Jeremiah 2:7 - Zokam International Version

⁷ A gah le a sunga piangte na nek theih nadingun lei hoihna munah note kong puak hi. Ahi hangin note nong pai uh a, ka leitang ninsakin gouluahna a kihhuai na suaksak uh hi.

LAISIENGTHOU CL Bible (BSI)

⁷ Ken noute gam hoitah ah, agam ga leh ahoina kiningchingtah ne dingin, ka hing tutta hi; hinanleh na lut tah un ka gam na subuata ua, tualeh ka goutan khu kidah huoi nasuoh sahta uhi.

Zo Bible

⁷ A gate le a hoi nate na neh thei nadingun an vauna gamah note kang tunpi hi. Ahi vangin na lut ciengun ka gam na buasah vua, ka gouluo leitang kidah na huoisah uhi.

Jeremiah 2:7 ပူးပေါင်းရင်းမြစ်များ

Nehemiah 9:25

Amaute in kulha ki-umsa khuapite le lei hoihna munte la uh a; na hoih khempeuh a kicing inn, tuikhuk tawhsa, lenggui lo, olive lo le singgah kung tampitak a nei uh hi. Amaute in tuate a duh bangbangun ne-in kivak uh a, a lian mahmah nangma hoihna nuam a sa uh hi.

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Isaiah 19:25

Thahatpen TOPA in amaute thupha pia dinga, "Ka mi Egypt-te, ka khutsuak Assyria-te ka innluah Israel-te in thupha ngah ta hen," a ci ding hi.

Jeremiah 16:18

Amaute gitlohna le a mawhna uh a zah nihin ka thuk ding hi, bang hang hiam cih leh amaute in nuntakna nei lo, a zumhuai milim bawltawmin ka gamsung ninsak uh a, a kihhuai a milimte uh tawh ka gouluahna mun teng a dim khin uh hi," hong ci hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 3:2

"A sangna munte ento dih in; hong kibuangawp lohna mun om ahi hiam? Lampi gei-ah na lawmpate na ngaka, sehnel-gama zin kawikawite a tawh na kibang hi. Na paktatna le na gitlohna-in leitung na ninsak hi.

Jeremiah 3:9

Israel adingin a bawl mawhna neucik tawh a kibat hangin, amah in leitang ninsaka, singtawng le suangtum tawh a angkawm hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 32:30

Israel le Judah mite in a neutungua kipan kei muhna-ah gamtatsia bekbek a sem uh hi; hi takpi hi, Israel mite in a khut uh tawh a bawlte un kei hong hehsak den uh hi, TOPA in ci hi.

Ezekiel 20:24

bang hang hiam cih leh amaute in ka thukhamte mang nuam lo uh a, tua tham loin ka thukipte nialin ka Sabbath-te buahsak uh a, a pate uh milimte mah a mitsuan tentan lai uh hi.

Ezekiel 20:28

Amaute piak dinga ka ciamsa gamah ka paipih ciangin mualsang peuh, singtehpha peuh mu uh a, tuate ah a biakna uh pia-in, a gimnamtuite uh tawh bia in dawn theih-a biaknate sung uh a, a biakpiaknate un kei hong hehsak hi.

Ezekiel 20:6

Tua ni-in amaute tungah, Egypt panin paikhiatpih in amaute adingin ka zonsaksa gam khempeuh lakah a kilawmpen bawngnawi le khuaizu luanna gam tunpih dingin ka kiciam hi.

Ezekiel 23:35

"Tua ahi ciangin hih in Thupipen TOPA gen ahi hi: Hong mangngilhin na nunglam nong denna nungsangin na huukna le na paktatna a banbanin na thuak ding hi," hong ci hi.

Ezekiel 36:17

"Mihing tapa aw, Israel mite amau gamah a ten lai-un amaute gamtatna le a nasepnate-un a gam uh ninsak uh hi. Kei muhna ah amaute gamtatna, khasima numeite’ nin tawh kibang hi.

Hosea 9:3

TOPA’ leitangah amaute a omden kei ding uh hi; Egypt ah Ephraim kileh kik dinga, Assyria ah an sianglo a a ne ding uh hi.

Micah 2:10

Ding unla paikhia un! Ahang in, hih lai no khuamun ding hi lo hi; bang hang hiam cih leh a hoih kik thei nawn lo dingin kisia khin ahi manin munsia ahi hi.

Misimna 13:27

Amaute in Moses kiangah: "Nong sawlna gam ah ka va pai uh a, tua lai-ah bawngnawi le khuaizu a luang hi. A singgahte hihte ahi hi.

Thupiakkikna 21:23

zan tawntung a luang singtungah na omsak peuhmah kei ding uh hi. A ni mahin na vuipah ding uh hi, banghang hiam cih leh sing tunga kikhaipa Pasian hamsiatna thuak ahi hi. TOPA note Pasian in na luah dingua hong piak ding gam na buahsak peuhmah kei ding uh hi.

Thupiakkikna 32:9

TOPA’ tanh ama mite hi a, ama luahdinga a tanh Jacob ahiman ahi hi.

Thupiakkikna 6:18

Note adingin a hoih nading le TOPA kiciama na pute uh tunga a ciam gam hoih na luah theih nadingun TOPA muhna ah a hoih le amaanin gamta unla,