Jeremiah 23:11 - Zokam International Version

¹¹ "Kamsangte le siampite in pasian nei lo uh a; ka biakinnpi sung nangawnah a gitlohna uh ka mu hi," TOPA in cikhia hi.

LAISIENGTHOU CL Bible (BSI)

¹¹ “Aziehpen guolneite leh siempute’n, Pasian khawh asa sih ua, ka inn sung ngel ah agitlouna uh ka mu hi, Mangpa’n achi hi.

Zo Bible

¹¹ Kamsangte le siempute in a ni gelin Pasien a zatah sih uhi; ka biehinn sung nangawnah a gitlona uh ka mu hi, Topa in ci hi.

Jeremiah 23:11 ပူးပေါင်းရင်းမြစ်များ

2 Khangthute 33:5

TOPA biakinnpi tualte gel ah aksi honte khempeuh biak nading biakna-tau a dawh hi.

2 Khangthute 33:7

Amah in a kikhuaksa milimte la-in Pasian biakinnpi sungah koih hi; tua mun pen Pasian in David le a tapa Solomon tungah, "Hih biakinnpi sung le Jerusalem sung pen Israel behte khempeuh pana ka teelkhiat hi-a ka Min ka koih tawntung nading ahi hi.

2 Khangthute 36:14

Tua ban lai-ah siampi makaite khempeuh le mipite muanhuai lo semsem uh a, minamte kihhuai gamtatnate khempeuh zui-in amah in Jerusalem a, a apsa TOPA biakinnpi a buahsak hi.

Ezra 10:18

Siampite suante lak panin gamdang numei a tenpih anuai-a te ahi hi: Jozadak tapa Jeshua sanggampate suante panin: Maaseiah, Eliezer, Jarib, le Gedaliah,

Jeremiah 11:15

"Ka lawmnu in tampi tawh gitlohna a sep khit nungin ka biakinn ah bang hong hih nawn ding ahi hiam? Sa apna in na dantuah ding uh kipelhsak thei tuan ding hiam? Gitlohna na bawl uh ciangin na lungnuam a uh hi."

Jeremiah 23:15

Tua ahi ciangin kamsangte tawh kisai-in TOPA gen hih ahi hi: "Amaute ankhaa ka nesak dinga, gu kisawh tui ka dawnsak ding hi, bang hang hiam cih leh Jerusalem-a kamsangte tungpanin pasian-milohna gamsung tengah kizel hi."

Jeremiah 32:34

Amaute in ka Min kilawhna inn sungah a kihhuai milimte koihin ninsak uh hi.

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Jeremiah 50:6

"Ka mite tuu kimansuah hi uh a, amau a cingte in lam khialhpihin mualtungah a vaksak kawikawi uh hi. Muallian mualneu tungah amaute vak kawikawi uh a, amau neihsa khawlmun a mangngilh uh hi.

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Jeremiah 7:30

" ‘Judah mite ka mitmuhin a hoih loin gamta uh hi, TOPA in cikhia hi. Amaute in ka Min kilawhna inn sungah a kihhuai a milimte uh koih uh a, a ninsak uh hi.

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

Tamlawhna 2:20

"TOPA aw, hong en inla hong ngaihsun dih in: Hih bangin kua bawl ngei na hi hiam? Numeite in amau sunga piang a khoisa uh a tate uh ne ding uh ahi hiam? Topa munsiangtho sungah siampite le kamsangte kithat ding ahi hiam?

Ezekiel 23:39

Amaute in milimte tungah a tate uh biakna-a a piak ni mahmah un, ka munsiangtho ah lut uh a, a ninsak uh hi. Ka inn sungah amaute gamtatna tua bang ahi hi.

Ezekiel 44:10

" ‘Kei kiang panin taikhia-a a milimte uh nung a zui Levi-te in amaute mawhna a banbanin a thuak ding uh hi.

Ezekiel 7:20

Amaute in a kizepnate uh melhoihna kisaktheihpih uh a, a kihhuai milimte le milim zepna-in a bawl uh hi. Tua ahi ciangin amau adingin tuate a siang lo na ka suaksak ding hi.

Ezekiel 8:11

Tuate mai-ah Israel innkuan upate sawmsagih dinga amaute lakah Shaphan tapa Jaazaniah a ding hi. Amaute khut sungah gimnamtui kuang khat ciat tawi uh a, gimnamtui khu a zaamto hi.

Ezekiel 8:16

Tua ciangin amah in TOPA inntual sungnungah hong puak a, tua lai-ah biakinnpi lutna mun innlim le biakna-tau kikal ah pasal sawmnih le nga ding khawng a na om hi. Tua biakinnpi nungngatin nisuahna-lam nga uh a, nisuahna lama ni bia-in a kun uh hi.

Zephaniah 3:3

A uliante humpinelkai hawk hi uh a, a gam-ukte a zing-an ding bangmah a nei lo khuamial kuana keivomte ahi uh hi.

Zephaniah 3:4

A kamsangte uh ki-uangsakin zuautat mi hi uh hi. A siampite in mun siangtho thanghuaisak uh a, thukham tungah a ngongtat uh hi.