Jeremiah 21:5 - Zokam International Version

⁵ Kei mahmah in hehsa lungsosa thangpai mahmah kawmin a thahat ka khut ka zankhia dinga note kong do ding hi.

LAISIENGTHOU CL Bible (BSI)

⁵ Tualeh keima ngel in, lungthahtah leh thangpai pum in ka banzah in, ka banthahattah zangin noute kang dou ding hi.

Zo Bible

⁵ Kei mama in lungthahna, lungsona le thangpaina lienpi tawh ka khut zahin ka banhat tawh note kang do ding hi.

Jeremiah 21:5 ပူးပေါင်းရင်းမြစ်များ

Paikhiatna 6:6

Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Paikhiatna 9:15

Ahang in, tu mahmah in ka khut zankhia in, nang le na mite leitung pana hong phiatmang ding pulpi kong tungsak thei hi.

Isaiah 10:4

Thongkiate lakah toncip ding ahikeh a kithatte lakah puk ding longal bangmah dang a om kei hi. Hizahta hi khin napi a hehna dai tuan loin a khut liikto lailai hi.

Isaiah 5:25

Tua ahi ciangin TOPA hehna a mite langkhatah kuangin a khut vikto-a amaute a sattuk hi. Mual liante kiling a, misi luangte kongzinga nin lompi bang hi. Hizahta khit nangawnin a hehna dam nai lo lai-a, a khut a vikto lailai hi.

Isaiah 63:10

Tua hi napi amaute in lehdo uh a, ama Khasiangtho a dahsak uh hi. Tua ciangin amah kihei-in amaute gal suak a, amah mah in amaute a do hi.

Isaiah 9:12

Nisuahna pan Aram mite le nitumna pan Philistia-te kamka-in Israel-te a nawmvalh uh hi. Hihzahta hi khin napi a hehna dai tuan loin a khut liik lai hi.

Isaiah 9:17

Tua ahi ciangin khangnote tungah Topa lungkim lo dinga, pa nei lote le meigongte a hehpih tuan kei ding hi; ahang in, mi khempeuh in pasian nei loin gilo uh a, kam khauh vive a pau uh hi. Hizahta hi khin napi a hehna dai tuan loin a khut liikto lailai hi.

Isaiah 9:21

Ephraim-in Manasseh kivak dinga, Manasseh-in Ephraim a kivak ding hi; amaute in Judah a langpan khawm ding uh hi. Hizahta hi khin napi a hehna dai tuan loin a khut liikto lailai hi.

Jeremiah 32:17

"O, Thupipen TOPA, na khut zanin na vanglianpi tawh leitung le vantung na bawl khin hi. Nang adingin bangmah a haksa lua kei hi.

Jeremiah 32:37

Heh lua thangpai lua-a ka nawhkhiatna gam khempeuh panin amaute ka kaikhawm dinga; hih munah maute puak kikin lungnuamtakin ka tengsak ding hi.

Jeremiah 36:7

Hih mite tunga TOPA zaksak a hehna le a thangpaihna lian ahi manin TOPA mai-ah amaute thumin a gitlohna panun a kikhel kha thei ding uh hi," a ci hi.

Jeremiah 37:10

Note in hong sim Babylon c galkapte zo lua kisa-in a puanbuk sunguah a liam teng bek na nusia zawzen uh zongin hong paikhia-in hih khuapi a haltum veve ding uh hi," a ci hi.

Jeremiah 6:12

Tua gama teng mite tungah ka khut ka zankhiat ciangin a inn a lote uh le a zite uh midangte tungah kipia ding hi." TOPA in cikhia hi.

Tamlawhna 2:3

Heh mahmah a, Israel’ ki e khempeuh a attan hi. A sim dinga kuan galte a nai ciangin a khut a dokkik hi. Amah in meikuang bangin Jacob hal a, tua in a kima om na khempeuh a hultum hi.

Ezekiel 39:3

Tua ciangin na veilam khuta na thal ka bengkhia dinga, na taklam khuta na thaltang ka kiasak ding hi.

Ezekiel 5:8

"Tua ahi ciangin hih bangin Thupipen TOPA in gen hi: Nang Jerusalem langkhatah kei mahmah ka pang dinga minamte muhna-ah dan kong tuaksak ding hi.

Thupiakkikna 4:23

TOPA note Pasian in no tawh a bawl thukhun na mangngilh khak ding uh kidawm un; TOPA note Pasian in a kham na khatpeuh tawh a kisun lim bawl kei un.

Thupiakkikna 4:34

TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?