Jeremiah 19:4 - Zokam International Version

⁴ Ahang in, amaute in kei hong taisan uh a, hih mun gamdang pasiante omna suahin; a pate uh le Judah kumpite in zong a theih ngei loh uh pasiante tungah kithoihna halin, mawhpengte sisan tawh hih mun a dimsak zo uh hi.

LAISIENGTHOU CL Bible (BSI)

⁴ Aziehpen amaun kei ahing taisan ua, tammun pen gamdang pasiente mun asuohsahta uhi; tualeh tam mun ah, amauleh apu apate u’leh Juda leengten zong athei ngailou uh pasien dangte kungah gimnamtui ahal ua, tualeh tam mun khu mawna neilou mite sisan in adimsahta uhi.

Zo Bible

⁴ Bangzieh ahei cile mite in keima ei nuasie zo a, amate, a pu a pate ule Judah kumpite in a thei ngai lo uh pasien dangte kungah biehnate pie-in tam mun a buasah ta uhi; azieh pen amate in mawna a nei lo mite’ sisan tawh tam mun a kidimsah zo ta vua,

Jeremiah 19:4 ပူးပေါင်းရင်းမြစ်များ

2 Kumpite 21:16

Tua tham loin, TOPA mit ah amaute a sia-a a gamtat nadingun Judah-te mawhna a bawlsak banah - Manasseh in mawhpengte sisan tampitak luangsaka, Jerusalem mong khat pan mong khat dong a dim hi.

2 Kumpite 23:10

Amah in Ben Hinnom Kuampi a Topheth a phiatmang hi, tua ahi ciangin kuamah in Molech tungah a tanu ahi-a a tapa ahi zongin mei sunga b halna-in a zang thei nawn kei uh hi.

2 Kumpite 24:4

Amah in mawhpeng sisan tawh Jerusalem kidimsak ahi manin TOPA in a maisak nuam kei hi.

Phatna-late 106:38

Amaute in mawhpengsisan luangsakin a tanu a tapate uh sisan Canaan milimte tungah biakna-in pia uh a, amaute sisan in tua gam buahsak hi.

Isaiah 59:7

A khe uh mawhna bawl dingin manlang a, mawhpengte sisan luansak ding a kin uh hi. A ngaihsut uh gitloh ngaihsutna hi a; amau lampi ah kisiatna le siatna sul a pai hi.

Isaiah 65:11

"Ahi hangin TOPA a taisan ka mual siangtho a mangngilh nang, Kam-etna a sabuai phah a, Sehkholhna adingin zuhelsa hai a sungpa,

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 11:13

Judah aw, nang in khuapi na neih zahzah pasian na nei a; Jerusalem kongzing pha zahzah a zumhuai Baal pasian biakna hal nadingin biakna-tau na dawh hi.

Jeremiah 15:6

Nangmah in kei nong nolh khin zo hi," TOPA in cikhia hi. "Nang na nungtolhtolh hi. Tua hi-a na tungah ka khut hong nga-in kong susia ding hi; kong khuatuah thei nawn kei hi.

Jeremiah 16:11

amaute tungah TOPA in, ‘Na pate un kei hong taisan uh a, pasian dangte zui-in a na semin bia uh hi. Kei hong taisan uh a, ka thukham zui lo uh hi.

Jeremiah 17:13

Israel-te lamet TOPA aw, nang hong taisan khempeuh kimaizumsak ding hi. Nangmah hong taisante leivui laka lai kigelh a suak ding uh hi, bang hang hiam cih leh amaute in a nungta ciktui ahi TOPA a taisan khin uh hi.

Jeremiah 17:20

Amaute kiangah, "Judah kumpite le Judah mi khempeuh le Jerusalem khua sungah tenga hih kongpi a tawnte khempeuh aw, TOPA thugen za un.

Jeremiah 18:15

Tua hi napi ka mite in kei hong mangngilh uh a; amaute lampi le tanglai lampite ah amaute a muktusak kimanna a nei lo milimte tungah gimnamtui a hal lailai uh hi. Tuate in amau lampi dinga kisial pen tawnsak loin, lamkhem pen a tawnsak hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 2:30

"Na mite a mawkna-a dan pia ka suak hi; amaute a kibawlpha nuam kei uh hi. Humpinelkai gilkial bangin na namsaute un na kamsangte uh a liakmang khin hi.

Jeremiah 2:34

Mawhpeng mizawngte inn luhin na mat khak ngei loh hangin nuntakna sisan na puantunga baang, mite in a mu uh hi. Tua hi napi hihte khempeuh tangin,

Jeremiah 22:17

"Ahi hangin na lungsim uh le na mit un, aman lo-a metna bek mitsuana, mawhpengte sisan luansak ding, mi nuainet ding le ngongtat ding bek na sawm uh hi," a ci hi.

Jeremiah 22:3

TOPA thugen hih ahi hi: ‘Thumaan thutangin nasem un. A kisut gawp mite a nengniamte khut panin hukhia un, pemtate, pa nei lote le meigongte tungah khial loin gamhtat kei unla hih munah mawhpengte sisan luangsak kei un.

Jeremiah 26:15

Ahi zongin kei nong thah uh leh note le hih khuapi le a sunga om mite khempeuh mawhpeng sisan tunga khial na suah lam uh kitel un, ahang in, hih thu khempeuh note zaka gen dingin TOPA in kei hong sawl taktak ahi hi," a ci hi.

Jeremiah 26:23

Amaute in Egypt panin Uriah paikhiatpih uh a, Kumpipa Jehoiakim a puak uh hi; tuapa in namsau-in satlum a, ama luang mi mawkmawkte kivuina munah kipai hi.)

Jeremiah 44:3

Amaute in amaute ahi a, note na hi uh a na pate uh ahi zongin a theih ngei loh uh pasian dangte tungah gimnamtui halin a biakna un kei hong hehsak hi.

Jeremiah 5:6

Amaute hong lehdona lian lua-a, tam vei nungtolh mun lua ta uh ahi manin tulaka humpinelkai khat in amaute luh dinga, sehnel-gama keivom khat in susiagawpin a paikhia peuhpeuh a balzan dingin amau khuapi kiangah gialbem khat bokin a ngak ding hi.

Jeremiah 7:6

pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh,

Jeremiah 7:9

"Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

Tamlawhna 4:13

Ahih hangin ama sungah a thumante sisan luanna a piangsak kamsangte mawhna hang le siampite ginatlohna hanga piang ahi hi.

Ezekiel 20:26

Amaute in cikzia-in keimah TOPA ka hilam a theih nadingun a letsongte uh - biakna-a a piak uh tacilte a tungtawnin amaute ka buahsak ding hi,’ ka ci hi.

Ezekiel 7:22

Amaute ka lehngatsan dinga, amaute in ka goukholna mun ninsakin, a sungah buluhte lutin a ninsak ding uh hi.

Ezekiel 8:11

Tuate mai-ah Israel innkuan upate sawmsagih dinga amaute lakah Shaphan tapa Jaazaniah a ding hi. Amaute khut sungah gimnamtui kuang khat ciat tawi uh a, gimnamtui khu a zaamto hi.

Daniel 11:31

"Agalkapte in biakinnpi um-in kulh buahsakin nisim biakpiakna a beisak ding uh hi. Tua ciangin amaute in a hawmmangsak kihhuaina a koih ding uh hi.

Luke 11:50

Tua ahi manin leitung piancila kipan kamsangte khempeuh sisan ahi zongin,

Thupiakkikna 13:13

note lakah tua bang migilo khangin amau khuapi sungah mite lam khialh nadingin, "Eite pai-in pasian dangte va bia ni," (na theih ngei loh uh pasiante) ci-a a makaih khialh lam na zak uh leh

Thupiakkikna 13:6

Na sanggampa tektek, na tanu na tapa tektek, na it na zi tektek le na kithuahpih na lawmpa tektek in hong zolsimin, "Va pai-in pasian dangte va bia ni," (nang na hi-a, na pate ahi zongin a theih ngei loh pasiante,

Thupiakkikna 28:20

Note in amah a nusia-in a sia-a na gamtatna uh hangin na khut uh tawh na sepna khempeuhuah TOPA in hamsiatna, taina, buaisakna hong sawl dinga, na kisiat matengun siatpahna hong tungsak ding hi.

Thupiakkikna 28:36

TOPA in note le no hong uk dinga na koih uh kumpite, note le na pate un na theih loh uh minamte tungah hong hawlkhia ding hi. Tua lai-ah sing le suang pasian - pasian dangte na bia ding uh hi.

Thupiakkikna 28:64

Tua ciangin TOPA in leimong khat pan mong khat dong minamte lakah note hong thehthang ding hi. Tua lai-ah note in no genloh na pate un zong a theih loh pasian dangte - sing le suang pasiante na bia ding uh hi.

Kilaakna 16:6

Ahang in, amaute in na misiangte le na kamsangte sisan luangsak zo uh a, amaute thuak dinga kilawm bangin amau dawn ding sisan na pia zo hi," a ci hi.

Thukhente 5:8

Adang pasiante a teel uh ciangin, khuapi ah gal tunga, Israel tul sawmlite lakah lum le tei a kimu kei hi.