Jeremiah 18:11 - Zokam International Version

¹¹ Tua ahi ciangin tu-in Judah mite tung le Jerusalem a tengte tungah gen in, ‘Hih in TOPA gen ahi hi: En un, note tungah siatna tunsak ding ngimna khat nei dingin ka kithawi hi. Tua ahi ciangin note na vekun na gitlohna panun kihei unla na omzia uh le na nasep uh kibawlpha un,’ ci in.

LAISIENGTHOU CL Bible (BSI)

¹¹ Tuaziehin tuin Juda mite leh Jerusalem a tengte kungah thu gen in; Mangpa’n tambang in thu agen hi, Ngai un, na tung uah tuohsietna tunsah ding ka lemguot a, thu ka phiel laitah ahi, noute michin, tuin na umdan hoilou ua kipat in hing kihei unlen, na umdan u’leh na silbawl hoiloute uh bawlpha un, chi’n gen in.

Zo Bible

¹¹ Tua ahi ziehin tu-in Judah mite le Jerusalem-a tengte kungah tam bangin gen in: Topa in tam bangin ci hi: En un, kei pen note tunga sietna tunsah ding gelna a nei beelkheng pa ka hi hi. Tu-in na unpi-un na gitlona panun kiheikia unlen, na omdan ule na gamtatnate uh bawlpha un.

Jeremiah 18:11 ပူးပေါင်းရင်းမြစ်များ

Piancilna 11:7

Hong pai un, khat le khat a kitel loh na dingun va paisukin amaute kampau kitukalhsak ni," a ci hi.

1 Kumpite 22:23

"Tua hi a tu-in TOPA in na kamsangte khempeuh kam ah kha zuau a koih khin hi.TOPA in na thuak ding gimna khentat khin hi," ci-in a thugen a zom lai hi.

2 Kumpite 17:13

TOPA in ama kamsangte le thumute khempeuh tungtawnin Israel le Judah vauhilh a: "Na gitlohnate panun kikhel un. Na pate un aman dingin ka piak thukham khempeuh tawh kituakin a man ding uh le ka nasem kamsangte tungtawnin no tungah kong theihsak ka thupiakte le ka thukipte zui un," a ci hi.

2 Kumpite 22:13

"Pai unla hih a kimu laibu sunga kigelh thu kei ading, mite ading le Judah mite khempeuh adingin TOPA va dong un. I pate in hih laibu-a om thute mang lo uh a, eite tawh kisai-a kigelh khempeuh tawh kizui-in gamta lo uh ahi manin eite tungah TOPA hehna lian mahmah hi," ci-in thu a pia hi.

2 Kumpite 5:5

Aram kumpipa in, "Bangbang ahi zongin va pai ve, Israel kumpipa lai kong khaksak kei ding hiam,’ ci-in a dawng hi. Tua ciangin Naaman kuankhia-a, ngun talent sawm b, kham shekel tul guk c le puansilh kop sawm a keng hi.

Isaiah 5:5

Tu-in ka lenggui lo ka hih ding zia kong gen ding hi. A dai ka phelkhia dinga, a kisia ding hi; a kulh ka sukham dinga, a kituancil ding hi.

Isaiah 57:1

Thumaante mangthang napi, a lungsima ngaihsun kuamah a om kei hi; a thutak mite kilamang napi, siatna panin a kihemkhia ahilam kuamah in a tel kei hi.

Jeremiah 11:11

Tua ahi ciangin TOPA thugen hih ahi hi: ‘Amaute tungah gimna ka tungsak dinga, amaute a suakta kei ding uh hi. Amaute in kei hong ko in a kiko uh zongin a thugen uh ka ngai kei ding hi.

Jeremiah 11:19

A kigo dinga kipaipih hiathiat tuuno bang ka hi-a; amaute in kei theih lohin hong sawmsimin, "Singkung le a gah susia khawm ni, ama mihing tenna leitang pan hemkhia-in a min kiphawksak nawn kei ni" ci uh hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 19:15

‘Hih in Israel Pasian Thahatpen TOPA gen ahi hi: ‘Ngai un! Amaute ngawng khauh uh a, ka thugente ngai lo uh ahi manin hih khuapi le a kima om khuaneute tungah amau tungah tunsak dinga ka gensa gimna ka tungsak ta ding hi,’ ci hi," a ci hi.

Jeremiah 19:3

‘Judah kumpite le Jerusalem mite aw, TOPA thugen za un. Hih in Israel-te Pasian Thahatpen TOPA thugen ahi hi: Ngai un! Hih muna kong tunsak ding siatna pen in a za mite bil a vut ding hi.

Jeremiah 25:2

Tua ciangin kamsangpa Jeremiah in Judah mi khempeuh le Jerusalem a teng mi khempeuh tungah:

Jeremiah 25:5

Amaute in,"Note na gitlohna uh le na gamtatsiatna panun na kikhel ciat uh leh TOPA in note le na pate uh tungah na ten tawntung nadingun hong piaksa gamah na teng thei ding uh hi.

Jeremiah 26:13

Tu-in na omzia uh le na gamtat uh kipuahpha-in TOPA note Pasian thu mang un. Tua hileh TOPA in a lungsim khel dinga no tungah tunsak dinga a genkhiatsa gimna hong tungsak lo ding hi.

Jeremiah 26:3

Amaute in na thugen ngai-in gitlohna panin kihei thei kha ding uh hi. Tua ciangin amau gitlohnasate hanga amau tunga tunsak dinga ka geelsa siatna ka tungsak nawn kei ding hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 36:3

Judah mite in amau tunga tunsak dinga ka ngim siatna khempeuh a zak uh ciangin amau gitlohna pan kihei kha ding uh a, tua ciangin amau gitlohna le amau mawhna ka maisak kha ding hi," a ci hi.

Jeremiah 36:7

Hih mite tunga TOPA zaksak a hehna le a thangpaihna lian ahi manin TOPA mai-ah amaute thumin a gitlohna panun a kikhel kha thei ding uh hi," a ci hi.

Jeremiah 4:1

"Israel aw, nong kileh kik leh, kei kiangah hong kileh in," TOPA in cikhia hi. "Ka muhna panin a kihhuai na milimte uh hemmang-in gammang nawn lo-a,

Jeremiah 4:14

Jerusalem aw, na lungsim a gitlohna sawp inla, suakta in. Na gitlohna lungsimte bang tanvei kemcip lai ding na hi hiam?

Jeremiah 4:23

Leitung ka en a, lim le meel nei loin a hawmpi hi a; tua teh vantungte ah khuavakte a om kei hi.

Jeremiah 4:6

Zion a pai nadingin dialkhai khai un! A suakta dingin manlangin tai un! Ahang in, leilu panin siatna hong tungsak a, a lauhuai siatna lianpi ahi hi," ci un.

Jeremiah 51:11

"Thaltangte hiam unla lumte tawi un! TOPA in Babylon suksiat sawm ahi manin Medes kumpite hanthawn hi. TOPA in phu la-in, a biakinnpi phu a la ding hi.

Jeremiah 7:3

Hih in Israel-te Pasian Thahatpen TOPA gen ahi hi: Na lampi uh le na gamtat uh puahpha un, tua hileh note hih munah kong tengsak ding hi.

Ezekiel 13:22

Kei lungkhamsak lohin thumaan mite khemin na lungkiatsak man uh le migilote a gamtat hoih lohna panun a kihei loh ding uh hanthawnin tua bangin a nuntakna uh na husak uh hi.

Ezekiel 18:23

Migilo khat sihna hangin nuam ka hi hiam? Thupipen TOPA in cikhia hi. Nuam lo tham loin kisikin a nuntak ciangin nuam zaw hi lo ka hi hiam?

Jonah 3:8

Mihing ganhing khempeuh in puan hampi silh ding hi. A kua mahpeuh in manlangin Pasian sam uh hen. A ngongtatna uh le a gitloh gamtatnate uh sem nawn peuhmah kei uh hen.

Micah 2:3

Tua ahi ciangin TOPA in: "Hih mite tungah gimna tunsak ding ka geela, tua panin na kihonkhia thei kei ding uh hi. Tuahsiat hun ta ahi manin, na kiphatsak pai nawn kei ding uh hi.

Zechariah 1:3

Tua ahi ciangin mite tungah gen in: Thahatpen TOPA gen hih ahi hi: ‘Kei lamah hong kihei un, Thahatpen TOPA in cikhia a, ‘tua teh no lamah kong kihei ding hi,’ Thahatpen TOPA in ci hi.

Nasepte 26:20

Amaute kisik a Pasian lamah a kihei nading uh le a kisikna uh, a gamtatna uh tawh a lah nadingun a masa in Damascus-ate kiang, tua khit ciangin Jerusalem-ate kiang le Judea gam khempeuh le Gentile-te kiangah zong ka hilh hi.

James 4:13

"Tuni hiam zingciang hiam in hih khuapi, tua khuapi-ah pai-in tua lai-ah kum khat taamin sum bawlin sum va zong ning," a ci note aw, tu-in ngai un.

James 5:1

No a hau mite aw, tu-in ngai un, no tungah gentheihna hong tung ding ahi manin kap unla kapkap un.