Jeremiah 20:10 - Zokam International Version

¹⁰ Hong huau tampi ka za a, "Kim le pam ah launa bekbek! Amah hek un! Amah hek un!" hong kici hi. Ka lawmte khempeuh in ka puk ding hong pang gige kawmin, "Amah i khem zo kha ding hi; khem zo leng amah i zo pah dinga a phu i la zo ding hi," kici uh hi.

LAISIENGTHOU CL Bible (BSI)

¹⁰ Aziehpen mi tampi kiguhhou kaza a, aning chin ah zauhuoina a um hi! “Heh unlen, heh khawm chiet vai,” achi ua, Ka meltheite zousie in, “Ka kipalpua ding ngahten sol in hing um vanin, izou ding ua, phuba ila ding uhi,” akichi uhi.

Zo Bible

¹⁰ Bangzieh ahei cile mite’ kidap hona tampi ka za a, “Muncin teng zauhuoi hi! Ama heh un! Ama heh va vui,” a ci uhi. Ka lawm itte zosie in ka pua ding ei buh vua, “Ama kizawl zo kha na va, eite in ama zo na va vui, tuaci’n eite in ama tungah phu la zo na vai,” a kici uhi.

Jeremiah 20:10 ပူးပေါင်းရင်းမြစ်များ

1 Kumpite 19:2

Tua ciangin Jezebel in Elijah kiangah, "Zing ciang tu bang hunin amaute khat bangin nang kong bawl kei tak leh tua sanga nasiazaw in pasiante in kei hong bawl ta hen," a ci dingin thupuak a sawl hi.

1 Kumpite 21:20

Ahab in Elijah kiangah, "Ka galpa aw, kei hong mu zo mah teh!" a ci hi. Amah in, "Nang hong mu zo mah ing, bang hang hiam cih leh TOPA mitah a gilo dingin na kizuak hi.

1 Kumpite 22:27

‘Kumpipa in: Bittaka kong tun kik mateng hih pa thong sungah khumin anlum le tuisik longal bangmah pia kei un, ci hi,’ ci-in gen un," ci-in thu a pia hi.

1 Kumpite 22:8

Israel kumpipa in Jehoshaphat kiangah, "TOPA thu i dot theih ding mi khat om lai hi, ahi hangin amah ka mudah hi, bang hang hiam cih leh kei tawh kisai a hoih khat beek genkhol ngei lo-a a sia bekbek a gen hi. Amah Imlah tapa Micaiah ahi hi," ci-in a dawng hi. Jehoshaphat in, "Kumpipa in tua bang ci kei in," ci-in a dawng kik hi.

Job 19:19

Ka kinaipih ka lawmte khempeuh in hong kih uh a, ka it teng ka langah pang khin uh hi.

Phatna-late 31:13

Tampi hong gensiatna za ka hi manin, ka kim ka pam a lauhuai hi; amaute in kei hong sawmsim uh a, ka nuntakna lak a sawm uh hi.

Phatna-late 31:14

Ahi hangin TOPA aw nangmah kong muang hi; "Keima Pasian na hi hi," kong ci hi.

Phatna-late 41:10

Ahi hangin TOPA aw, kei hong lainat in; amaute ka thuk zawh nadingin hong phong in.

Phatna-late 41:9

Ka muan mahmah, ka ankuang umpih, ka kinaipih ka lawmpa nangawn in kei langah a khetul a liikto hi.

Phatna-late 57:4

Humpinelkaite laizangah ka om a; a hate uh teipite le thalthangte ahi, a leiite uh namsau hiamte ahi mi - gamsa gilkialte lakah ka lum hi.

Paunakte 10:18

A muhdahna a imte mi zuauphuak hi-a, mi gensiat hat peuhmah mihai ahi hi.

Isaiah 29:21

mi mawhna zonga kammal khat tawh zum sunga mi thangsiahte le mawhpengte thutangna zuau teci panna tawh a lakkhiatsakte khempeuh kisusia mang ding hi.

Jeremiah 1:19

Nang hong sim ding uh a, nang hong ompihin hong hu ding ka hi manin amaute in hong zo kei ding uh hi," TOPA in cikhia hi.

Jeremiah 11:19

A kigo dinga kipaipih hiathiat tuuno bang ka hi-a; amaute in kei theih lohin hong sawmsimin, "Singkung le a gah susia khawm ni, ama mihing tenna leitang pan hemkhia-in a min kiphawksak nawn kei ni" ci uh hi.

Jeremiah 11:21

"Tua ahi ciangin hong that nuama, ‘TOPA minin thu hilh kei in, na hilh leh ko khutlumin na si ding hi,’ hong ci Anathoth mite tawh kisai-in TOPA thugen hih ahi hi -

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 20:3

A zingciang, Pashhur in a kol a sutkhiat ciangin Jeremiah in, "TOPA in na min Pashhur ci nawn loin Magor - Missabib b hong ci ta hi.

Jeremiah 37:13

Ahi hangin Benjamin kongpi a tun ciangin kong cing ukpipa Hananiah tapa Shelemiah tapa Irijah min neipa in amah na mana, "Nang Babylon mite lama taisim ding na hi hi!" a ci hi.

Jeremiah 6:25

Galte in namsau tawi uh a, i kimkot lauhuai ahi manin gamlakah vakkhia kei unla, lampi zong tawn dah un.

Ezekiel 22:9

Na sungah mihing sisan luangsak dingin mihekte, mualtung a biakbukno a nete le ahuuklua alan lua-a gamtate om uh hi.

Daniel 6:4

Hih thu hangin thuvai-hawmpite le gamkhen-ukte in Daniel mawhsak nadingin a kumpi nasepna ah encikin mawhzon uh hi; ahi hangin bangmah cih thei lo uh hi. Amah muanhuai-in ngentela na lopthop sep lo ahi manin nawngkaisak nading a mu zo kei uh hi.

Luke 20:20

Amaute in amah encik gige uh a, mi muanhuai a kineihkhem thusim kante ama kiangah a sawl uh hi. Thuneihna le vang a nei gam-ukpa tungah Jesu a piakkhiat theih nadingun ama kam tawh amah lehmat thei dingin a kilamen uh hi.

Nasepte 24:13

Tua hi-a amaute in kei hong ngawhnate uh na mai-ah hong tellah thei kei ding uh hi.

Nasepte 5:33

Amaute in hih thu a zak uh ciangin lungso uh a, amaute a that nuam uh hi.

Nasepte 7:54

Amaute in hih thu a zak uh ciangin lungso uh a, a ha uh a gawisan uh hi.