Jeremiah 2:19 - Zokam International Version

¹⁹ Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

LAISIENGTHOU CL Bible (BSI)

¹⁹ Nouma gitlouna mama in ahing sudih dinga, na nuatolna un nou ahing phawh ding hi; tuaziehin Mangpa na Pasian uh na taisan ua, Keima giinna na neilou pen uh sil hoiloutah leh khatah ahi, chi thei unlen mu un, galkapte Mangpa Pasian in achi hi.

Zo Bible

¹⁹ Na gitlona un dan ang tuohsah ding a, na nuatolna un ang mawsah ding hi. Topa na Pasien uh taisanin, na sung vuah keima nei giin nawn lo ciengun, tua khu a hoi lo a khalawng ahi lam mu-in thei ta un, Vanglien Topa in ci hi.

Jeremiah 2:19 ပူးပေါင်းရင်းမြစ်များ

1 Kumpite 18:18

Elijah in, "Ke’n Israel ka lungkhamsak kei hi. Nang le na pa innkuan na hi uh hi. Nang in TOPA thupiakte taisanin Baal-te na zui uh hi.

2 Khangthute 12:5

Tua ciangin Shishak kihta in Jerusalem a kikhawm Rehoboam le Judah makaite kiangah kamsangpa Shemaiah pai-in amaute kiangah, "TOPA gen hih ahi hi: ‘Note in kei nong nusia uh hi, tua ahi ciangin tu-in note Shishak tungah kong nusia hi,’ ci hi," a ci hi.

2 Khangthute 21:10

Tuni dong Edom in Judah a lehdo hi. Jehoram in TOPA a pate Pasian nusia ahi manin tua hun mah in Libnah in a lehdo hi.

2 Khangthute 25:16

Amah a paupau laitakin kumpipa in, "Kumpipa thudot khatin nang hong kikoih khin ahi hiam? Khawl in! Bang hangin hong kisattuk ding hiam?" a ci hi. Tua ciangin kamsangpa khawl a, ahi hangin, "Na hici gamtatna hang le kong genpih na ngaih lohna hangin Pasian in nang siatsak dingin a khensat lam ka thei hi," a ci hi.

Phatna-late 36:1

Gilopa mawh nei hihna b tawh kisai ka lungsim ah thu khat suak a: Pasian kihtakna ama mit ah a om kei hi.

Paikhiatna 33:6

Tua ahi ciangin Israel mite in a kizepnate uh Horeb Mual ah a suahkhia uh hi.

Paunakte 1:31

amau gamtatna gah ne ding uh a, amau geelsimnate gah kham ding uh hi.

Paunakte 1:32

Mimawlte in amau mottatna sihlawh ding uh a, mihaite in a thudonlohna uh sihlawh ding uh hi;

Paunakte 5:22

Migilopa, ama gamtatna hoih lo ah awk a, a mawhna khaute in gakcip hi.

Isaiah 3:9

Amau maisuah in amaute langah teci panga; Sodom bangin amau mawhna a lakkhia hi; a im kei uh hi. Amaute in gimna nak thuak na un cia! Amau le amau a kisiattut uh ahi hi.

Isaiah 5:5

Tu-in ka lenggui lo ka hih ding zia kong gen ding hi. A dai ka phelkhia dinga, a kisia ding hi; a kulh ka sukham dinga, a kituancil ding hi.

Isaiah 50:1

TOPA gen hih ahi hi: "Na nu ka sawlkhiatna kimakna lai koi-ah om ahi hiam? Ahikeh ka leibatna kua tungah hong zuak ka hi hiam? Na mawhnate uh hangin nang hong kizuak ahi hi. Na khialhnate uh hangin na nu uh a kiciahsak ahi hi.

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 13:22

"Bang hangin hici-in kei tungah hong tung hiam?" ci-in na kingaihsut leh - na mawhna tampite hangin na niksing hong kibalkeksaka, na pumpi hong kibawlsia ahi hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 4:18

"Na gamtatna le na sepnate nang tungah hong tu ahi hi. Hih in na tuah ding dan ahi hi. Bang a ci khaat tazen tam! Na lungtang bang hong ci vutlet tam!" a ci hi.

Jeremiah 5:22

Kei hong kihta lo ding na hi uh hiam? TOPA in cikhia hi, "Ka mai-ah ling lo ding na hi uh hiam? Tuipi gamgi dingin sehnel ka bawl a, a kantan theih loh dingin, dai-a kimang den ding ahi hi. Tuihualte a kilok hangin phukhia zo lo uh a; a hawk uh hangin a kantan thei kei uh hi.

Jeremiah 5:24

Amaute in, "Tuk guah le sikhiau guahte a hunin hong zusaka, an lak huna an hong lasakpa, TOPA eite Pasian kihta ni,’ a kici kei uh hi.

Jeremiah 5:6

Amaute hong lehdona lian lua-a, tam vei nungtolh mun lua ta uh ahi manin tulaka humpinelkai khat in amaute luh dinga, sehnel-gama keivom khat in susiagawpin a paikhia peuhpeuh a balzan dingin amau khuapi kiangah gialbem khat bokin a ngak ding hi.

Jeremiah 7:19

Ahi hangin a hehsakpa uh kei ka hi hiam?" TOPA in cikhia hi. Amaute maizum nadingin amau le amau a kiliamsuah uh hizaw lo ahi hiam?

Jeremiah 8:5

Tua ahileh bang hangin hih mite pialmang uh ahi hiam? Bang hangin Jerusalem in lamkhial suak ahi hiam? Amaute in zuauthu lenkip uh a, kileh kik ding a nial uh hi.

Ezekiel 23:30

Na huukna le na ut banga na tatnate in hihte nang tungah hong tun ahi hi. Bang hang hiam cih leh minamte tawh na paktat a, amau milimte tawh na kininsak hi.

Ezekiel 39:24

Amaute siantholohna le a gitlohna uh tawh kituakin ka thuaksaka amau muh loh dingin ka maitang ka seel hi.

Hosea 11:7

Ka mite in kei kiang pan kiheisan hong sawm teitei uh hi; Sangpen Pa a sam zawzen uh zongin amah in amaute a tawisang peuhmah kei ding hi.

Hosea 13:9

"Israel aw, nang hong huhpa keima langah pang na hi manin nang hong kisusia hi.

Hosea 14:1

Israel aw, TOPA na Pasian lamah kihei in. Nang mawhnate in na pukna ahi hi.

Hosea 4:16

Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

Hosea 5:5

Israel’ kisaktheihna in amaute langah teci pang hi; tua Israel-te, Ephraim-te nangawn amau mawhna-ah a muktu uh hi; Judah zong amaute tawh a muktu khawm hi.

Hosea 7:2

Ahi hangin amaute in a mau gamtat sia khempeuh ka ciamteh lam a phawk kei uh hi; a mawhnate un amaute valhcip a, ka mai ah a om den uh hi.

Hosea 9:1

Israel aw, lungnuam kei in; minam dangte bangin kipak kei in. Ahang in, na Pasian tungah na muanhuai kei hi; ancilna phual citengah kizuakna thaman na iplah hi.

Amos 8:10

Na biakna pawite uh thumna ka suaksak dinga, na la saksakte uh kahna ka suaksak ding hi. Na vekun puan hampi silh kong suaksak dinga na lu uh na mettol ding uh hi. Tua hun ciangin tapa khat neihsun hanga thum kong bangsak dinga, a tawpna ah khaatna ni a bang ding hi.

Micah 1:5

Hihte khempeuh Jacob khialhna hang, Israel innkuante mawhna hang ahi hi. Jacob khialhna bang ahi hiam? Samaria hi lo ahi hiam? Judah munsang bang ahi hiam? Jerusalem hi lo ahi hiam?

Zechariah 7:11

"Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi.

Rome-te 3:18

"Amaute mit ah Pasian kihtakna a om kei hi." h ci-a kigelhsa bang ahi hi.

Thukhente 10:13

Ahi hangin kei nong taisan uh a, pasian dangte na na sem uh hi; tua ahi ciangin kong honkhia nawn kei ding hi.