Jeremiah 2:20 - Zokam International Version

²⁰ "Sawtpek lai-in na hakkol na kuaitan a, hong kihenna khaute bottatin, ‘Nang na ka sem kei ding hi,’" na ci hi. Hi takpi hi, mualsang tung teng le singlian nuai tengah numei kizuakte bangin na lum kawikawi uh hi.

LAISIENGTHOU CL Bible (BSI)

²⁰ “Masang laipeh a kipat in, na hahkol uh kang suhtan piehta a, na kolbute zong kang sutawng piehta hi; tualeh ka takhiel nawn sih ding na chi a, singbawh chinteng nuoi ah, kizua bangin na lum kawi kawi hi.

Zo Bible

²⁰ Hun sawtpi lai panin na hahkol na hliehtawng ta mel a, ang kikhina khaute zong bottanin, “Na na ka sem sih ding hi!” na ci hi. Muolsang tung teng le singna hing nei cin tengah lumin na pahtat hi.

Jeremiah 2:20 ပူးပေါင်းရင်းမြစ်များ

1 Kumpite 12:32

Amah in a kha giatna a ni sawm le ngana ni-in Judah a kibawl pawi tawh a kibang khat phuantawm a, biakna-tau tungah biakpiakna a pia hi. Hih pen Bethel a, a bawl hi-a, ama bawlsa bawngnote tunga a piak ahi hi. Tuateh Bethel a ama bawlsa munsangte ah siampite a koih hi.

1 Kumpite 14:23

Amaute mahmah adingin munsangte, suang siangthote le Asherah khuamte mualsang tung le singlim nuai tengah a koih uh hi.

Phatna-late 107:14

Amah in khuamial lak le miallak thukpi panin amaute lakhia a a sikkhainiangte uh a suktatsak hi.

Phatna-late 2:3

"Amaute sikkhainiangte sutatin, amau kolte lawnkhia ni," a ci uh hi.

Phatna-late 78:58

Amau munsangte-in amah hehsak uh a; a milimte-un ama hazatna a phonglo uh hi.

Paikhiatna 19:8

Mipite khempeuh in a kituakin, "TOPA gensa peuhmah ka sem ding uh hi," ci-in a dawng uh hi. Tua ciangin Moses in amaute dawnna TOPA tungah a puak kik hi.

Paikhiatna 24:3

Moses pai-a TOPA kammalte le ngeinate khempeuh mipite tungah a gen ciangin amaute in aw khatin, "TOPA gen khempeuh ka hih ding uh hi," ci-in a dawng uh hi.

Paikhiatna 3:8

Tua ahi ciangin Egypt mite khut pan hukhia-in, tua gam pan amaute Canaan-te, Hit-te, Amor-te, Periz-te, Hiv-te le Jebus-te - gam hoih gam zai bawngnawi le khuaizu luanna gamah a pi dingin kong tuaksuk zo hi.

Isaiah 1:21

En dih un, bangci banga a muanhuaisa khuapi numei kizuak suak zawzen ahi hiam! Khatvei lai-in thutang tawh kidim hi; ama sungah thumaanna teng a, tu-in lah tualthatte bekbek teng ta!

Isaiah 10:27

Tua ni ciangin amaute vangik na liangko panun hong kisankhia-in na ngawng panun b hakkol hong kisankhia ta ding hi; note thau lua ta ding na hi manun hakkolte a kisutan ding hi.

Isaiah 14:25

Ka gam sungah Assyria mite ka gawizan dinga, ka mualte tungah ka tuancilgawp ding hi. Ka mite panin ama hakkol kilakhia dinga, amau liangko panin a van a kihemkhia ding hi," a ci hi.

Isaiah 9:4

Bang hang hiam cih leh Midian-te a kizawh ni-a bangin nangmah in amaute vangik puakna hakkol le a liangko-ua kikham singzawl, amaute a kinetniamna ciangkhut na nuaizansak hi.

Jeremiah 13:27

na angkawmnate le huk lua-a na tau huthutnate zummawh-a na kizuaknate a kidawkkhia ding hi. Mualneute tung le lolaite ah, a kihhuai-a na gamtatnate ka mu khin hi. Jerusalem aw, gimna nak thuak na nicia! Bangtan vei ninnin lai ding na hi hiam?" a ci hi.

Jeremiah 17:2

A tate nangawn un singlim nuai le mualsang tunga a biakna-taute uh le Asherah khuamte a ciamteh thei lai uh hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 30:8

"Thahatpen TOPA in cikhia hi, ‘Tua ni ciangin amaute ngawnga hakkol ka kuaitan dinga a kihennate uh ka bottat ding hi; gamdang mite in amaute sila-in a khawi nawn kei ding uh hi.

Jeremiah 5:5

Tua ciangin a makaite uh kiangah pai-in ka hopih ding hi; amaute in TOPA lampi thei-in Pasian deihnate a thei takpi uh hi," ci-in ka ngaihsun hi. Ahi hangin amaute in kiciamna khat tawh hakkol sutanin, kikhihna khaute a sutat uh hi.

Ezekiel 16:28

Na hihnasa ah lungkim zo nai lo na hi manin Assyria mite tawh zong lumkhawm dingin na zol hi; tua khit nangawnin na lungkim zo nai kei lailai hi.

Ezekiel 16:31

Lamkabom citengah bosang bawlin mihon omna tual-awng tengah biakbuknote na bawl uh ciangin thaman ngen lo na hi manin numei kizuakte tawh na kibang kei uh hi.

Ezekiel 16:41

Na innte haltum ding uh a, numei tampite muhin dan hong tuaksak ding uh hi. Na kizuakna pan kong khawlsak dinga na itte sumin na guai nawn kei ding hi.

Ezekiel 20:28

Amaute piak dinga ka ciamsa gamah ka paipih ciangin mualsang peuh, singtehpha peuh mu uh a, tuate ah a biakna uh pia-in, a gimnamtuite uh tawh bia in dawn theih-a biaknate sung uh a, a biakpiaknate un kei hong hehsak hi.

Ezekiel 23:5

"Oholah kei aa ahi kimlai mah kizuak a alawmpate ahi Assyria-te a lunggulh lua hi;-

Hosea 1:2

TOPA in Hosea tungtawna thugen a kipat ciangin TOPA in ama kiangah "TOPA kiang panin kihemkhia-in hih gamah kizuakna nasia lua ahi manin nang mahmah pai inla a angkawm zi le a muanhuai lo tate la in." a ci hi.

Hosea 2:5

Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

Hosea 3:3

Tua ciangin tua nu kiangah, "Kei tawh k nitampi sung nong teng khawm dinga; kizuak nawn peuhmah loin, mi khatpeuh tawh l zong om khawm loin kei nang tawh kong om ding hi,’ ci-in ka gen hi.

Hosea 4:13

Amaute in mualliante dawnah biaknate pia uh a, mualneute tung, tehno sing lak, hiang sing le terebinth kungte nuai a liim nopna peuh ah biakna a hal uh hi. Tua ahi ciangin na tanute uh numei kizuak suak uh a, na mote uh angkawm a suak uh hi.

Hosea 9:1

Israel aw, lungnuam kei in; minam dangte bangin kipak kei in. Ahang in, na Pasian tungah na muanhuai kei hi; ancilna phual citengah kizuakna thaman na iplah hi.

Siampi Laibu 26:13

Keimah TOPA note Pasian, Egypt-te sila a suak nawn lo dingin Egypt pana hong paikhiatpihpa ka hi hi; na hakkolte uh ka kuaitan-a, ngawng tangsa in kong pai theisak hi.

Nahum 1:13

Tu-in note ngawnga hakkol ka sutan dinga na kolte uh ka bottat ding hi," a ci hi.

Thupiakkikna 12:2

Na suankhiat ding uh minamte in a biak uh pasiante omna mun, mualdawn sangte, mualneute le singhiangpha nuaite khempeuh na susiamang ding uh hi.

Thupiakkikna 15:15

Note zong Egypt ah sila hi-in TOPA note Pasian in hong tatkhiat ahilam phawk un. Tua hangin hih thupiak no kong pia hi.

Thupiakkikna 26:17

Tuni-in TOPA note Pasian ahina, ama lampi tawnin a thukipte, a thupiakte le a thukhamte zui-in ama thu na man ding uh na pulak khin uh hi.

Thupiakkikna 4:20

No na hi uh leh TOPA in hong la in, sik haltuina pummei, Egypt panin hong paikhiatpih a, ama gouluah dingin tu-a na om bangun hong omsak hi.

Thupiakkikna 4:34

TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?

Thupiakkikna 5:27

A kiang nai unla TOPA eite Pasian thugen khempeuh ngai un. Tua ciangin TOPA eite Pasian in nang tunga hong gen peuhmah ko tungah hong gen in. Kote in ngai-in ka mang ding uh hi," na ci uh hi.

Joshua 1:16

Tua ciangin amaute in, "Nong thupiak peuhpeuh ka sem ding uh a, nong sawlna peuhpeuhah ka pai ding uh hi.

Joshua 24:24

Tua ciangin mite in Joshua tungah, "Kote in TOPA kote Pasian na ka sem ding uh a, ama thu ka mang ding uh hi," a ci uh hi.

Joshua 24:26

Tuateh Joshua in hih nate Pasian Thukham Laibu sungah a ciamteh hi. Tua ciangin amah in suang lianpi khat la a, TOPA munsiangtho kiang tawsaw nuai-ah a phut hi.

Kilaakna 17:1

Kuangkum sagih a tawi vansawltak sagihte laka khat hong pai-in ka kiangah, "Hong pai in, tui tampi tunga tu a lian numei kizuaknu gawtna kong lak ding hi.

Thukhente 10:6

TOPA mit ah Israel-te gamtatsia leuleu uh hi. Amaute in Baal le Ashtoreth-te le Aram’ pasiante, Sidon’ pasiante, Moab’ pasiante Ammon pasiante le Philistia-te’ pasiante’ na a sem uh hi. Israel-te in TOPA taisan uh a, ama na a sep nawn loh uh ciangin

Thukhente 2:11

Tua ciangin Israel-te in TOPA mit ah a hoih lo gamta-in Baal-te’ na a sem uh hi.

Thukhente 2:13

Amaute in amah a nusiatna uh leh Baal le Ashtoreth-te na a sepna uh tawh TOPA a hehsak uh hi.

1 Samuel 12:10

Amaute TOPA tungah kiko khia uh a, ‘Kote ka mawh uh hi; TOPA ka taisan uh a, Baal-te le Ashtoreth-te’ na ka sem uh hi. Ahi zongin tu-in ka galte uh khut pan hong hukhia in, nangma na ka sem ding uh hi,’ ci uh hi.