Jeremiah 2:25 - Zokam International Version

²⁵ Na khedap siat dong, na dangkeu dongin tai kei in. Ahi hangin nang, ‘Phamawh kei! Gamdang pasiante ka it hi, amaute nung ka zui teitei ding hi,’ na ci hi.

LAISIENGTHOU CL Bible (BSI)

²⁵ Na kengah kedap bunlouin um sinlen, na dang zong tasah sin. Hinanleh nang kinepna ding um sih, gamdang pasiente ka itzawta a, amaute nua ka zui ding hi nachi hi.

Zo Bible

²⁵ Na keng guohin lam pei sinlen, na dang zong tasah sin. Ahi vangin, “Lamet om sih, azieh pen khuol mite ka ngai hi, amau’ nua zui vang,” na ci hi.

Jeremiah 2:25 ပူးပေါင်းရင်းမြစ်များ

2 Khangthute 28:22

Kumpi Ahaz a lungkham hun sung nangawn in TOPA tungah a muanhuai kei zaw lai hi.

2 Khangthute 28:23

Amah in, "Aram kumpipa’ pasiante in amaute huh ahi nungsang amaute in kei hong huh nadingin amaute tungah biakna ka pia ding hi," ci-in ngaihsun ahi manin amah a zo Damascus pasiante tungah biakna a pia hi. Ahi hangin amaute ama pukna le Israel khempeuh pukna a suak uh hi.

Isaiah 2:6

Nangmah in na mite, Jacob innkuan na nusia khin hi. Amaute Nisuahna lam pana dawivaite tawh kidim uh a, Philistia-te bangin ai sanin, lawkite tawh kikhutlet uh hi.

Isaiah 57:10

Na paina lampi teng hangin na gima, ahi hangin, ‘Lametna bei ta hi’ na ci kei hi. Na hatna uh na thaksak kik uh a, tuaci-in na bah kei uh hi.

Jeremiah 13:21

Nang kipawlpih dinga a tuam vilvela na koihte nang tungah TOPA in hong uksak ciangin bang gen ding na hi hiam? Numei nausuak kuan bangin na sa velval lo ding na hi hiam?

Jeremiah 13:22

"Bang hangin hici-in kei tungah hong tung hiam?" ci-in na kingaihsut leh - na mawhna tampite hangin na niksing hong kibalkeksaka, na pumpi hong kibawlsia ahi hi.

Jeremiah 14:10

Hih mite tawh kisai-in TOPA gen hih ahi hi: "Amaute in pai kawikawi nuamsa mahmah uh a; a khe uh a dek zo kei uh hi. Tua ciangin TOPA in amaute sang lo a; tu-in a gitlohnate uh ciamtehin a mawhnate uh hangin dan a tuaksak ding hi," a ci hi.

Jeremiah 18:12

Ahi hangin amaute in, ‘Khiatna nei kei, ka sawmsa bangun semsuak lel nung; ka vekun komau gitloh lungsim khauhna mah zui lel nung,’ hong ci ding uh hi," a ci hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Jeremiah 22:20

"Lebanon ah paito unla kiko khia un, Bashan ah na aw uh kizasak un; na pawlte khempeuh uh kizogawp ahi manin Abarim panin kiko un.

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 44:17

Hih dinga ka gensa uh ka hih taktak ding uh a: Judah khuapite le Jerusalem kongzingte ah ko le ka pate uh, ka kumpite uh le ka uliante un a hih bang tektekun Vantung Kumpinu tungah gimnamtu halin dawntheih-a biakna ka sungkhia ding uh hi. Tua hun lai-in an lah tampi ka nei uh a lamzangin supna baina lah ka thuak kei uh hi.

Tamlawhna 1:2

Zan ciangin nakpi in kap a, a biang tuakah khitui a luang hi. Ama itte khempeuh lakah a hehnem ding khat beek a om kei hi. A lawmte khempeuh in lehhek uh a, a gal suak uh hi.

Tamlawhna 4:4

Naungekte dangtakin a lei uh a dangtunguah belh a; a tate un anlum a nget uh hangin kuamah in a pia kei hi.

Ezekiel 20:32

"‘Note in, " Leitung mi sing le suang a bia minamte i bang nuam hi," na ci uh hi. Ahi hangin na lungsim ngaihsut bangun a piang ngei kei ding hi.

Hosea 2:3

Tua hi kei leh a guaktangin ka hawkkhia dinga a suah ni-a bangin a guaktangin ka omsak ding hi; sehnel-gam bangin ka bawl dinga gam simtham suaksakin dangtakin ka sisak ding hi.

Hosea 2:5

Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

Malachi 3:14

"‘Pasian na i sep a mawkna hi. Ama deih bangin gamta-in Thahatpen TOPA mai-ah a thumte bangin i pai hangin bang lawhtak i hi hiam?

Luke 15:22

"Ahi hangin a pa in a nasemte kiangah, ‘Manlang un! Puan a hoih pen hong la unla amah silhsak un. A khutme ah zungbuh bunsak unla khedap zong bulhsak un.

Luke 16:24

Tua ciangin amah sama, ‘Pa Abraham aw, kei hong hehpih in. Hih mei sungah gimna nakpi in ka thuak hi. Lazarus in a khutme dawn tui diahin ka leii hong votsak dingin hong sawl in,’ ci hi.

Rome-te 8:24

Ahang in, hih lametna sungah eite hotkhiat i hi hi. Ahi hangin a kimusa lametna pen lametna ahi peuhmah kei hi. Kua in a muhsate lamen ahi hiam?

Thupiakkikna 28:48

gilkial dangtak hun, puan neih loh hun le kitangsap hunin note langkhatah TOPA sawl na galte uh na, na sem ding uh hi. Amah in note hong suksiat khit matengin na ngawnguah sik hakkol hong vawh ding hi.

Thupiakkikna 32:16

Amaute in a gamdang pasiante uh a hazasak uh a, amau milim kihhuaite in a hehsak uh hi.