Jeremiah 21:6 - Zokam International Version

⁶ Hih khuapi sunga teng - a mihing a ganhingin ka sattukkhawm dinga - amaute a lauhuai pulpi-in a si ding uh hi.

LAISIENGTHOU CL Bible (BSI)

⁶ Tam khopi sunga tengte ami asa in ka satlum dinga, natna hipi huoisetah in ashi ding uhi.

Zo Bible

⁶ Tuale keima in tam khuopi sunga tengte a mi a sa pumin ka satlia ding a, pulnatna lienpi tawh amate a si sieng ding uhi.

Jeremiah 21:6 ပူးပေါင်းရင်းမြစ်များ

Piancilna 6:7

Tua ahi manin TOPA in "Ka piansaksa mihing - mite le ganhingte, a bokvak ganhingte le huihlak vasate, lei maitang panin ka phiat siang ding hi, ahang in amaute ka bawl ka dah hi," a ci hi.

Isaiah 6:11

Tua ciangin, "Topa aw, bang tan sawt lai ding hiam?" ka ci hi. Tuateh amah in: "Khuapite kisia-in kuamah a ten nawnloh ciang, innte ah kuamah giak loin a kinusiat ciang, le lote tulin gamkhing a suah ciangin,

Jeremiah 14:12

An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

Jeremiah 16:4

"Amaute sih-natna in a si ding uh hi. Amaute kuamah in kah loin kuamah in zong vui lo dinga, leilakah a ki-ek nusiat ding hi. Amaute namsau le kialpi-in simang ding uh a, a misiluangte uh huihlak vasate le leitung ganhingte an a suak ding hi," a ci hi.

Jeremiah 20:4

Ahang in, hih in TOPA gen ahi hi: ‘Nang le na lawmte lau nadingin kong bawl dinga a galte un namsau in amaute a thah uh na mu ding uh hi. Judah-te khempeuh Babylon kumpipa tungah kipia dinga amah in Babylon ah paipih in namsau in a that ding hi.

Jeremiah 32:24

"En in, khuapi lak nadingin leivumte in ki-umcih ta hi. Namsau, kialpi le pulpi hangin amaute a sim Babylon mite tungah khuapi kipia ding hi ta hi. Tu-a na muh bangin na gensate tung ta hi.

Jeremiah 33:12

"Thahatpen TOPA gen hih ahi hi: ‘Mihing ganhing omlohna hih mun - khuapite khempeuh ah tuucingte tuucin nading lonona mun le tuuhonte khawl nading mun a om kik ding hi.

Jeremiah 34:17

"Tua ahi ciangin TOPA hong gen hih ahi hi: Ka thu nong mang kei uh a, na gam mipihte uh suahtakna na tangko kei uh hi. Tua ahi ciangin tu-in keimah in note suahtakna - namsau, kialpi le pulpi-a pukna ka tangko hi, TOPA in cikhia hi. Keimah in note leitung kumpi-gam khempeuh lipkhap kong suaksak ding hi.

Jeremiah 36:29

Judah kumpipa Jehoiakim tungah zong gen inla, ‘Hih in TOPA gen ahi hi: Nangmah in laizial haltumin, "Bang hangin Babylon kumpipa hong pai pelmawh dinga, hih gam susia-in mihing ganhing thatmang khin ding hi, ci na hi hiam?"

Jeremiah 42:22

Tua ahi ciangin tu-in hih thu tel un: Note pai-a na tun nopna uh munah namsau, kialpi le pulpi-in na si ding uh hi," a ci hi.

Jeremiah 7:20

"Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi.

Ezekiel 12:16

Ahi hangin minamte laka a paina peuhpeuh uah a kihhuai amau gamtatnate khempeuh a phawk nadingun namsau pan, kialpi le pulpi panin amaute tawmkha bek ka sit ding hi. Tua ciangin amaute in keimah TOPA ka hilam a thei ding uh hi.," hong ci hi.

Ezekiel 14:13

"Mihing tapa aw, gam khat in muanhuai loin kei langah mawhna a bawl leh a langkhatah ka khut zanin a an ngahna ka khaktansak dinga, kialpi tungsakin a mihing a ganhingin ka that dinga

Ezekiel 14:17

"Ahi kei leh tua gamah namsau sawlin, ‘Gamsung khempeuh namsau vatsuaksak un,’ ci-in a sunga mite le ganhing teng thatsak leng,

Ezekiel 14:19

"Ahi kei leh tua gam sungah pulpi tungsakin ka thangpaihna sisan luanna-in zangin khua sungah mihing ganhing thatsak leng

Ezekiel 14:21

"Ahang in, Thupipen TOPA thugen hih ahi hi: Jerusalem ah a sunga mihing ganhing a that dingin a lauhuai ka thukhenna nam li - namsau, kialpi, gamsa gilo le pulpi-te ka tunsak ciangin siahuai si incia!

Ezekiel 33:27

"Amaute kiangah hih thu gen in: ‘Hih in Thupipen TOPA gen ahi hi: Ka nuntakna ka lo hi, a kisiasa gam sunga a kinusiate namsau in a puk ding uh hi; khuaneu-a omte gamsa gilote nek dingin ka pia dinga, suanghawm sung le kulh muanhuai sunga omte pulpi in a si ding uh hi.

Ezekiel 33:29

Amaute in a kihhuai na khempeuh a sep manun a gam uh gamkhing ka suahsak ciangin amaute in keimah TOPA ka hilam hong thei ding uh hi,’ ci hi.

Ezekiel 7:15

"A pua ah namsau, a sungah pulpi le kialpi; gam sunga omte namsau in si ding uh a, khuapi sunga omte kialpi le pulpi in a nawmvalh ding hi.

Hosea 4:3

Hih thu hangin leitang thum b in, a tunga teng khempeuh a maimang hi; gam sunga gamsate, huih lak-a vasate le, tuipi sunga ngasate a si ding uh hi.

Micah 3:12

Tua ahi ciangin nangma hangin Zion khua sung lo bangin kikho dinga, Jerusalem ninkholnapi suakin, biakinnpi omna mual gammang lak a suak ding hi.

Zephaniah 1:3

"Mihing ganhing ka phiatmai khawm dinga; huihlak vasate le tuipi sunga ngasate ka phiatmai ding hi. Lei maitang panin mite ka khenkhiat ciangin migilote in van sia lomtang a bek a nei ding uh hi," TOPA in cikhia hi.

Luke 21:24

Amaute namsau in puk ding uh a, minamte khempeuh thongkiate bangin a kai ding uh hi. Gentile-te hunte a tangtun kim khit matengin Gentile-te in Jerusalem a tuancil ngi-ingei ding uh hi.