Jeremiah 18:21 - Zokam International Version

²¹ Tua hi-in a tate uh kialpi vatsak inla; amaute namsau vangliatna-in beisak in. A zite uh ta nei lo le meigongin omsak in; a mite uh sisak inla, a khangnote uh gal sungah namsau in kithatsak in.

LAISIENGTHOU CL Bible (BSI)

²¹ Tuaziehin atate uh kiel a shi dingin pekhie inlen, namsau hatna in asisan uh sungbuo in, tualeh azite uh meithai sah inlen, atate uh suun sahin. Tualeh apasalte uh thain um uhenlen, atangvalte uh kidouna mun ah namsau a tha in um uhen.

Zo Bible

²¹ Tua ahi ziehin kiel tawh a tate uh pulsisah inlen, namsau-in sisah sieng in. A zite uh ta nei loin meigongsah in. A pasalte uh pul natna tawh si uh hinlen, a tangvalte uh gal sungah namsau tawh si uheh.

Jeremiah 18:21 ပူးပေါင်းရင်းမြစ်များ

2 Khangthute 36:17

Amah in amaute langkhatah Babylon-te a kumpipa puak a, amah in mun siangtho sungah khangnote namsau-in thata numeino pasalnote, le a tek a khang sit a nei kei hi. Pasian in amaute khempeuh Nebuchadnezzar tungah a pia khin hi.

Phatna-late 63:10

Amaute namsau vat dingin kipia dinga, se-alte an a suak ding uh hi.

Phatna-late 63:11

Ahi hangin Pasian sungah kumpipa nuam dinga; Pasian min-a kiciamte khempeuh in amah phatin, zuauphuakte kam ahileh a kisipsak ding hi.

Paikhiatna 22:24

Kei ka heh dinga, namsau-in kong that ding hi; na zite uh meigong dinga, na tate uh pa nei lo a suak ding hi.

Isaiah 13:18

A thalte un khangnote khatuk dinga; naungeekte lainat loin naupangte a khuatuah tuan kei ding uh hi.

Isaiah 9:16

Hih mite a lamlakte un lam khialhpih uh a, a mapite un a gammangsak uh hi.

Isaiah 9:17

Tua ahi ciangin khangnote tungah Topa lungkim lo dinga, pa nei lote le meigongte a hehpih tuan kei ding hi; ahang in, mi khempeuh in pasian nei loin gilo uh a, kam khauh vive a pau uh hi. Hizahta hi khin napi a hehna dai tuan loin a khut liikto lailai hi.

Jeremiah 12:3

Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

Jeremiah 14:16

Tuateh amaute thugenna mite namsau le kialpi hangin Jerusalem kongzingte ah a kilawnkhia ding hi. Amaute, a zite a tanu a tapate uh a vui ding khat beek a om kei ding hi. Keimah in amaute thalawh tuahsiatna, amau tungah ka buaksuk ding hi.

Jeremiah 15:7

Na gamsung khuapi kongpite ah buhhah ciangka tawh amaute ka hah ding hi. Amaute in a lampi uh khek lo uh ahi manin sihna le siatna ka tungsak ding hi.

Jeremiah 15:8

Keimah in tuipi a sehnel sangin nupi meigong ka tamsakzaw ding hi. Ta khanglai nei nupite tungah suntangpi-in siatna ka tungsak dinga; amau tungah thakhatin lungkhamna le launa ka tungsak ding hi.

Jeremiah 50:30

Tua ahi ciangin a tangvalte lam lian dungah puk ding uh a, tua ni ciangin a galkapte khempeuh a kidaicipsak ta ding hi," TOPA in cikhia hi.

Jeremiah 9:21

I kongvangneute zui-in sihna hong kahto a, i kulh muanhuaite sungah hong lut hi; lamdung ah naupangte attan a, mipi tual-awng ah khangnote a bantan hi.

Tamlawhna 1:15

"Topa in ka sunga ka galhang khempeuh a nial hi; ka khangnote a siasak dingin b kei langah galkap a kaikhawm zo hi. Topa in a lenggah sukna-ah Judah Tanu Bit a tuancil khin hi.

Tamlawhna 5:3

Kote tagah le pa nei lo, ka suak uh a, ka nute uh meigong a bang uh hi.

Ezekiel 16:38

Angkawm le sisan a luangsak numeite bangin thukhenin dan kong tuaksak ding hi. Ka hazat hehna a ka thangpaih luatna sisan phulakna nang tungah kong tusak ding hi.

Ezekiel 22:25

Tuanu gam-ukte c in humpinelkai hawkin a samatte a balzan bangin mite balzan uh a, a goute uh le a van manphate uh laksak uh a, a sungah meigong numei tampi omsak uh hi.

Amos 4:10

"Egypt gama ka tunsak bangin note lakah gimna ka tungsak hi. Na khangmoite uh namsau in ka that a, na sakol matte uh zong kong hawlmangsak hi. Na giahphual uih uh na nak uh ka huksak hangin kei lamah nong kihei tuan kei uh hi," TOPA in cikhia hi.

Thupiakkikna 32:25

Namsau in kongzing lakah amaute ta nei loin omsak dinga, a inn uh launa in a uk ding hi. Nungakte le tangvalte naungekte le samkangte a simang ding uh hi.

2 Timothy 4:14

Sum sungpa Alexander in nakpi in kei hong bawlsia hi. Ama hihsa tawh kituakin Topa in a thukkik ding hi.

1 Samuel 15:33

Ahi hangin Samuel in, "Na namsau in numeite ta nei lo a suahsak bangin numeite lakah na nu ta nei lo a suak ding hi," a ci hi. Tuateh Samuel in Gilgal a TOPA mai-ah Agag a that hi.