Jeremiah 18:23 - Zokam International Version

²³ Ahi hangin TOPA aw, kei thah hong sawmna khempeuh uh nang na thei hi. Amaute khialhna maisak kei inla amaute mawhna nang muhna panin phiatkhiatsak kei in; na mai-ah lawnthal inla na heh hun mahin thuaksak pah ek in.

LAISIENGTHOU CL Bible (BSI)

²³ Hinapiin Mangpa aw, Kei tha hing sawm a athu dapphielte zousie uh nangman na thei sieng hi, agitlouna uh ngaidam sinlen, na mitmu apat akhelnate uh nuoimang sin, hinanleh amaute na masangah paimangin um uhenlen, amaute nalungthah ni in tuabangin bawl in.

Zo Bible

²³ Hinanle Topa aw, kei tha ei sawmnate uh na thei hi. Amau’ khielnate maisah sinlen, na muna panin amau’ mawna phietmang sin. Na mai-ah amate puasah sieng in; na lungthah laitah ma-in amate thuohsah pai in.

Jeremiah 18:23 ပူးပေါင်းရင်းမြစ်များ

Phatna-late 35:4

Ka nuntakna a zongte maimawlin maizumsak in; ka siat nadinga sawmsimte lungmangin ciah kik uh hen.

Isaiah 2:9

Tua bangin mite kiniamsak sukin mihingte kiniamkhiat hi - amaute a maisak kei in.

Rome-te 2:5

Ahi hangin na lungkhauhna le na kisik theihlohna lungtang hangin Pasian thukhenna maan a kilaak hun ahi Pasian’ thangpaihna ni adingin nang le nang tungah thangpaihna a khol na hi hi.

Luke 21:22

Tua in, a kigelhsa khempeuh a tangtun nadingin gawtna hun ahi hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 15:15

TOPA aw, na theitel hi; hong phawk inla hong veh in. Kei hong bawlsiate tungah phu hong laksak in. Nang a lungduai na hi hi - kei hong lakhia kei in; nangma ai-in mawhsakna ka thuak lam ngaihsun in.

Jeremiah 11:23

Amaute a baanglai nangawn a om kei ding uh hi, bang hang hiam cihleh amaute dan ka piak kumin Anathoth mite tungah tuahsiatna ka tungsak ding hi,’ ci hi," a ci hi.

Jeremiah 8:12

A muh thadahhuai-in a gamtat uh, a maizum beek uh hiam? Them zong maizum lo uh a, kisuannazia ding nangawn a thei kei uh hi. Tua ciangin a puksate lakah puk uh a, amaute dan a kithuaksak ciangin a kilawnsuk ding hi,’ TOPA in ci hi.

Isaiah 10:3

Gamlapi pan gimna hong pai ciang, thukhenna ni ciangin bang na cih ding hiam? Hong huh dingin kua bel ding na hi hiam? Na hauhna koi-ah nusia ding na hi hiam?

Phatna-late 59:5

Israel’ Pasian, a Thahatpen Pasian, TOPA aw, minam khempeuh dan thuaksak dingin nangmah hong tho inla; a lehhek migilote lainat kei in.

Phatna-late 119:126

TOPA aw, nang sepkhiat hun hi ta hi; na thukham kipalsatsat hi.

Jeremiah 6:15

A muhthadahhuai-a a gamtatna uh maizum beek lo uh ahi hiam? Neukha zong maizum lo uh a, kisuannazia ding nangawn a thei kei uh hi. Tua ciangin a puksate lakah puk uh a, amaute dan ka thuaksak ciangin a kilawnsuk ding hi," TOPA in a ci hi.

Jeremiah 6:21

Tua ahi ciangin TOPA gen hih ahi hi: "Hih mite mai-ah a maikhak ka koih ding hi. Tuate tungah pate le tapate a kibangin kimuktu ding uh a; vengte le lawmte a mangthang ding uh hi," a ci hi.

Jeremiah 7:20

"Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi.

Jeremiah 17:4

Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

Jeremiah 26:8

Ahi hangin, mi khempeuh tungah gen dingin TOPA in Jeremiah a thupiaksa teng a gen khit phetin siampite, kamsangte le mi khempeuh in amah lencipin, "Na sih kul hi!

Jeremiah 26:11

Tua ciangin siampite le kamsangte in uliante le mi khempeuh tungah, "Hih mipa thah dingin thu kikhen ta hen, bang hang hiam cih leh amah in hih khuapi langpanin thu a gen hi. Na bilun na zaksa ciat uh ahi hi!" a ci uh hi.

Jeremiah 37:15

Amaute Jeremiah tungah hehin sat uh a, thong inn dinga a zat uh thuvanpipa Jonathan inn sungah a khum uh hi.

Jeremiah 38:4

Tua ciangin uliante in kumpipa kiangah, "Hih mipa thah ding ahi hi. Amah in hih a thugente hangin hih khuapi sunga a kinusia galkapte le mite khempeuh a lungkiasak hi. Hih pa in hih mite hoih nading zong loin a siat nading uh a zong hi," a ci uh hi.

Phatna-late 56:8

Ka tamlawhna ciamteh in; nangma laizial c tungah ka khituite gual in - na ciamtehnasa ah a om hiam?

Jeremiah 17:18

Kei hong bawlsiate maizumsak inla, ahi hangin kei hong maizumsak kei in; amaute lausak inla, kei hong lausak kei in; amaute tungah siatna ni tungsak inla, siatna athuapthuapin tungsak in.

Tamlawhna 3:60

Phu hong laknopna uh le kei langa a geelsimnate khempeuh uh a thukna na mu khin zo hi

Tamlawhna 3:61

TOPA aw, amaute hong engkonate, kei langa a geelsimnate khempeuh uh -