Jeremiah 23:17 - Zokam International Version

¹⁷ Amaute in kei hong simmawhte tungah, ‘TOPA in: Lungnopna ngah niteh , ci hi,’ a ci den uh hi. Amaute lungsim khauhna a zui mite tungah, ‘No tungah siatna hong tung lo ding hi,’ a ci uh hi.

LAISIENGTHOU CL Bible (BSI)

¹⁷ Kei hing simmawte kungah thu agen ngitnget ua, muongtah in na um ding uh Mangpa’n achi hi, achi uhi, tualeh mi ama lungtang ngaituona banga, gamta zousie kungah sietna bangma na tung uah, atung sih ding hi,” achi uhi.

Zo Bible

¹⁷ Amate in Topa’ kammal a simmawte kungah, “Note adingin hing hoi na va,” a ci den mielmuol uhi; amau’ lungtang khauna banga khau taha a zui mi zosie kungah amate in, “Note tungah tuosietna ang tung sih ding hi,” a ci uhi.

Jeremiah 23:17 ပူးပေါင်းရင်းမြစ်များ

2 Samuel 12:10

Tua ahi ciangin tu-in na inn le namsau a kikhenkhia ngei kei ding hi, bang hang hiam cihleh kei nong simmawh a Hit mipa Uriah’ zi nang adingin na sut hi,’ ci hi.

Isaiah 30:10

Amaute in thumute tungah, "Mang mu nawn kei un!" ci uh a, kamsangte tungah, "Ko ading thumaan mangmuhna mu nawn kei un! Thu-nuam hong gen unla, hong khembawl un.

Isaiah 57:21

"Migilote adingin lungnopna a om kei hi," ka Pasian in a ci hi.

Jeremiah 13:10

Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi!

Jeremiah 18:12

Ahi hangin amaute in, ‘Khiatna nei kei, ka sawmsa bangun semsuak lel nung; ka vekun komau gitloh lungsim khauhna mah zui lel nung,’ hong ci ding uh hi," a ci hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 3:17

Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi.

Jeremiah 4:10

Tua ciangin, "Ah, Thupipen TOPA aw, ka gawluah namsau kitah napi, ‘Lungnopna na ngah ding uh hi’ ci-in hih mite le Jerusalem-te khem cihtakin a khem na hi hi" ka ci hi.

Jeremiah 5:12

TOPA thu ah zuau phuak uh a, "Amah in, bangmah hih kei! Ei tungah bangmah natna hong tung kei inteh; namsau le kialpi tuak kei ni.

Jeremiah 6:14

Amaute in ka mite liamma a nasia lo bangin tunsak uh a, kilemna om nai lopi, ‘Kilemna, kilemna,’ a ci uh hi.

Jeremiah 7:24

Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

Jeremiah 8:11

Amaute in ka mite liamma a nasia lo bangin tuamsak uh a kilemna om lopi, "Kilemna, kilemna," a ci uh hi.

Jeremiah 9:14

Tua sangsikin amaute lungtang khauhna zui uh a; a pate uh hilhsa bangin Baal nung a zuih hang uh ahi hi," a ci hi.

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Ezekiel 13:10

"‘Amaute in ka mite lam khialsak uh a, kilemna om lopi-in, "Kilemna," ci uh a; a muanhuai loin kulh ciang in leikang tawh zut lel uh ahi manin

Ezekiel 13:19

Mangbuh-ham khut dim khat le anlum them khat ngah nadingin ka mite lakah kei nong thanghuaisak uh hi. Ka mite khemin na thu uh a ngaite a si lo dingpi sisakin a hing lo dingpi na hingsak uh hi. c

Ezekiel 13:22

Kei lungkhamsak lohin thumaan mite khemin na lungkiatsak man uh le migilote a gamtat hoih lohna panun a kihei loh ding uh hanthawnin tua bangin a nuntakna uh na husak uh hi.

Amos 9:10

Ka mite lakah mawh neite, ‘Ei tungah siatna hong tung loin zong i mukha kei ding hi,’ a cite namsau-in a si ding uh hi.

Micah 2:11

Zuauphuak le mikhem khat hong pai-in, ‘No ading zu tampi le zucil a om nadingin kam kong sansak ding hi,’ hong cileh amah hih mite deih kamsang hi lian ve!

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Micah 3:5

TOPA gen hih ahi hi: "No kamsangte in ka mite lam a khialsak, amaute in an hong vak uh leh amaute lungnopna tangkosakin hong vak kei uh leh gal tuah ding na gelkholhsak uh hi.

Zephaniah 1:12

Tua hun ciangin meivak zangin Jerusalem ka zong dinga, amah bek nuam a sate, lenggah zu tawdat banga, "TOPA in a sia a pha bangmah bawl lo hi,’ a cite dan ka tuaksak ding hi.

Zechariah 10:2

Milimte in zuau kam pau-in, khongkhaite in mangmuhna-zuau mu uh hi; amaute in amaan lopi-in mang khia uh a, a mawkna-in a hehnem uh hi. Tua ahi ciangin mite tuu bangin vakzau uh a, a cing nei lo tuu bangin amaute a kinengniam hi.

Malachi 1:6

"Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?" Thahatpen TOPA in a ci hi. Siampite aw, ka min a simmawh note na hi uh hi. "Ahi hangin, ‘Na min bangci simmawh ka hi uh hiam?’ ci-in nong dong uh hi.

Misimna 11:20

na ikkhiat dong, na kih dongun kha khat hul na ne ding uh hi - bang hang hiam cih leh note laka om TOPA na nial uh a, ama mai-ah kapin, "Bang hangin Egypt nusia i hi hiam?" na ci uh hi," ci in," a ci hi.

Luke 10:16

"No thu hong ngaite, kei thu ngai ahi hi; no hong nolhte, kei hong nolh ahi hi; ahi hangin kei hong nolhte, kei hong sawlpa nolh ahi hi," a ci hi.

Thupiakkikna 29:18

Tuni-in note lakah numei ahi-a pasal ahi zongin, bawng’ ahi-a beh ahi zongin kuamahpeuh TOPA eite Pasian panin kiheikhia-a, tua minamte pasiante a biak loh nadingun na lungsim uh kiciansak un; note lakah tua banga gukha zung na khak loh nadingun kiciantakin om un.

Thupiakkikna 29:19

Tua bang mite in hih kiciamna kammal a zak ciangin amah le amah kici in, "Keima thu-in ka tatsuak hangin ka suakta veve ding hi," ci-in kingaihsun kha ding hi. Hih in tui a ngah leitang tung le a keu a leitang tungah siatna a tungsak ding hi.

1 THESSALONIKA 4:8

Tua ahi manin hih lamlahna a nialte, mihing nial hi loin note ama Khasiangtho hong pia Pasian nial ahi hi.

1 Samuel 2:30

"Tua ahi ciangin TOPA, Israel Pasian, in; ‘Nang innkuanpihte le na pa innkuanpihte in ka mai-ah na na sem den ding uh hi,’ cikhia hi. Ahi hangin tu-in TOPA in, ‘Ahi peuhmah kei ding hi! Kei hong pahtawite ka pahtawi dinga, kei hong simmawhte ka neu-et ding hi.