Jeremiah 21:7 - Zokam International Version

⁷ Tua khit ciangin TOPA in, ‘Judah kumpipa Zedekiah, a uliante le hih khuapi mi - pulpi, namsau le kialpi pana suakta lai sun teng tawh amaute a that nuam Babylon kumpipa Nebuchadnezzar le a galte uh tungah ka pia ding hi. Amah in hehpih lo, lainat lo, khuatuah loin namsau in a that ding hi,’ ci hi.

LAISIENGTHOU CL Bible (BSI)

⁷ Khum nua chiengin, Keima’n Juda leengpa Zedekiah leh asuohte leh mipite leh tam khopi sunga hipi apata suohtate leh namsau leh kiel a pat a suohtate khu, Babilon leengpa Nebukadnezzar khut leh amelmate uh khut leh ahinna uh tha tum a suite khut ah ka pedoh dinga, amaute namsau in athat dinga, koima ahinkhawisih dinga, ahepisih dinga, akhotuo vawt sih ding hi.

Zo Bible

⁷ Tua zaw ciengin Topa in kang ci-in, keima in Judah Kumpipa Zedekiah, ama’ nasemte, le tam khuopi sunga teng mite- pul natna, namsau, le kielpi pana a suohta lai teng tawh a hinna uh tha dinga a sui Babylon kumpi Nebuchadnezzar’ khut sung le a galte khut sungah ka pie ding hi. Ama in a hiem namsau tawh amate a satlia ding hi; ama in amate khuotuo loin zong hinkhawi lo ding a, lainatna kici zong nei lo ding hi.

Jeremiah 21:7 ပူးပေါင်းရင်းမြစ်များ

Isaiah 27:11

A hiang mengte a keu ciangin kitan a numeite pai-in singin a cih uh hi. Ahang in, hih mite in a theitel kei uh hi; tua ahi ciangin amaute a Bawlpa in amaute khuatuah lo a, amaute a Piangsakpa in amaute a angvan kei hi.

Isaiah 47:6

Ka mite tungah ka heh a, ka gouluah ka ninsak hi; amaute na khut sungah kong pia-a, nang lainatna na lak kei hi. A khanghamte tung nangawn ah hakkol gik mahmah na suan hi.

Jeremiah 13:14

Khat le khat ka kisuzansak dinga pate le tapate zong a kibangin ka kisusak ding hi, TOPA in cikhia hi. Amaute hehpih lo, lainat lo, khuatuah loin ka susia ding hi, ci hi, ‘va ci un," a ci hi.

Jeremiah 14:12

An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

Jeremiah 15:5

"Jerusalem aw, kua in nang hong hehpih ding ahi hiam? Kua in nang hong kah ding ahi hiam? Na omzia dong dingin kua hong baang ding ahi hiam?

Jeremiah 15:9

Ta sagih a nei nupi, khakham vei-in a husam ding hi. Suntangpi-in ama ni tum dinga; tuanu zahlaakin a mindai ding hi. A nungta lai sunte a galte uh mai-ah namsau a thah dingin ka koih ding hi," TOPA in cikhia hi.

Jeremiah 19:7

" ‘Hih munah Judah le Jerusalem geelna ka siasak a ding hi. Keimah in a that nuamte khutah amaute ka pia dinga a galte uh mai-ah namsau in a si ding uh hi; a luangte uh huihlak vasate le leitung ganhingte an dingin ka pia ding hi.

Jeremiah 20:4

Ahang in, hih in TOPA gen ahi hi: ‘Nang le na lawmte lau nadingin kong bawl dinga a galte un namsau in amaute a thah uh na mu ding uh hi. Judah-te khempeuh Babylon kumpipa tungah kipia dinga amah in Babylon ah paipih in namsau in a that ding hi.

Jeremiah 22:25

Nang hong that nuam na kihtak - Babylon kumpipa Nebuchadnezzar le Babylon mite d tungah kong pia ding hi.

Jeremiah 27:6

Tu-in ka nasem Babylon kumpipa Nebuchadnezzar tungah na gam khempeuh uh ka ap ding hi; gamsate nangawn ama nasem ka suaksak lai ding hi.

Jeremiah 32:4

Babylon mite a khut panin Judah kumpipa Zedekiah a suakta kei dinga ahi hangin Babylon kumpipa khutah ki-apin amah tawh kimaituahin kiho ding uh a, ama mit mahmah in mu ding hi.

Jeremiah 34:3

Ama khut panin nang na suakta kei dinga, hong kimanin a khutah hong ki-ap ding hi. Na mit mahmah in Babylon kumpipa na mu dinga kimaituahin nang hong hopih ding hi. Tuateh Babylon ah na pai ding hi.

Jeremiah 36:29

Judah kumpipa Jehoiakim tungah zong gen inla, ‘Hih in TOPA gen ahi hi: Nangmah in laizial haltumin, "Bang hangin Babylon kumpipa hong pai pelmawh dinga, hih gam susia-in mihing ganhing thatmang khin ding hi, ci na hi hiam?"

Jeremiah 37:17

Tua ciangin kumpipa Zedekiah in a kumpi inn ah a paipih dingun vaikhak a, tua lai-ah amah guakin, "TOPA tung pan thu khatpeuh a om hiam?" ci-in a dong hi. Jeremiah in, "Om mah, Babylon kumpipa tungah nang hong kipia ding hi," ci-in a dawng hi.

Jeremiah 50:17

"Israel ahileh humpinelkaite in a delhmang, a kithehthang tuuhon ahi hi. A masapena amaute a valh Assyria kumpipa hi a; a nunung pena a guhte uh a teeptum Babylon kumpipa Nebuchadnezzar ahi hi," a ci hi.

Tamlawhna 2:20

"TOPA aw, hong en inla hong ngaihsun dih in: Hih bangin kua bawl ngei na hi hiam? Numeite in amau sunga piang a khoisa uh a tate uh ne ding uh ahi hiam? Topa munsiangtho sungah siampite le kamsangte kithat ding ahi hiam?

Tamlawhna 2:22

"Pawi bawl ni-a mite sap bangin hong lausak dingte mun khempeuh panin na sam hi. TOPA heh ni-in a suakta a omlai khat beek a om kei hi; ka don ka kepte lah ka galte in a susia ta hi.

Ezekiel 23:28

"Ahang in, hih in Thupipen TOPA gen ahi hi: Keimah in na muhdahte tung, kiha na lehngatsante tungah nang kong pia ding hi.

Ezekiel 7:9

Hehpihna tawh hong en loin kong hawi kei dinga; na gamtatna uh le a kihhuai na gamtatnasate uh tawh kizui-in kong thuk kik ding hi. Tua ciangin note in tua banga hong thuaksak keimah TOPA ka hilam na thei ding uh hi.

Ezekiel 8:18

Tua ahi manin amaute ka hehna ka thuaksak ding hi; Hehpihna tawh en loin ka zah tuan kei ding hi. Ka bil ah hong kiko uh hangin a gen uh ka ngai kei ding hi," hong ci hi.

Ezekiel 9:10

Tua ahi ciangin amaute hehpih lo, zah tuan loin a sepsate uh amau lu tungah ka tusak ding hi," hong ci hi.

Thupiakkikna 28:50

a kihtakhuai - uhamte a zahtak lo, khangmoite a hehpih lo minam khat muvanlai leilut bangin hong kuansak ding hi.