siampi Laibu 26:9

"‘Note hong angvanin kong cing dinga, hong ciphasakin kong khangsak dinga note tawh ka thukhun ka kiplet ding hi.

Micah 4:4

Mi peuhmah ama lenggui nuai le ama theikung nuai-ah tu dinga, Thahatpen TOPA gensa ahi manin kuamah in amaute a lausak kei ding hi.

Micah 5:2

Ahi hangin nang Bethlehem Ephrathah aw, Judah bawng’te b sung pan aneu na hi hangin nang sungah Israel ukpa ding khat kei adingin a piangkhia ding hi; amah tanglai hunte pan c tangtawng pek pana d omsa ahi hi.

Micah 7:14

Lei hoiha lonona mun tulaka a amau le amau a teng na innluah ding na mite, nangma tuuhonte na ciangkhutin cing in. Tanglai peka bangin Bashan le Gilead ah amaute tasak in.

Zephaniah 3:13

Israel a baanglaite in khialhna a bawl nawn kei ding uh hi; zuauthu gen lo ding uh a, a kam uah khemna kimu nawn lo ding hi. Amaute in an ne in lum hithiat ding uh a, kuamah in a lausak nawn kei ding hi," a ci hi.

Misimna 31:49

ama tungah, "Nangma nasem kote in ka ukna nuai-ua om galkapte ka sim khin uh a, khat beek a kikhahsuah kei hi.

John 17:12

Amaute tawh ka omkhawm laitakin, nong piaksa min tawh amaute bittakin ka hu zo hi. Laisiangtho a tangtun nadinga a mang thang pa pen simloh khat beek ka mansuah kei hi.

John 18:9

"Nong piaksa mi khat beek ka mansuah kei hi," b a cih thu a tangtun nadingin hih thu a piang ahi hi.

1 Peter 1:5

hun beina-a hong kilang ding a baihsa-a om tua hotkhiatna hong tun mateng Pasian vangliatna tawh upna tungtawnin note hong kiliah ahi hi.