Jeremiah 23:16 - Zokam International Version

¹⁶ Hih in Thahatpen TOPA gen ahi hi: "No tunga thu hong gen kamsangte thu ngai kei un, lametna zuau tawh note hong dim uh hi. Amaute in amau lungsima suaktawm thu hong gen uh hi; TOPA kam sung pan hi lo hi.

LAISIENGTHOU CL Bible (BSI)

¹⁶ Galkapte Mangpa Pasian in tambangin agen hi: “Guolneiten na kung ua thumavang agente uh ngaikhe sih un, bangmalou ahing suo ua, Mangpa kam a thupawt hilouin, amauh lungtanga angaituote uh agen uhi.

Zo Bible

¹⁶ Vanglien Topa in tam bangin gen hi: Na kung vuah thu hing genin note ang sol kamsangte’ thugente ngai sih un; amate in a lungsim sung vua a geltawm uh thute ang gen uh ahi bo a, Topa’ kam sung pan hi lo hi.

Jeremiah 23:16 ပူးပေါင်းရင်းမြစ်များ

1 Kumpite 22:11

Tua laitakin Kenaanah tapa Zedekiah in sik kite bawl a, "TOPA thugen hih ahi hi: ‘Aram-te a kisiat khit matengin hihte tawh na piik ding uh hi,’ ci hi," ci-in a gen hi.

2 Kumpite 17:15

Amaute in a pate uh tawh a bawl ama thukipte, a thukhunte le a vauhilhnate a nial uh hi. Amaute in kimanna nei lo milimte zui uh a, amau mah kimanna nei lo a suak uh hi. TOPA in amaute tungah, "Amaute hih bangin hih kei un," ci-in thu pia napi amaute in a kim a pam ua om minamte sun uh a, TOPA in amaute sep ding a khamte a sem uh hi.

2 Khangthute 18:5

Tua ciangin Israel kumpipa in kamsangte - pasal zali - kaikhawm a, amaute tungah, "Ramoth Gilead sim dingin ka kuan ding uh hiam, ahikeh ka thuak lel ding uh hiam?" ci-in a dong hi. Amaute in, "Pasian in kumpipa khut sungah hong pia ding ahi manin kuan un," ci-in a dawng uh hi.

Paunakte 19:27

Ka tapa aw, lamlahna na ngaih nawn kei leh theihna panin na pial ding hi.

Jeremiah 14:14

Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.

Jeremiah 2:5

TOPA gen hih ahi hi: "Na pate un kei tungah bang khialhna mu a, kei kiang panin gamlapi gammang uh ahi hiam? Amaute in kimanna nei lo milimte nung zui uh a, amau mahmah kimanna nei lo a suak uh hi.

Jeremiah 23:21

Hih kamsangte kei sawl lohpi amau thusuak tawh a taikhia uh hi a; ka hopih lohpi-in thu a gen uh hi.

Jeremiah 23:26

Amaute lungsim sunga suak peuh a gen zuauthei kamsangte lungsim ah hihte bangtan vei suak lai ding ahi hiam?

Jeremiah 29:23

Ahang in, amaute in Israel gamah mawhna siahuai bawl uh a; a vengte uh zite’ angkawmin kei sawl lohpi ka minin zuauthu a gen uh hi. Kei mah in ka thei a, teci ka hi hi," TOPA in cikhia hi.

Jeremiah 29:8

Hihi, Israel Pasian Thahatpen TOPA gen hih ahi hi: "Note laka kamsangte le aisante kikhemzosak kei un. Mang man dinga hong hanthawnna uh na ngai kei un.

Jeremiah 9:12

Hih thu a theitel ding mipil kua om ahi hiam? TOPA in kua lamlaka telgen thei ding ahi hiam? Bang hangin kuama kantan theih loh dingin hih gam kisia-in sehnel-gam bangin gamvalin kikoih ahi hiam?

Jeremiah 9:20

Tu-in numeite aw, TOPA kammal za un; ama muk pana kammalte na bil uh dawh un. Na tanute uh kahzia ding hilh un; khat le khat tamlawhna kihilh un.

Tamlawhna 2:9

A kongpite lei sungah tumin a kalhnate sutan a, a susia hi. A kumpipa le a kumpi tapate minamte lakah salin kikai a, thukham om nawn loin kamsangte in TOPA tung pan mang a mu nawn kei uh hi.

Ezekiel 13:16

Jerusalem a tung ding genkhol a, kilem nading mang a mu ahi hanga kilemna lah a tung lo, kam a sangte le kulh a maimang ta ding hi, ‘Thupipen TOPA in cikhia hi," kong ci ding hi,’ a ci hi.

Ezekiel 13:23

Tua ahi manin a maan lo mang na mu nawn kei ding uh a, amaan lo ai na san nawn kei ding uh hi. Note khut panin ka mite ka honkhia ta ding hi. Tua ciangin keimah TOPA ka hilam na thei ding uh hi,’ ci-in gen in," hong ci hi.

Ezekiel 13:3

Hih in Thupipen TOPA gen ahi hi: Amaute ngaihsutna zui-a bangmah a mu lo kamsang haite a aw, gimna nak thuak na nucia!

Ezekiel 13:6

A mangmuhna uh khial uh a, a aisanna uh zuau ahi hi. Amaute in, "TOPA gen hi," ci uh a, TOPA in a sawl lohpi amau kammal a tangtung dingin a lamen zawlai uh hi.

Ezekiel 22:28

A kamsangte in mangmuhna man lo le zuau aisanna tawh amau adingin hih gamtatnate a melh uh hi. Amaute in ‘TOPA thugen lohpi: ‘Hih in Thupipen TOPA gen ahi hi,’ ci uh hi.

Micah 2:11

Zuauphuak le mikhem khat hong pai-in, ‘No ading zu tampi le zucil a om nadingin kam kong sansak ding hi,’ hong cileh amah hih mite deih kamsang hi lian ve!

Matthew 7:15

"Kamsang zuaute hangin na kigalging un. Amaute tuuvun silhin note kiangah hong pai uh hi; ahi hangin amaute sunglam, ngia hangsan ahi hi.

Rome-te 1:21

Tua hi-a amaute in Pasian thei napi Pasian bangin minthangsak lo in ama tungah lungdamna a ko kei uh hi. Ahi hangin amaute ngaisutte thu ginalo suakin a lungtang haite uh a mialcip hi.

1 John 4:1

Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.