Jeremiah 22:19 - Zokam International Version

¹⁹ Amah laa khat kivui bangin - Jerusalem kongpite pualam ah kikaikhia in a kipai ding hi," a ci hi.

LAISIENGTHOU CL Bible (BSI)

¹⁹ Jerusalem kulpikotte pulam a talkai leh, paidoh a um in sabiltung kivui bangin akivui ding uhi.

Zo Bible

¹⁹ Ama pen laa si a kivui khat bang lelin kivui ding a, Jerusalem tunkot pulamah kikai phitin kipai ding hi.

Jeremiah 22:19 ပူးပေါင်းရင်းမြစ်များ

1 Kumpite 14:10

"‘Hih thu hangin Jeroboam innkuan tungah siatna ka tungsak ding hi. Jeroboam panin Israel sunga pasal khempeuh sila, sila lo ka satmai ding hi. Mi khat in a tum siang dongin ek a hal bangin Jeroboam innkuan ka haltum ding hi.

2 Kumpite 23:36

Jehoiakim kumpi a suahin a kum sawmnih le nga pha a, Jerusalem ah kum sawm le khat sung a uk hi. A nu min Zebidah hi a, Pedaiah tanu hi-in amah Rumah pan ahi hi.

2 Kumpite 24:6

Jehoiakim a pate tawh tawlnga khawm hi. Tuateh a tapa Jehoiachin in a kumpi za a luah hi.

2 Kumpite 9:35

Ahi hangin amaute a vui dingin a kuankhiat uh ciangin a luguh le a khutte le a khete longal bangmah a mu kei uh hi.

2 Khangthute 36:6

Babylon kumpipa Nebuchadnezzar amah sim dingin kuanto-a Babylon a paipih dingin kol a bulh hi.

Thuhilhna 6:3

Mi khat in ta za khat nei-in kum tampi nungta thei hi; amah bang tanvei nungta taleh ama daupaina a nopsakpih kei a, a kivui ding banga a kivui kei leh amah sangin lamhzui naungeek hoihzaw hi.

Jeremiah 15:3

Amaute tungah suksiatna nam li ka tungsak ding hi," TOPA in cikhia a, thah nading namsau, a tuahmang dingin ui, a susia ding le a nemang dingin huihlak vasate le leitunga ganhingte ka sawl ding hi.

Jeremiah 36:30

Tua ahi ciangin Judah kumpipa Jehoiakim tawh kisai TOPA thugen hih ahi hi: Amah in David kumpi tokhom tunga tu ding mi khat beek nei lo dinga; ama pumpi kilawnkhia-in sunin nisa lak le zanin daingo lakah a kipaidak ding hi.

Jeremiah 36:6

Tua ahi ciangin antan ni khatin TOPA inn ah va pai inla laizial sunga na gelh kong sit TOPA kammalte mite zakin va sim in. Amau khuapi tek pana hong lut Judah mi khempeuh zakin va sim in.

Jeremiah 8:2

Amaute in itin a na a sep uh, a nung zui-in thu dongin a biak uh - nipi, khapi le vante a aksite khempeuh tungah a kiphokhia ding hi. Amaute kikhawm lo kiphum lo dinga leilakah a ki-eknusiat lel ding hi.

Ezekiel 19:8

Tua ciangin a kimkot panin amah do dingin minamte kuan uh hi. A lenthang uh zaak uh a, amaute’ gum sungah awksak uh hi.

Ezekiel 39:5

Keimah in ka gensa ahi manin gam sungah na puk ding uh hi, Thupipen TOPA in cikhia hi.