Jeremiah 23:25 - Zokam International Version

²⁵ "Keima mina zuauthu gen kamsangte thugen ka za khin hi. Amaute in,’Mang man ing ei! Mang khat man ing ei!’ ci uh hi.

LAISIENGTHOU CL Bible (BSI)

²⁵ Mangin ka man hi, chia ka min a zuouthu gen guolneite thugen ka zata hi.

Zo Bible

²⁵ Keima in, “Mang man zo ing, mang man zo ing!” ci-in keima’ min tawh zuouthu a gen kamsangte’ thugente ka za zo hi.

Jeremiah 23:25 ပူးပေါင်းရင်းမြစ်များ

Jeremiah 23:32

Hi taktak hi, amaan lo mang thu peuh a gente langkhatah ka pang hi," TOPA in cikhia hi. "Kei sawl le kei koih hi lo napi amaute in khiatna nei lo zuauna tawh thu hilh uh a, ka mite lam a pialpih uh hi. Amaute in hih mite tungah metna them khat zong a pia kei uh hi," TOPA in cikhia hi.

Joel 2:28

Tua khit ciangin mi khempeuh tungah ka kha ka bua ding hi. Na tanu na tapate un thu hilh ding uh a, na khanghamte un mang manin, na khangnote un mang a mu ding uh hi.

Jeremiah 29:8

Hihi, Israel Pasian Thahatpen TOPA gen hih ahi hi: "Note laka kamsangte le aisante kikhemzosak kei un. Mang man dinga hong hanthawnna uh na ngai kei un.

Jeremiah 23:28

Kamsang mang manpa in a mang gen henla ka kammal nei pa in zong muanhuaitak mahin gen ta hen. Buhtu le buhtang bangci kibat thei ding ahi hiam?" TOPA in cikhia hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

Jeremiah 8:6

Amau gente limtakin ka ngaih hangin thumaan a gen kei uh hi. A gitlohna uh a kisik kuamah om lo a, "Bang hih ka hi hiam? " a ci uh hi. Sakol galsim bangin amau tum ciatin a ta uh hi.

Misimna 12:6

amah in, "Ka thugen ngai un: "Note lakah TOPA kamsang a om ciangin, ama tungah mangmuhna tawh ka kilak a, mang sungah amah ka hopih hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.

Luke 12:3

Khuamial sunga na gente uh sun nitang sungah kiza dinga, inn sungtawnga na huausimte uh innkhum dawnah kitangko ding hi.

Matthew 1:20

Ahi hangin tua banga a ngaihsut laitakin Topa vansawltak khat a mang sungah kilanga, "David tapa Joseph aw, Mary paii nau pen Khasiangtho pan ahi manin amah na tenpih ding lauthawng kei in.

Jeremiah 29:23

Ahang in, amaute in Israel gamah mawhna siahuai bawl uh a; a vengte uh zite’ angkawmin kei sawl lohpi ka minin zuauthu a gen uh hi. Kei mah in ka thei a, teci ka hi hi," TOPA in cikhia hi.

Jeremiah 16:17

Amaute paina khempeuh ka mu a, kei muhna panin amaute kisel thei loin amaute mawhnate zong a sel thei tuan kei ding uh hi,’ ci hi.

Jeremiah 14:14

Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.

Jeremiah 13:27

na angkawmnate le huk lua-a na tau huthutnate zummawh-a na kizuaknate a kidawkkhia ding hi. Mualneute tung le lolaite ah, a kihhuai-a na gamtatnate ka mu khin hi. Jerusalem aw, gimna nak thuak na nicia! Bangtan vei ninnin lai ding na hi hiam?" a ci hi.

Phatna-late 139:4

Ka leii tungah kammal khat beek a omma-in teltakin na thei hi, TOPA aw.

Phatna-late 139:2

Ka heksuk, ka hektohna na thei hi; a gamlapi panin ka ngaihsutna nong tel hi.

Piancilna 37:9

Tua ciangin mang dang khat manin, a sanggamte kiangah gen a, "Ngai dih un, mang dang khat ka man hi, tu-a penin ni, kha le aksi sawm le khatte kei lamah kun uh hi," ci hi.

Piancilna 37:5

Joseph in mang khat mana, a sanggamte kiangah a gen ciangin amaute in amah mudah semsem uh hi.

Jeremiah 27:10

Na gam panun gamlapi-a a om theih nadingun zuauthu a genkhol uh hi-a, keimah in note hong delh khia-in, na mangthang ding uh hi.

Jeremiah 27:15

‘Amaute ka sawl kei hi’ TOPA in cikhia hi. ‘Amaute in kei minin zuau kam a sang uh hi. Tua ahi ciangin nang kong nawhkhia dinga nang le nang tunga zuau kam a sang kamsangpa na siakhawm ding uh hi,’ ci hi," ka ci hi.

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Ezekiel 22:28

A kamsangte in mangmuhna man lo le zuau aisanna tawh amau adingin hih gamtatnate a melh uh hi. Amaute in ‘TOPA thugen lohpi: ‘Hih in Thupipen TOPA gen ahi hi,’ ci uh hi.

Zechariah 13:3

Mi khatpeuh in mailam thu a gen lai leh a pianna a nu le a pa in, ‘TOPA minin zuau phuak na hi manin na sih kul ding hi,’ ci ding uh hi. Mailam thu a gen ciangin a nu le a pate in amah dawtlum ding uh hi.