Jeremiah 2:13 - Zokam International Version

¹³ "Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

LAISIENGTHOU CL Bible (BSI)

¹³ Aziehpen ka miten sil hoilou ni abawlta uhi: Kei hinna tuinah ahing nuasieta ua, amauh tuikhuh ding akitaw ua, tui veitheilouna tuikuong sesa abawl uhi.

Zo Bible

¹³ Azieh pen ka mite in sietna nam ni a bawl uhi: Amate in hinna tuinah ahi keima ei taisan zo ta vua, amate adingin tui a vei thei lo, a kehsa tuikhuh a to uhi.

Jeremiah 2:13 ပူးပေါင်းရင်းမြစ်များ

2 Kumpite 22:17

Bang hang hiam cih leh amaute in kei hong taisanin pasian dangte tungah gimnamtui hal uh a, amau khuta a bawlsa uh milimte a-in kei hong phinin hong hehsak uh ahi manin hih mun tungah ka hehna kuang dinga a mit nawn kei ding hi,’ ci hi.

Phatna-late 36:9

Ahang in, nuntakna tuikhuk nang tawh om a; nangma khuavak ah khuavak ka mu uh hi.

Thuhilhna 1:14

Sunni nuai-a a kihihsa khempeuh ka mu khin ta-a; a vekpi-in a mawknapi, huih nungdelh lel ahi hi.

Thuhilhna 1:2

Siapa in, "A mawknapi! A mawknapi! Bangmah hi peuhmah lo a mawknapi! Na khempeuh a mawknapi ahi hi," a ci hi.

Thuhilhna 12:8

Siapa b in, "A mawknapi! A mawknapi! na khempeuh a mawknapi hi" a ci hi.

Thuhilhna 2:11

Tua hi napi ka khuta ka sepsa khempeuh ka et phat kik ciangin haksapi a ka sepnate khempeuh a mawknapi, huih nungdelh lel ahi hi; sunni nuai-ah hamphatna bangmah a om kei hi.

Thuhilhna 2:21

Ahang in, mi khat in a pilna a siamna le a theihna tawh na sem dinga, a sem lo mipa adingin ama neihsa khempeuh a nusiat ding hi. Hih zong a mawknapi mah hi-a, vangsiatna lianpi khat ahi hi.

Thuhilhna 2:26

Pasian in amah a lung kimsakpa tungah pilna, theihna le lungnopna pia-a, mawhneipa ahileh Pasian a lungkimsakpa tungah a ap ding hauhnate kaikhawmsakin a kholsak hi. Hih zong a mawknapi mah hi-a, huih nungdelh lel mah ahi hi.

Thuhilhna 4:4

Tuateh mi khat in a vengte engin na nakpi-a kisem ahilam ka mu hi. Hih zong a mawknapi hi a, huih nungdelh lel mah ahi hi.

Isaiah 1:3

Bawngtal in a pu thei hi, laa in a neipa’ gan ankuang thei a ahi hangin Israel in thei loin ka mite in a theitel kei uh hi.

Isaiah 1:4

Ah! Amawhdim minam khialhna netcip mite a gilote suante siatna-a ka piaksa tate ahi uh hi. Amaute in TOPA taisan uh a; Israel Siangtho Pa simmawhin amah nungngatsan uh hi.

Isaiah 12:3

Hotkhiatna tuikhuk panin lung nuamin tui na khai ding uh hi.

Isaiah 5:13

Tua ahi ciangin ka mite, theihtelna a neih loh manun sal a suak ding uh hi; a mi zaliante uh gilkialin si ding uh a, a mihonte uh dangtakin a keu ding uh hi.

Isaiah 55:2

Anlum leina loin bang hangin sum zanga, gilvahna ding lopi-in na sem na hi uh hiam? Ngai un, ka thu ngai-un, anlim ne un, na hinna un anlim pen ne-in a tai ding hi.

Isaiah 63:8

Amah in, "Amaute, ka mite hi takpi a, kei tunga hong khial lo ding tapate ahi uh hi," a ci hi; tua ahi ciangin amaute Honpa a suak hi.

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 14:3

Uliante in a nasemte uh tui tawi dingin a sawl uh hi; amaute in tuikhuk a zuat uh hangin tui a mu kei uh hi. Amaute tui dim loin a ciah uh hi; lungkhamin cimawh uh a, a lu uh a khuh uh hi.

Jeremiah 15:6

Nangmah in kei nong nolh khin zo hi," TOPA in cikhia hi. "Nang na nungtolhtolh hi. Tua hi-a na tungah ka khut hong nga-in kong susia ding hi; kong khuatuah thei nawn kei hi.

Jeremiah 17:13

Israel-te lamet TOPA aw, nang hong taisan khempeuh kimaizumsak ding hi. Nangmah hong taisante leivui laka lai kigelh a suak ding uh hi, bang hang hiam cih leh amaute in a nungta ciktui ahi TOPA a taisan khin uh hi.

Jeremiah 18:14

Lebanon a suangken, vuk tawh kilawi ngei ahi hiam? Gamlapi pana luang tua tuivot kang ngei ahi hiam? a

Jeremiah 19:4

Ahang in, amaute in kei hong taisan uh a, hih mun gamdang pasiante omna suahin; a pate uh le Judah kumpite in zong a theih ngei loh uh pasiante tungah kithoihna halin, mawhpengte sisan tawh hih mun a dimsak zo uh hi.

Jeremiah 2:11

Minam khat in a pasiante a kheng ngei hiam? (Tuate lah pasiante a hi peuhmah kei hi.) Ahi hangin ka mite in amau d minthanna bangmah man lo milimte khekna-in hong nei uh hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 2:26

"Guta khat a kimat cianga a zum bangin Israel innkuan - amaute, a kumpite uh, a uliante uh, a siampite uh le a kamsangte uh a zum ding uh hi.

Jeremiah 4:22

"Ka mite hai uh a; kei hong thei lo uh hi. Amaute naupang thu thei lo hi uh a; theihtelna a nei kei uh hi. Amaute gitloh siam uh a, a hoih sep ding a thei kei uh hi," a ci hi.

Jeremiah 5:26

Ka mite lakah migilote om uh a, vasa thangsiah bangin mite thangsiahin man uh hi.

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Ezekiel 14:5

Keimah in a milimte uh hanga keimah hong puakoih Israel mite lungsim zawh kik nadingin ka hih ding hi,’ ci in.

Ezekiel 47:1

Mipa in biakinnpi sung tumna ah kei hong paipih kik a, biakinnpi sung lutna kongpi mai pan nisuahna-lam manawha tui phulkhia ka mu hi,(biakinnpi pen nisuahna-lam a ngat hang ahi hi). Tua tui pen biakinnpi leitaw-lam, biakna-tau leitaw-lam pang pana luangsuk ahi hi.

Micah 2:8

A nunungna ah gal bangin ka mite dingto uh hi. Galdo khina ciahte bangin note in bangmah khual loin na kituahpih peuhpeuh uh puantualpite na sut uh hi.

Micah 6:3

"Ka mite aw, ken note bang hong cih ka hi hiam? Bang hong ci lunggimsak ka hi hiam? Hong dawng un.

Zechariah 13:1

"Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

John 4:10

Jesu in, "Pasian letsong thei-in, na kianga tui hong ngenpa thei hi lecin, ama kiangah na ngen zaw ding a, amah in a nungta tui hong pia khin zo ding hi," ci-in a dawng hi.

John 4:11

Numei in, "Sia aw, tuikhuk lah thuka, na khai nading bangmah na neih loh pi hih a nungta tui koi pan ngah thei ding na hi hiam?

John 4:14

ahi hangin kei piak tui a dawn mi peuhmah a dangtak ngei nawn kei ding hi. Ken ka piak tui, ama sungah tuinak suakin nuntak tawntungna dongin a phulto taktak ding hi," ci-in a dawng hi.

John 7:37

Pawi, a ni nunungpen le a thupi pen ni-in Jesu dinga, "A dangtak mi khatpeuh a om leh kei kiangah hong pai-in dawn ta hen.

Thupiakkikna 31:16

Tuateh TOPA in Moses kiangah, "Na pate tawh na tawlnga ta dinga, hih mipite a lut nading uh gama gamdang pasiante tungah a kizuak pah ding uh hi. Amaute in kei hong taisanin amaute tawh ka bawl thukhun a palsat ding uh hi.

2 Peter 2:17

Hih mite, a kangsa tuinak le huihpi mutleng meiilum bang ahi uh hi. Amaute ading amial pha pen khuamial a kikoih khol zo hi.

Kilaakna 21:6

Amah in kei kiangah, "Kizo ta hi! Keimah Alpha le Omega, a Patna le a Tawpna ka hi hi. A dangtak mi tungah man nei loin nuntakna tuinak panin tui ka pia ding hi.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,

Kilaakna 22:17

Tua Kha le tua mo in, "Hong pai in!" ci uh hi. A za peuh in, "Hong pai in!" ci ta hen. A dangtak peuhmah hong pai ta hen. A ut peuhmah in letsonga kipia nuntakna tui sang ta hen.

Thukhente 10:13

Ahi hangin kei nong taisan uh a, pasian dangte na na sem uh hi; tua ahi ciangin kong honkhia nawn kei ding hi.

1 Samuel 12:10

Amaute TOPA tungah kiko khia uh a, ‘Kote ka mawh uh hi; TOPA ka taisan uh a, Baal-te le Ashtoreth-te’ na ka sem uh hi. Ahi zongin tu-in ka galte uh khut pan hong hukhia in, nangma na ka sem ding uh hi,’ ci uh hi.