Jeremiah 20:2 - Zokam International Version

² kamsangpa Jeremiah satin kolbulh a, Benjamin Kongpi Saknung a TOPA biakinnpi ah a koih hi.

LAISIENGTHOU CL Bible (BSI)

² Tuachi’n Pashur in Jeremiah avua-a, Mangpa inn kunga um, Benjamin kulkot sahta zaw a kul sungah akoltang sahta hi.

Zo Bible

² Tua ciengin Pashhur in kamsang Jeremiah sat gawp a, Topa’ biehinn sunga Benjamin Tunkot tungnung ah kol a bul hi.

Jeremiah 20:2 ပူးပေါင်းရင်းမြစ်များ

1 Kumpite 13:4

Pasian mipa in Bethel a biakna-tau langkhat ah a otsan lam Kumpi Jeroboam in a zak ciangin biakna-tau panin a khut zan phei a, "Amah man uau!" a ci hi. Ahi hangin mipa lama a zan ama khut keugaw-a a ton kik thei nawn kei hi.

1 Kumpite 22:27

‘Kumpipa in: Bittaka kong tun kik mateng hih pa thong sungah khumin anlum le tuisik longal bangmah pia kei un, ci hi,’ ci-in gen un," ci-in thu a pia hi.

2 Khangthute 16:10

Hih thu hangin thumupa tungah Asa a heh hi; amah heh lua ahi manin thong sungah a khum hi. Tua hun mahin Asa in mi pawlkhat zong khelbawl gawpin a nengcip hi.

2 Khangthute 18:23

Tua ciangin Kenaanah tapa Zedekiah paitoin Micaiah maitang a beng hi. Amah in, "Na tunga thugen dingin TOPA pana kha a in cikin kei hong paisan ahi hiam?" ci-in a dong hi.

2 Khangthute 24:21

Ahi hangin amaute in amah sawmsim uh a, kumpipa thupiakna tawh TOPA biakinnpi tual ah suangin a denglum uh hi.

Job 13:27

Ka khete sikkolpi in na hen hi; ka khekhap na ciaptehna tawh ka paina khempeuh ah naitakin nong encik hi.

Job 33:11

Amah in ka khe ah kol hong bulh a, ka lampi khempeuh naitakin hong vil hi,’ na ci hi.

Jeremiah 1:19

Nang hong sim ding uh a, nang hong ompihin hong hu ding ka hi manin amaute in hong zo kei ding uh hi," TOPA in cikhia hi.

Jeremiah 26:10

Judah uliante in hih thupiang a zak uh ciangin kumpi inn panin TOPA inn ah paito uh a, TOPA inn Kongpi Thak-a lutna ah panmun a la uh hi.

Jeremiah 26:8

Ahi hangin, mi khempeuh tungah gen dingin TOPA in Jeremiah a thupiaksa teng a gen khit phetin siampite, kamsangte le mi khempeuh in amah lencipin, "Na sih kul hi!

Jeremiah 29:26

‘TOPA inn uk dingin Jehoiada munah siampi dingin TOPA in nang hong koih hi-a; kamsang banga nasem mihaite khumcipin kol na bulh ding hi.

Jeremiah 36:26

A man sangsikin kumpipa in laithei Baruch le kamsangpa Jeremiah man dingin kumpipa tapa khat Jerahmel, Azriel tapa Seraiah le Abdeel tapa Shelemiah a sawl hi. Ahi hangin TOPA in amaute a seel hi.

Jeremiah 37:13

Ahi hangin Benjamin kongpi a tun ciangin kong cing ukpipa Hananiah tapa Shelemiah tapa Irijah min neipa in amah na mana, "Nang Babylon mite lama taisim ding na hi hi!" a ci hi.

Jeremiah 37:21

Tua ciangin kumpipa Zedekiah in huang sunga a kicing munah Jeremiah koih a, kongzinga anlum emte in khuapi sunga anlum a bei mateng nisimin a puak dingun thu a pia hi. Tua ciangin huang sunga a kicinna munah Jeremiah a omsuak hi.

Zechariah 14:10

Gamsung buppi, Geba pan Jerusalem leitaw-lam Rimmon dong Arabah tawh kibang ding hi. Ahi hangin Jerusalem kisangsakin a omna ngei-ah om dinga, Benjamin Kongpi a kipan Kongpi Masapen lampang Kiu Kongpi dong, Hananel Tausang panin kumpi lenggah sukna dong ahi hi.

Matthew 21:35

"Lo-khawhlawhte in nasemte man uh a, khat sat, adang khat thatin, a thumna a deng uh hi.

Nasepte 4:3

Amaute in Peter le John man uh a, nitaklam ahi manin a zingciang dong thong sungah a khum uh hi.

Nasepte 5:18

Amaute in sawl takpite man uh a, tangpi thong inn ah a khum uh hi.

Nasepte 5:40

A thugen in amaute a thuzawh hi. Amaute in inn sungah sawltakpite sam in a sat uh hi. Tua ciangin amaute in Jesu mina thu a gen nawn loh nadingun thu pia uh a, amaute a khah uh hi.

Nasepte 7:52

Na pate un a bawlsiat loh kamsang om ngei ahi hiam? Amaute in Thumaan Pa hong pai ding thu a genkholte nangawn a that uh hi.

Kilaakna 17:6

Tua numei in, misiangte le Jesu thu teci a pang mite sisan khamgawp-a om ka mu hi. Tuanu ka muh ciangin lamdang ka sa lua mahmah hi.

Kilaakna 2:10

Na thuak dingte kihta kei in. Nang hong zia-et dingin dawimangpa in kimkhat thong sungah hong khum dinga, ni sawm sung bawlsiatna na thuak ding uh kong hilh hi. Sih dongin muanhuai un, tua hileh nuntakna lukhu kong pia ding hi.