Jeremiah 18:18 - Zokam International Version

¹⁸ Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

LAISIENGTHOU CL Bible (BSI)

¹⁸ Tuachi’n amaun, “Hing peiun, Jeremiah tungah silgilou iphiel ding uhi; aziehpen siempu akipat in dan thu amang sih ding a, mipil akipat in thuhilna leh guolneite apat thu amang sih ding hi. Hing pei un ama ilei toh idou ding a, athugente mawngmawng ingaikhietpieh sih ding uhi,” achi uhi.

Zo Bible

¹⁸ Tua ciengin amate in, “Hing pei un, Jeremiah sawmsim va vui, azieh pen thu ei hil ding siempu, i thu dawh ding mipil le Pasien’ kammal ei gen ding kamsang i kitasam sih ding uhi. Hing pei un, ama mawsiet vai-in a thugen khat mama zong mang sih vai,” ei ci uhi.

Jeremiah 18:18 ပူးပေါင်းရင်းမြစ်များ

2 Samuel 15:31

Tua hunin David kiangah, "A lehdo mite lakah Absalom tawh Ahithophel kipawl hi," ci-in a kigen hi. Tua ciangin David in thu ngen a, "TOPA aw, Ahithophel kuppihnate haina suaksak in," a ci hi.

2 Samuel 17:14

Absalom le Israel mite khempeuh in, "Ahithophel ngaihsutna sangin Ark-te Hushai ngaihsutna hoihzaw hi," a ci uh hi. Ahang in, Absalom tungah siatna a tun theih nadingin TOPA in Ahithophel piak ngaihsutna a hoihzaw-a a sehsa ahi hi.

1 Kumpite 22:24

Tua ciangin Kenaanah tapa Zedekiah paito in, Macaiah maitang a beng hi. Amah in, "Nang hopih dingin kei kiang pan amah hong pai ciangin TOPA kiang pana a a kha in koi lampi pen tawn ahi hiam?" ci-in a dong hi.

2 Khangthute 24:21

Ahi hangin amaute in amah sawmsim uh a, kumpipa thupiakna tawh TOPA biakinnpi tual ah suangin a denglum uh hi.

Job 5:13

Amah in mipilte, amau zuaupilna panin mana, zuauphuak siamte ngimnate nulmang hi.

Phatna-late 21:11

Nang tungah gitloh a sawmsim uh zongin, a sawm uh gitloh geelna a lawhcing thei kei ding hi;

Phatna-late 52:2

Nang, zuauphuah bek a sipa aw, na leii in siatna bek sawmsim a, tempa hiam tawh kibang hi.

Phatna-late 57:4

Humpinelkaite laizangah ka om a; a hate uh teipite le thalthangte ahi, a leiite uh namsau hiamte ahi mi - gamsa gilkialte lakah ka lum hi.

Phatna-late 64:3

Namsau bangin a leii uh hiamsakin sihtheihna thaltangte bangin a kammal un a ngim hi.

Paunakte 18:21

Leii in nuntakna le sihna vang nei a, a leii it mi in a leii gah ne ding hi.

Isaiah 32:7

Mi cingtak lopa sepzia kheltatna bek hi-a, a tasamte in thutanga a ngetna nangawn khemna tawh a suksiat nadingin gitloh ding bek a sawm hi.

Jeremiah 1:19

Nang hong sim ding uh a, nang hong ompihin hong hu ding ka hi manin amaute in hong zo kei ding uh hi," TOPA in cikhia hi.

Jeremiah 11:19

A kigo dinga kipaipih hiathiat tuuno bang ka hi-a; amaute in kei theih lohin hong sawmsimin, "Singkung le a gah susia khawm ni, ama mihing tenna leitang pan hemkhia-in a min kiphawksak nawn kei ni" ci uh hi.

Jeremiah 18:11

Tua ahi ciangin tu-in Judah mite tung le Jerusalem a tengte tungah gen in, ‘Hih in TOPA gen ahi hi: En un, note tungah siatna tunsak ding ngimna khat nei dingin ka kithawi hi. Tua ahi ciangin note na vekun na gitlohna panun kihei unla na omzia uh le na nasep uh kibawlpha un,’ ci in.

Jeremiah 18:19

TOPA aw, ka thugen hong ngai inla; kei hong mawhsakte thugen za in!

Jeremiah 2:8

Siampite in ‘TOPA koi-ah om hiam?’ ci-in a dong beek kei uh hi. Thukham zangte in kei hong thei lo uh a, makaite in kei hong lehdo uh hi. Kamsangte in Baal minin thu gen uh a, kimanna a nei lo milimte a zuizui uh hi.

Jeremiah 20:10

Hong huau tampi ka za a, "Kim le pam ah launa bekbek! Amah hek un! Amah hek un!" hong kici hi. Ka lawmte khempeuh in ka puk ding hong pang gige kawmin, "Amah i khem zo kha ding hi; khem zo leng amah i zo pah dinga a phu i la zo ding hi," kici uh hi.

Jeremiah 26:11

Tua ciangin siampite le kamsangte in uliante le mi khempeuh tungah, "Hih mipa thah dingin thu kikhen ta hen, bang hang hiam cih leh amah in hih khuapi langpanin thu a gen hi. Na bilun na zaksa ciat uh ahi hi!" a ci uh hi.

Jeremiah 37:13

Ahi hangin Benjamin kongpi a tun ciangin kong cing ukpipa Hananiah tapa Shelemiah tapa Irijah min neipa in amah na mana, "Nang Babylon mite lama taisim ding na hi hi!" a ci hi.

Jeremiah 43:2

Hoshaiah tapa Azariah, Kareah tapa Johanan le a kiphasak mipi khempeuh in Jeremiah kiangah, "Zuau gen na hi hi! TOPA kote Pasian in nang, ‘Egypt ah pai-in na teng kei un, a ci dingin hong sawl lo hi.

Jeremiah 44:16

"TOPA mina ko tungah nong thupuak ka ngai kei ding uh hi!

Jeremiah 44:17

Hih dinga ka gensa uh ka hih taktak ding uh a: Judah khuapite le Jerusalem kongzingte ah ko le ka pate uh, ka kumpite uh le ka uliante un a hih bang tektekun Vantung Kumpinu tungah gimnamtu halin dawntheih-a biakna ka sungkhia ding uh hi. Tua hun lai-in an lah tampi ka nei uh a lamzangin supna baina lah ka thuak kei uh hi.

Jeremiah 8:8

"‘Bangci bangin note in, "Ka pil uh a, TOPA thukham ka nei uh hi," na ci uh hi, a taktakin lah laitheite’ laikung in amaan lo suaksak hi lo ahi hiam?

Tamlawhna 3:62

sun nilohin kei langah ka galte kihosima a kihuau khuankhuan uh na za zo hi.

Ezekiel 7:26

Tuahsiatna khat khit khat tung dinga, kam lengsawn khat khit khat a tung ding hi. Amaute in kamsangte panin mangmuhna ngah ding hanciam ding uh hi; siampite in thukham a hilhzia ding uh thei loin, upate in thu kidongte a dawng thei kei ding uh hi.

Siampi Laibu 10:11

Moses tawna TOPA in amaute a piaksa thukipte khempeuh Israel-te na hilh ding uh hi" a ci hi.

Micah 3:6

Tua ahi ciangin note tungah mangmuh kholh lohin zan hong tung dinga, aisanna loin khuamial hong tung ding hi. Kamsangte adingin ni tum dinga, amaute adingin sun a mial ding hi.

Micah 3:7

Thumute maizum ding uh a, thugenkholte a lungkim kei ding uh hi. Pasian in dawng lo ahi manin a vekun a maitang uh a hum ding uh hi," a ci hi.

Malachi 2:7

Siampipa kam in theihna a kep kula a mukpanin mite in hilhna a zong ding uh hi - bang hang hiam cih leh amah Thahatpen TOPA thupuakpa ahi hi.

Luke 11:45

Thukham siamte khatin, "Sia aw, hih thute na gen ciangin kote zong hong selpho na hi hi," ci-in a dawng hi.

John 9:40

Amah tawh a om khawm Pharisee-te pawlkhat in hih banga a gen a zak uh ciangin, "Bang e? Ko zong a mittaw maw?" ci-in a dong uh hi.